KINONO KIRURUT 5:10 - PIPÏLIA

¹⁰ Wölo osyonchinan pich cho makïrar cho chömanïn, akïripöy kirurutköchan.

KINONO KIRURUT 5:10 ပူးပေါင်းရင်းမြစ်များ

TUMWÖY 103:17

Wölo mi chomnyo ECHOTYON kokay nko pich cho wöghöy nyinte kïnomnyö akïmi köromnyenyi nko pïnwöy löwïr,

WUWÖT 20:5

Mesagh tïkuchoni anta ipöghisyechï, ompöwölo ochan ECHOTYON Tororötïngu nyo le söstoghin ompö tororötin walaka. Otökonan monïng ghöyïntino papotïnekwa pïnta nyo pö sömök nko nyo pö angwan, chona reyanïn.

WUWÖT 34:7

Syonchini cho chang akïlöstoghchini ghöyityengwa nko lelutkökwa nko ngokikwa amelö yityini chi nyo gha lö mötïnye ghöyityö, ghokyini monïng ghöyityeto papotïnekwa nko kukötinekwa löwïr, ntökwit pïnta nyo pö sömök nko nyo pö angwan.”

YEREMIA 32:18

Iporchinenyi chomnyengu pich elpun cho chang wölo imungenyi chane akwompö ngokï cho kigh yiyikwa. Ichinyi Tororöt nyo wow aichï awes! Kïkuroninyi ECHOTYON Kimuktoghin.

DANIEL 9:4

Asaghan ECHOTYON Tororötïnyu akötoy ngokï, olan, “Ichinyi, we Echotyon Tororöt awes, aichï Tororöt nyo pö konyït, nyo ikonyïtöy muma,* aiporchini chomnyengu nyo melö wonyot pich cho chöminyi akïrïpöy kirurutköku.

KIYITUT 14:18

‘Melö nyölo ECHOTYON lawel, tïng chomnyogh nyo möminye söröm akïlöstoghchini pich ghöyityö nko lelutkökwa. Töko monïng ghöyïntino papotïnekwa pïnta nyo pö sömök nko nyo pö angwan.’

YOANA 14:15

“Akwato achamanïkwa, orïpekwa kirurutköchan.

YOANA 15:14

Ochikwa kongotichan ato aghakwa tïkuchoni kochikwokwa.

RUMI 8:28

Kinkïtöcha lö, ompö tïkwïn lapay ighöy Tororöt kïgh anka tïkwïl karamit ompö pich cho chömöy nyinte, pich cho kikur nyinte kïrïp kegh nko machatenyi.

KALATIA 5:6

Ompöwölo ato kaketuyecha nko Kristo Yeso kïmelö kïgh ato kakïpa tum anta ewo. Kïgh pat nyo pïchigh kï kighanat nyo pöghisïyi ompö chomnyogh.

KINONO KIRURUT 4:40

Oripö nyu kirurutkachi löwïr, cho komwowokwa asete, atökuten ortïnekwa nko nyo pö monekwa nko moneko monekwa, atökïchangit osiswekwo ompö konokwa ECHOTYON Tororötïnkwa kokay.”

KINONO KIRURUT 7:12

“Ato alïmakwa kirurutchï arip nyoman, kïkomönöy nyu ECHOTYON Tororötïnkwa mumenyi nyo kyam nko akwa akuporwokwa chomnyenyi nyo möminye söröm le wölo kiyomisyï papotïnekwa.

KINONO KIRURUT 7:9

Kïlenyona onkïtï lö, ECHOTYON Tororötïnkwa kï Tororöt nyo ghanate. Komönöy nyinte mumenyi nko chomnyenyi nyo melö wöghöko ompö pich cho chömöy nyinte akïrïpöy kirurutkachi, ntökwitïta pïnwöy cho makïrar.

YAKOPO 1:25

Wölo chi anka tïkwïl nyo rosöy kirurut cho tenote cho tyoköy pich akïrip lasiny amalïkwï chi nyo teröy ngölyon akïwutyeghö, wölo nyo ighöy lenyini kater, kesoyönöy nyinte ompö kïgh anka tïkwïl nyo ighöy.

YOSWÖ 22:5

Orip lasiny kirurutchay kimwowokwa Musa mötworinto ECHOTYON lö, acham ECHOTYON Tororötïngwo arïp ngalechi löwïr akaman kirurutkachi kegh mopïstö nyinte apöghisyechï nyinte ompö mïkulöwekwo kïmïkul nko söponwekwo kïmïkul.”

1 YOANA 1:7

Wölo ato kïpestecha ompö löpoyïn le wölini mi nyinte löpoyïn, kesïkecha achane ghömïchö kwenunyo akïmwötwecha ngokï löwïr kisönko Yeso, Werïnyi.