KINONO KIRURUT 4:24 - PIPÏLIA

²⁴ ompöwölo ECHOTYON Tororötïnkwa kï ma nyo pelöy kïgh anka tïkwïl. Kï Tororöt nyo le söstoghin ompö tororötin walaka.

KINONO KIRURUT 4:24 ပူးပေါင်းရင်းမြစ်များ

2 PÖYTOGHÏ 24:20

Kïnörekyï ECHOTYON tya pipö Yerusalem nko cho pö Yuda akïyona chane tawunyi.

TUMWÖY 21:9

Wuröy chane le lyopöto ma otini ketï. Wongöy ECHOTYON chane ompö nörekyenyi akïpel lömïs.

TUMWÖY 78:58

Kwigh nyinte kïnarek ompö tororötino punton akwigh nyinte kïlïkwï söstoghin ompö körkeyïntinekwa.

WUWÖT 15:7

Irïntonyi punköku ompö owesyeto ororyengu, iyontonyi nörekyengu kïpel chane le sus.

WUWÖT 20:5

Mesagh tïkuchoni anta ipöghisyechï, ompöwölo ochan ECHOTYON Tororötïngu nyo le söstoghin ompö tororötin walaka. Otökonan monïng ghöyïntino papotïnekwa pïnta nyo pö sömök nko nyo pö angwan, chona reyanïn.

WUWÖT 24:17

Kirumï ororyo ECHOTYON ompö pipö Israel le ma nyo kinöghöy ompö kutïng.

WUWÖT 33:3

Opetekwa kor nyo chang chö akïwow kumata, wölo melö owetan nko akwa, atömawanyakwa, ompöwölo ochikwa pich cho oghïghe mötöwöy.”

WUWÖT 34:14

“Mesagh tororöt anka tïkwïl, ompöwölo ochan ECHOTYON, Tororöt nyo le söstoghin ompö tororötin walaka.

ISAYA 10:17

Lïku löpoyïn pö Israel ma, kïlïkwï Nyinte nyo Tïlil lyopöt nyo pelöy ompö asis akonga kïgh anka tïkwïl akipelöy ompö katokachi nko takalawkachi.

ISAYA 30:27

Kïsöchini owesyö ECHOTYON nko ororyenyi wölo low. Poru man nko ighot nörekyenyi. Ngölonu nyinte, kïwöghökisyö ngalechi kïpelsyö.

ISAYA 30:33

Kikigh könyisyok wölo kinagha ma nyo wow nyo kïpelo pöytoghinto Asirya. Kiröytö to akïtapes, akenyïghit kwen kutïkumö. Kutini ECHOTYON kimïny nyo ngwïnöy le puseryonto ma nyo pelöy atoni.

ISAYA 33:14

Wöghisïyi mwokïyis cho mi Sayon. Potonchot chane ompö nyökoryö, akïmi kïlentöy, “Karkegh kirwoko Tororöt nko ma nyo nöghöy kokay. Ekïngo ompö acha nyo muköy kïngötuno ma nyo lata nyoni?”

ISAYA 42:8

“Ochan ECHOTYON, kaynenyan nyoni, motöninanye chitö anka ororyenyu. Amelö kitöni salatenyan körkeyïntin cho kipötöy.

AMOS 5:6

Ayara ECHOTYON tosöpchenö, tömengwïn le ma kuwany pipö Yosep. Pelöy ma pipö Petel lömïs akïpuryö chi nyo nuköy.

NAUM 1:2

Töni ECHOTYON Tororöt sitöt nyo mötïny pich cho söghöy tororötin walaka. Mungöy pich ompö kitököt ompöwölo pïchoni cho kigh nyinte kïnarek.

NAUM 1:6

Otini kanarek ECHOTYON, ekï ngo nyo lenchini kegh ongötu? Ngo nyini lentöy oköngöy sïngiryenyi nyo ngwan nya? Mïlu kegh nörekyenyi le lyopöt pö ma, pespesöy ghatoy kïlïkwï terït le kwïle.

SEPANIA 1:18

Memukönye kïsörï chi silpa nko koltin asisoni pö ECHOTYON, ompöwölo nyoröy ECHOTYON ngwïny kïmïkul ompö nörekyenyi nyo ngwan akuwany lömïs pich cho möngöy ori.

SEPANIA 3:8

Kïlenyona, lentöy ECHOTYON, “Akanyanïkwa nyu! Itïtoy ato orwokyinan pipö punton. Kyamutan akonga lö oghömïtunan koros nko pöyunötin atomïlchinan chane nörekyenyan nyo ngwan lakat, nörekyenyan nyo pö sastagh nyo nyoröy ngwïny kïmïkul.”

KIYITUT 25:11

“Melö tonörekyinan pipö Israel ompö kïgh nyo kegh Pineas wero Eleasar wero Aron tïsin. Katagh nyinte tororötin walaka kïpoto ani, nka nyoni manyaranye pipö Israel ompö nyölotyenyan.

1 KORINTO 10:22

Anta kïmökecha kwipenecha Echotyon sikong nya? Kichicha so owesöch kïtïl nyinte?

KINONO KIRURUT 29:20

Mölöstoghchininye ECHOTYON chi nyo lata nyoni, wölo yetu nörekyenyi tya ompö chichoni, atolapay kïtöpö parakunyi chïpötö anka tïkwïl nyo kakikir kitapunï ntökïtenö kuwany ECHOTYON nyinte lö karpïs.

KINONO KIRURUT 32:16

Kigh chane ECHOTYON kïlïkwï söstoghin, ompö saghata tororötin walaka, kïnarek nyinte ompö ngokikwa.

KINONO KIRURUT 5:9

Mesagh tïkuchoni anta ipöghisyechï: ompöwölo ochan ECHOTYON Tororötïngu nyo le söstoghin ompö tororötin walaka. Otökonan monïng ghöyïntino papotïnekwa ntökwit pïnta nyo pö sömök nko nyo pö angwan, chona reyanïn.

KINONO KIRURUT 6:15

Tömötöp ntökïngwanit lakat ECHOTYON Tororötïngu ompö nyi akuwangenokwa ngwïny. Ompöwölo ECHOTYON Tororötïnkwa nyo mi nko akwa akï Tororöt nyo le söstoghin ompö tororötin walaka.

KINONO KIRURUT 9:3

Kïlenyona, onkïtï asisete lö, ECHOTYON Tororötïnkwa nyo ntöghoghwokwa le ma nyo nöghöy. Nyinte nyu nyo rïntoy pïchoni atamukakwa nyu ayona chane awany kïrïp kegh nko kiyomisöto ECHOTYON.

EPRANIA 12:29

ompöwölo ma Tororötïncha nyo pelöy lömïs.