KINONO KIRURUT 4:30 - PIPÏLIA

³⁰ Kïkany ato omitekwa nyarïl akïpkonchokwa tïkuchoni löwïr, oyokyï kegh ECHOTYON Tororötïngwo ompö osisweku cho pö löt ater ngalechi.

KINONO KIRURUT 4:30 ပူးပေါင်းရင်းမြစ်များ

TOWUNÖT 49:1

Atolapay kïkur Yakopo werkachi akïlenchï, “Aghamïta kegh tomwowok kïgh nyo igho osis cho pkonöy ompö akwa.

NEEMIA 1:9

wölo ato oyokyanïkwa kegh arip kirurutköchan agh, oghömïtwokwa kïrkegh kyapekwa wölo low kïtya, omïtokwa ape wölo kyakïlan kesaghenanïn.’

TUMWÖY 107:13

Kïlokyï chane ECHOTYON ompö nyarïltangwa, kïsörunö kiwongunötengwa.

TUMWÖY 107:6

Kilokyï nyu ECHOTYON ompö nyarïltangwa kïsörï nyinte chane ompö kiwongunötengwa.

TUMWÖY 18:6

Okurön ECHOTYON ompö nyarïltanyan, orirchan Tororötïnyan kungarakanïn. Kïlïm nyinte kutinyan ompö Konyi, kit lokechan yitichi.

TUMWÖY 59:16

Wölo osölan owesyengu, otumchinan tökwoghö chomnyengu nyo pö kokay, ompöwölo ichinyi ghïpöwontenyan ompö osiswo kömpölelut.

WUWÖT 18:8

Kïmwochï Musa kapikoyenyi ngal löwïr cho kighchï ECHOTYON Parao nko pipö Misri akwompö pipö Israel akïmwochï kömpölelut löwïr cho kinyorï ompö rutogh nko wölo kisörï chane ECHOTYON.

ISAYA 1:19

Omekwa tïkwïn cho karamach cho pkono korononi ato arïpakwa kïnye ngalechan.

YEREMIA 23:20

Möchïchïkonye kokay nörekyo ECHOTYON ntökïtenö kwigh akupuntö machatenyi. Pköchini pikachi lasiny ngalechete ompö osis cho pkonöy.”

YEREMIA 4:1

“Ato kemïlo, we Israel, imïla wölo omitan. Mwoghöy ECHOTYON. “Ato inateghenyi körkeyïntin ompö tawunyan ametomtomönönyinye,

YEREMIA 4:2

akwato awalwalakwa ompö man olentöy, ‘Le ato söpöy ECHOTYON,’ kïnyoru nyu pipö koros, kisoyönöt nko ororyö ompö ani.”

YEREMIA 7:23

Wölo kyomwochan chane lö, ‘Atera kutinyan talïkwan Tororötïnkwa, alïkukwa piköchan, arïp ngalechï löwïr omwowokwa atonyorunö pöghisyö nyo karam.’

LOK 3:40

Mïchinecha kesyaka ortïnecho akemïlonchö ngat wölo mi ECHOTYON.

DANIEL 10:14

Kangwïnan omwowunyi kïgh nyo igho ompö piköku ompö osis cho pkonöy, ompöwölo pö sïwïyaghta osis cho pkonöy.”

OSEA 3:5

Wölo söromunyi kimïlisyö ngat pipö Israel akïyar ECHOTYON Tororötïngwa kïmi nko pöytoghin nyo pö ara Daudi. Atolapay kïrïp chane ECHOTYON akïkonyït nyinte atökïtöpö poropchenyi nko chane ompö osis cho tökïpkonöy.

SAKARIA 6:15

Pkono pich koros cho lowöch cho pkonöy kungöroköy ompö teksyo Kö pö Tororöt. Atoteka kumuchö, onkïtukwa lö nyinte ECHOTYON Kimuktoghin nyo kiyokwanïn ompö akwa. Ighisyot choni löwïr ato arïpakwa lasiny lenyini mwowokwa ECHOTYON Tororötïnkwa.

KIYITUT 24:20

Kura nyu Palaam pipö Amalek ompö sïwïyaghtanyi akutor kïngorsyö lö, “Kipö tagh Amalek ompö punton löwïr, wölo kinyoröy kupot kokay.”

IGHISYEWUT 26:20

Kyamtan nyo pö tagh ompö Damaska, atolapay amteghan kanasyanta Yerusalem, amteghan koro Yudea kïmïkul nko koros lapay cho pö punton, kyomchan chane lö mïchini kïkötö chane ngalekwa akïmïlisyö kutang wölo mi Tororöt, akwigh nyu pöghisyewut cho poru lö kikïkötö chane.

IGHISYEWUT 3:19

Okötenö nyu, awöghökisyö, atömanyïl kemwötwokwa ngokikwo, atökïpka nyu osiswö cho pö ngörekyö cho pkono tawu Echotyon.

KINONO KIRURUT 30:10

Wölo mïchinokwa oripö ngal löwïr cho kirote kitapunï pö kirurut. Owöghökisyenö nyu arïp ECHOTYON Tororötïngwo ompö mïkuliskökwo kïmïkul nko ompö söponwekwo kïmïkul.

KINONO KIRURUT 30:2

amïlonchö nko monekwo wölo mi ECHOTYON ompö mïkuliskökwo kïmïkul aterchï nyinte ngalechi chete omwowokwa ye.

KINONO KIRURUT 31:17

Onörekyinan chane tya asisoni apïstan awïnyan kegh chane atökewany. Nyoru chane nyörilwok cho pö otyogh, akutupï nyarïl kong, ato mi löt kïlö, ‘Ketwecha tïkuchï ghach löwïr, ompöwölo kakïpïstecha ECHOTYON.’

KINONO KIRURUT 31:21

akïnyorï nyörilwokï cho pö otyogh. Wölo kïrkegh kïlenyoni anet pipö Israel atökïlïkwï kïgh nyo rwokyini chane ompöwölo, melö wutyegho monekwa tumoni. Onkïtön kinonutkökwa cho nonöy, kïrkegh ompö nyete le ye kïtomö kwitïta chane koronini kyoyomisyan.”

KINONO KIRURUT 31:29

Ompöwölo onkïtön lö oghekwa nyo gha tya otini karapasan amïloncheghö arananye kyomwowokwa arïpa. Onyorukwa nyu nyarïl osiswechoni, ompöwölo oghekwa ECHOTYON kïnarek otini kaghakwa tïkwïn cho kitagh nyinte.”

EPRANIA 1:2

wölo ompö osiswechï pö söröm kïngölonöy nko acha kuwerï Werïnyi nyo kigh ngwïny ompö nyinte akwigh nyinte kïlïkwï mïlinto tïkwïn löwïr.

EPRANIA 5:9

Otini kikigh nyinte kuten, kegh nyinte kïlïkwï towunöto sörunöt nyo pö kokay ompö pich lapay cho terchini nyinte.