KINONO KIRURUT 6:13 - PIPÏLIA

¹³ Okonyït ECHOTYON Tororötïngwo asagh nyinte onkït awalwal kegh ompö kaynenyi onkït.

KINONO KIRURUT 6:13 ပူးပေါင်းရင်းမြစ်များ

LUKA 4:8

Kuyokyï Yeso lö, “Kirate lö, ‘Sagha Echotyon Tororötïngu aipöghisyechï nyinte onkït.’ ”

MATAYO 4:10

Kuyokyï Yeso lö, “Wïyö Onyötonï! Ompöwölo kikikir lö, ‘Sagha Echotyon Tororötïngu aipöghisyechï nyinte onkït.’ ”

KINONO KIRURUT 10:20

Okonyïtö ECHOTYON Tororötïngwo apöghisyechï nyinte. Otuyö kegh nko nyinte lasiny awalwal ompö kaynenyi.

KINONO KIRURUT 13:4

Arïpa ECHOTYON Tororötïngwo akonyït arip kirurutkachi ater ngalechi apöghisyechï atuyö kegh nko nyinte.

LAWIN 19:12

Mewalwal kegh ompö kaynenyan ompö putintön, irat kaynenyan. Ochan ECHOTYON Tororötïnkwa.

YEREMIA 12:16

Kïkany ato cham chane kïrïp ortïna piköchan Israel akuwalwal ompö kaynenyan kïlentöy, ‘Kïle wölo söpöy ECHOTYON,’ le wölo kinet piköchan kuwalwal ompö kayna Paal,* kïlïku chane tïkwïl piköchan.

ISAYA 65:16

Kïlenyona chi anka tïkwïl nyo mököy kisoyönöt, kïsomöy Tororöt nyo Ghanate. Akwanka tïkwïl nyo omöy muma, kuwolwolo kegh kaynata Tororöt nyo Ghanate. Weröy kömpölelut cho kipö tagh akewutyeghö.”

ISAYA 45:23

Pö man mumenyan amelö wöghöko nyonikïny. Kyawalwalan kegh ompö mantanyan lö, ngwïnöy chi anka tïkwïl kïkïtïngo tawunyan akuwalwal lö terwanïn chane ngalechu.

TUMWÖY 63:11

Wölo ngörokyini pöytoghintö Tororöt, sölöy Tororöt cho kiwalwal ompö kaynenyi, poto kutïwa putï cho kïnöpöy. Ompö kintöghoghinto tumï. Tum pö Daudi.

KINONO KIRURUT 10:12

“Atere ye nyu pipö Israel kïgh nyo mökenokwa ECHOTYON Tororötïnkwa. Okonyïtö ECHOTYON arip ngalechi löwïr cho kimwa. Chama apöghisyechï ompö mïkuliskökwo kïmïkul nko ompö söponwekwo kïmïkul.

YEREMIA 4:2

akwato awalwalakwa ompö man olentöy, ‘Le ato söpöy ECHOTYON,’ kïnyoru nyu pipö koros, kisoyönöt nko ororyö ompö ani.”

YOSWÖ 2:12

Ye nyu owolwolwanïn lö le wölini kaghwokwa nyo karam aghwanïn tïkwïl nyo karam nko kato paponyan, akonanïn machey nyo oghönonekwa.

TUMWÖY 15:4

nyo sösöy nyinte nyo kikïpïstö Tororöt, wölo konyïtöy pich cho wöghöy ECHOTYON, chi nyo komönöy kiwalwalatenyi kïrkegh ketöni nyinte ngwonïn,

KINONO KIRURUT 6:2

akwa nko monekwo nko moneko monekwo. Okonyïtö ECHOTYON Tororötïngwo, ompö osiswekwo löwïr, arip kirurutkachi löwïr chete omwowokwa asete, atökïchangit osiswekwo ompö koronini.

KINONO KIRURUT 5:29

Wechï kö karam tya ntökölata choni mïkuliskökwa osis löwïr, nyo kötökonyïtanïn akïrïp kirurutköchan löwïr, atökuten osiswekwa chane nko monekwa kokay!

