KINONO KIRURUT 4:32 - PIPÏLIA

³² “Tepe köny ngala könyisyok, osis cho kitomönye keyiyinyi, kïngata otini kigh Tororöt chi ompö ngwïny. Aiyar ngwïny kïmïkul tesïwena lö ekïmi kïgh nyo wow nyo teno nyete nyo kikwigha anta mi chi nyo kakïlïm kïgh nyo wow nyo teno nyete?

KINONO KIRURUT 4:32 ပူးပေါင်းရင်းမြစ်များ

TOWUNÖT 1:27

Kïlenyona, kwigh Tororöt chi ompö kïtontanyi. Kigh mïrön nko korka.

2 SAMWEL 7:23

Mömicha puntonï walaka cho lata pipö Israel ompö ngwïny kïmïkul cho kisörunenyi koro Misri atökïlïkwï piköku kegh, atökwororit kaynengu. Kighchinyi chane tïpö töngönchin otini kiyonenyi pich walaka nko tororötinekwa akwompö piköku.

AYUPU 8:8

“Kaykay tepa pïnwöy cho kikuwer tenyorunö ngal cho kinkït papotïnekwa.

TUMWÖY 44:1

Kakelïmacha achane ompö yiticha, we Tororöt, kimwowecha papotïnecha ighisyewut cho kighanyi ompö osiswekwa otini le könyisyok.

WUWÖT 34:10

Kïlenchï ECHOTYON Musa, “Oman muma nko pipö Israel. Oghan töngönchin ompö tawungwa cho kitomöcha kwighisyö ompö ngwïny kïmïkul anta ompö punton anka tïkwïl akïsïwïyi pïchï omöngekwa kwenungwa ighisyo ECHOTYON, ompöwölo oghwokwa tïkwïn cho pö töngönchin.

ISAYA 45:12

Kyaghan ngwïny aghan ptangengmöt tökïmang orinyi. Kyoghïtan yïmwöy ompö owesyenyan, apöytonan asis nko arawa nko kokel.

YOEL 1:2

Atere poyï ngölyontonï, akïter chi anka tïkwïl nyo möngöy koronï. Kikwigha kïgh nyo lata nyete ompö osiswekwa anta osiswo papotïnekwa?

AMOS 3:2

“Ochikwa pich opïn ompö punton löwïr ompö ngwïny cho onkïtön. Kïlenyona omungokwa ompö ngokikwa löwïr.”

MATAYO 24:31

Yontoy nyinte malaykenichi nko kontï nyo chöghöy tya kïghamïtyï kïlankachi kïngetunö wop anka tïkwïl ompö ngwïny, kïngetunö yïm söröm nko söröm.

MARKO 13:27

Yoktoy nyu malaykenichi kïpa ngwïny kïmïkul kïghamïtï kïlankachi kïngetunö sörömu ngwïny ntökwit sörömu anka.

KINONO KIRURUT 28:64

“Atolapay kutoyokwa ECHOTYON oghömunö punton löwïr cho mi ngwïny atopöghisyechinökwa tororötin walaka cho kikigha ket nko koghïn, cho tomönye asaghakwa anta papotïnekwa.

KINONO KIRURUT 30:4

Ato mi pikökwa cho kikitoyö kïghömï ngwïny, kuyokunö ECHOTYON Tororötïncha wöloni,

KINONO KIRURUT 32:7

“Anane ye osiswo köny, aros pïnwöy cho kikuwer, atepe papotïnekwo atökuporwok, akïtö poyikwo atökïmwowok.

KINONO KIRURUT 33:29

Ochikwa ngörechote kïtya nya pipö Israel! Möminye chi nyo karkegh nko akwa, pich cho kisörï ECHOTYON, longenkwa nyinte nyo ghetokwa akï chokenkwa nyo konokwa rïntagh. Pkonchinokwa pungkökwa akïsaghsaghakwa lö, osyonchech, wölo otyökekwa chane.”

KINONO KIRURUT 4:7

“Möminye korö anka kïrkegh kö awes lö ne, nyo tïng tororöt nyo lekïto chane le wölo lata ECHOTYON Tororötïncha otini kakïrirchicha nyinte.