KINONO KIRURUT 4:20 - PIPÏLIA

²⁰ Wölo kisörunenokwa ECHOTYON mapa karïn ompö koro Misri atalïkuna pikachi kegh otï le ye.

KINONO KIRURUT 4:20 ပူးပေါင်းရင်းမြစ်များ

1 PÖYTOGHÏ 8:51

Ompöwölo piköku chane akï mïlanköku cho kimïtunenyi koro Misri, kïpkana kwenu mapa töngönchin.

TUMWÖY 135:4

Kikïlchï kegh ECHOTYON Yakopo, kilïkwï pipö Israel mïlatenyi.

TUMWÖY 28:9

Isörï piköku, we ECHOTYON, aisoyön pich löwïr cho le cheku. Ilïkwï mösöwontengwa aikaman chane kokay. Tum pö Daudi.

TUMWÖY 33:12

Soyönote puntonï cho ECHOTYON kï Tororötïngwa, pich cho kikïl Tororöt kïlïkwï chechi!

WUWÖT 1:13

Kutö pipö Misri pipö Israel kwigh ighisyö le sekey.

WUWÖT 1:14

Akwigh otöptöngwa kïngwanit ompö ighisyö nyo awes nyo pö teksyö nko ighisyö anka tïkwïl nyo kimi paren. Melö kisyonchï chi chane.

WUWÖT 34:9

lö, “Ato kechamanyi kïgh nyo kaghan, we Echotyon, osoghinyi lö, wïyö nko acha, kïrökegh kö pich cho oghïghe mötöwöy ailöstewecha ghöyityenyo nko ngokicho aichengecha kelïkuna piköku kegh.”

WUWÖT 6:7

Oghekwa alïkuna piköchan alïkwan Tororötïnkwa, tonkïtunökwa lö ochan ECHOTYON Tororötïnkwa nyo kyamïtunenekwa sekeynön ompö koro Misri.

ISAYA 30:6

Anyï ngölyon nyo kïmwochini tyonkïn cho pö okumpö ewu tagh kor nyo le surkwen nyo mwochini Tororöt chane lö, “Kirutö pich cho ghyongchini korengwa ompö koroswo puntoni walaka. Kiwerata chane kor nyo ki wow tapan, kor nyo kichang ngötunywö nko moroyut cho kitïng ngwonö nyo wow nko moroyut cho pegho mïröt. Kikasana chane sïkïröy nko tamasay ropöw cho pö olyot nyo wow cho kipetöy kïropchini pich cho kimemukcha kungarak chane.

ISAYA 48:10

Kyatyamakwa ompö nyörïlwok, le wölo kidoy silpa kïpïchighit ompö mapa kopan. Wölo kyasïwan lö melö kyosïkekwa kinyiwut nyonikïny.

YEREMIA 11:4

Mumanete nyaye kyaman nko papotïnekwa otini kyamïtunan chane koro Misri. Ompö chane, kilata korononi mapa karïn nyo kinagh kula lakat. Kyolenchan chane atera kutinyan, agh löwïr lenyini komwochan. Lïku nyu chane piköchan, alïkwan Tororötïngwa

DANIEL 3:26

Kïwö Nepukadnesa kïrich kuka mayay ngwan lakat akïlö, “Apkana sany Syadrak nko Mesyak nko Apedneko mötwori Tororöt nyo Töror Tya.” Kïpka sany pïchay lawel ompö mayay.

EPESO 1:11

Kikegh tïkwïn löwïr kïrïp kegh nko tötutyo Tororöt nko machatenyi, ompöwölo kikïlecha nyinte kelïkuna pikachi otini kikïlinyecha nko Kristo ompö machatenyi le wölo kilata kinonutyenyi nyo kinonöy otini le wïyay.

EPESO 1:18

Osoghan kutö nyinte mïkuliskökwa löpoyïn tasïwena, ankïtï wölo tenö kikönötö nyo kikurchokwa nyinte nko ororyö nyo pö ropöw cho kiyomisï nyinte pikachi,

KINONO KIRURUT 14:2

Ochikwa pich cho tïlilöch ompö ECHOTYON Tororötïngwo cho kikïngotokwa nyinte akakïlakwa ECHOTYON alïkuna pikachi kegh ompö kwenu puntoni walaka löwïr ompö ngwïny.

KINONO KIRURUT 26:18

Kachamakwa ECHOTYON asisete alïkuna pikachi kegh, kïle atakinye kiyomisokwa nyinte, akwanyï ye omisokwa nyinte oripö kirurutkachi löwïr.

KINONO KIRURUT 32:9

Ompöwölo kikïl ECHOTYON pipö ara Yakopo akïlïkwï pïchoni karerantanyi.

KINONO KIRURUT 7:6

Agha lenyoni ompöwölo ochikwa pich cho tïlilöch ompö ECHOTYON Tororötïngwo. Kakïngotokwa nyinte alïkuna pikachi kegh, ompö kwenu puntoni walaka löwïr ompö ngwïny.

KINONO KIRURUT 9:26

Asaghan nyinte lö, ‘We Echotyon TORORÖT, mewany piköku kegh cho kisörunyi aimïtunenyi koro Misri ompö owesyengu nyo wow.

KINONO KIRURUT 9:29

Akwanyï piköku chane kegh, cho kimïtunenyi Misri ompö owesyengu nyo wow.’

TITO 2:14

Kikonï kegh nyinte tökïsörunenecha ghöyityö anka tïkwïl akutïlilecha, cho le pikachi kegh, cho tïng machat kwigh pöghisyewut cho karamach.

1 PETRO 2:9

Wölo ochikwa pich cho kikekïlak akï tïsi pöytoghin, pich cho tïlilöch akï pipö Tororöt kegh, cho kikekïl kïpa kwamta ighisyewut cho pö töngönchin cho pö Tororöt nyo kikurokwa ongetunenö tuwïn, akulutokwa löpoyïntanyi nyo pö töngönchin.