YEREMIA 5:7

Tepöy ECHOTYON lö, “Olöstowunyi lö ne nya we Yerusalem? Isïwïyenyi lö kapeny piköku ngalechan, akuwalwala kegh tororötin cho möle. Atanya kyapaghakwa ntopïghyö, opïstanïkwa apa aghata cheporesnan, osupchïkwa kegh kori chepkarten.

YEREMIA 5:2

Kïrkegh kuwolwolsïyi kïlentöy, “Kïle otini söpöy ECHOTYON,” wölo wolwolöy ompö putintön.

MATAYO 5:33

“Kyalïmakwa ngat lö kikïmwochï pich könyisyok lö, ‘Mewalwal kegh ompö putintön, wölo ighchinönyi Echotyon kini kewolwolchinyi Echotyon.’

WUWÖT 20:7

“Mekur kaynata ECHOTYON Tororötïngu kwïle, ompöwölo yityini ECHOTYON ngokï chi nyo kuröy kaynatenyi kwïle.

WUWÖT 23:25

Asagh ECHOTYON Tororötïngwo, atökuperur omisyenkwa nko pöghe, onoteghonan sömewut ompö kwenunkwa.

KINONO KIRURUT 5:11

“ ‘Mekur kaynata ECHOTYON Tororötïngu kwïle, ompöwölo yityini chotyon ngokï chi nyo kuröy kaynatenyi kwïle.

YOSWÖ 23:7

atömoghömö nko puntonichoni köngötyï kwenunkwa anta okur kaynötut pö tororötinekwa anta awalwal anta opöghisyechï chane anta asagh,

1 SAMWEL 7:3

Kïlenchï Samwel pipö Israel löwïr, “Ato komïlonchekwa wölo mi ECHOTYON ompö mïkulögh akonga, anategha nyu tororötinechay le to nko Astarot* ompö kwenunkwa atang wölo mi ECHOTYON apöghisyechï nyinte onkït. Atökïsörunenok mori Pilisti.”

1 SAMWEL 20:3

Kïlö Daudi, “Nkït papongu lö ichömaninyi nyoman, kenan nyu nyinte lö, ‘Mömïchininye kunkïtï Yonatan atömanarek.’ Owolwolunyi ompö kaynata ECHOTYON lö, lekït meghat ompö ani nyoman tenö sör nko kut.”

2 PÖYTOGHÏ 17:36

Okonyïtekwa ngalechoni, ochan ECHOTYON nyo kyamïtunekwa koro Misri ompö owesyö nyo wow. Okönyïtanïkwa aropkanïn amörostin cho kïpelöy.

ISAYA 48:1

Atere ngölyontonï, akwa pipö Israel, akwa cho opkono koro Yuda, cho owolwolo kegh kaynata ECHOTYON amwoghöy lö kïsoghöy Tororöt pö Israel, akwanyï melö osoghekwa ompö man.

TOWUNÖT 24:3

atomunyi muma ompö kaynata ECHOTYON, Tororöt nyo pö yïm nko ngwïny lö, mepchinenyinye werïnyan työ nyo pö pipö Kanan chï omönyan kwenungwa.

KINONO KIRURUT 13:5

Wölo apar werkoyon anta kirwotïtoghin anka tïkwïl nyo kenetokwa apenya ECHOTYON Tororötïnkwa nyo kimïtunenokwa Misri, koro sekeynön. Kalïsakwa chichoni opïstenö ECHOTYON Tororötïnkwa nyo kimwowokwa. Aranoni nyo omukekwa onoteghone ghöyityö ompö kwenunkwa.

YOSWÖ 24:14

Kïlenyona kïtas tagh Yoswö kïlö, “Okonyïtö ECHOTYON, apöghisyechï nyinte ompö mïkulögh nyo melö pö lïs nko ompö man, opïstenö tororötinechay kipöghisyechini papotïnekwa ompö koro Mesopotamiya nko ompö Misri, apöghisyechï ECHOTYON.