KINONO KIRURUT 7:13 - PIPÏLIA

¹³ Kichamakwa akusoyönokwa akïtas yiyenkwa akusoyön parenikwa atonyorunö pagh nko dipay* nko mwowöyi arol, akïtas kyakikwa, ompö kor nyo kiyomisyï papotïnecho lö okonokwa.

KINONO KIRURUT 7:13 ပူးပေါင်းရင်းမြစ်များ

NEEMIA 9:32

“Kïlenyona we Tororötïnyo nyo ichï wow, ichinyi awes, we Tororöt nyo kiwöghöy! Iripenyi mumengu nko chomnyengu nyo pö kokay. Melenchï kegh mïnkech kömpölelutchï kipkonchecha nko pöytoghicha nko kintöghoghicha nko tïsicha nko werkoyicha nko papotïnecha nko piköcha löwïr, kïngeta osiswo pöytoghi Asirya nko ye.

AYUPU 1:10

Nyini kekartenyi nyinte nko pikachi nko kïgh anka tïkwïl nyo tïng nyinte aisoyönönyi kïgh anka tïkwïl nyo ighöy nyinte aitönönyi nyinte kyak cho chang kïghömï ngwïny.

AYUPU 42:12

Kusoyön nyu ECHOTYON osiswo Ayupu cho pö löt kïtïl cho kipö tagh. Kitïng kechir 14,000 nko tamasay 6,000 nko eghin cho kïngortoy 2,000 nko sïkïröy 1,000.

TUMWÖY 1:3

Lata nyinte ket nyo kapita champilwa nyo mi pögh, nyo yinu akwa ompö osiswechi amelö yomot sökechi, perurote kïgh anka tïkwïl nyo ighöy nyinte.

TUMWÖY 107:38

Kusoyön ECHOTYON pikachi akutö kïsïch monïng cho chang akïtas kyakikwa kïchangit.

TUMWÖY 11:7

Ompöwölo pö man ECHOTYON, chömöy nyinte ighisyewut pö man. Sïwïyi pich cho tenote nyinte. Ompö kintöghoghinto tumï. Kïrïp kegh nko Syeminit. Tum pö Daudi.

TUMWÖY 127:3

Ropöwon monïngö cho pkono wölo mi ECHOTYON, konunötenyi chane ompö acha.

TUMWÖY 146:8

Ighöy ECHOTYON chepkarot kurosïta, ngetöy ECHOTYON cho kikupïtyö, chömöy nyinte pipö man.

WUWÖT 23:25

Asagh ECHOTYON Tororötïngwo, atökuperur omisyenkwa nko pöghe, onoteghonan sömewut ompö kwenunkwa.

NGÖTÏNYÖ 10:22

Ighöy chi kisöyönöto ECHOTYON kïsïkönon amelö töstoy kiwongunöt.

NGÖTÏNYÖ 15:9

Ghöchini ECHOTYON ara mwokïyon, wölo chömöy chi nyo rïpöy tïlilïn.

LAWIN 26:9

Osoyönokwa otösisyenö, aripan mumenyan nyay kyaman nko akwa.

MATAYO 6:33

Wölo ayara kïny Pöyunöto Tororöt nko mantanyi tökïtöswokwa nyinte tïkuchoni löwïr.

YOANA 14:21

“Chi anka tïkwïl nyo toköy kirurutköchan akïrïp, kï chichoni nyo chömanïn. Akï nyinte nyo chömanïn, kïchömöy Paponyan tïkwïl, achöman angongchï kegh nyinte.”

YOANA 15:10

Ato arïpakwa kirurutköchan otïpïyonekwa nyu chomnyenyan ori, kïle wölo kyarïptan kirurutko Paponyu atöpö orito chomnyenyi.

YOANA 16:27

ompöwölo chömokwa nyinte Paponyan, ompöwölo kachamanïkwa, aghanakwa lö kyangwïnan wölo mi Tororöt.

KINONO KIRURUT 1:8

Ani ECHOTYON nyo kyoyomisyï papotïnekwa ompö Apraam nko Isak nko Yakopo lö, otönan chane kor kïcheng kïlïkwï nyingwa nko yiyengwa nko pich cho rïpu chane.’

KINONO KIRURUT 13:17

Macheng kïgh anka tïkwïl nyo kikengot, atö kenyar atökïpïstö ECHOTYON nörekyenyi nyo ngwan akusyonchokwa akïtasakwa achangituna lenyini kiyomisyï papotïnekwa,

KINONO KIRURUT 28:1

“Ato aterakwa ngala ECHOTYON Tororötïngwo arip kiyomisutkachi löwïr cho omwowokwa asisete, kutotewunokwa nyinte ompö pipö ngwïny kïmïkul.

KINONO KIRURUT 28:11

Konokwa ECHOTYON monïng cho chang nko kyak nko omisyö nyo wow ompö koronini kiyomisyï papotïneku lö okonokwa.

KINONO KIRURUT 30:5

atökumïtwakwa ECHOTYON Tororötïngwo apkana kor nyo kipö papotïnekwa atökïlïkwï nyinkwa, atökuperur tïkukwa kïtösisyö achangitukwa kïtïl papotïnekwa.

KINONO KIRURUT 7:7

“Molenchï kegh kichamakwa ECHOTYON anta kïlakwa ompöwölo kyochikwa chang kïtïl piko walaka löwïr. Kyochikwa ngörï kïtïl pikö walaka löwïr.