KINONO KIRURUT 32:4 - PIPÏLIA

⁴ “Ghat ECHOTYON akutenate ighisyenyi, ompöwölo pö man ortïnechi. Tororöt nyinte nyo möwöghokonye nyo puryö lelut, ighöy nyo karam amöminye lïsa.

KINONO KIRURUT 32:4 ပူးပေါင်းရင်းမြစ်များ

TOWUNÖT 1:31

Kïsïwa Tororöt kïgh anka tïkwïl nyo kigh lö, pïchigh tya. Kuwer oghö, kwitï pöghetï, asisto mut nko akonga.

TOWUNÖT 18:25

Megh kïgh nyo lata nyoni! Mepar pich cho karamach nko cho ghach. Kikongityot chi nyo karam nko mwokïyon! Ewo, megh lenyoni! Meghönye so man kirwokinto ngwïny kïmïkul?”

2 SAMWEL 22:47

“Söpöy ECHOTYON, soyönote Ghatyenyan, nya kïsala Tororötïnyan nyo le Sörunintenyan.

2 SAMWEL 23:3

Kangalan Tororöt pö Israel, kölenchanïn ghatya Israel, “Ato payta pöytoghintö pich ompö man, akïkonyïtöy Tororöt,

2 OTÖPTINO OSIS 19:7

Nya kïtöpö kiwaghata ECHOTYON nko akwa, aros wölo opöghisyeghtoy ompöwölo möchömönye ECHOTYON Tororöt putintön anta chamata pich walak ketagh walak anta amata asoya.”

NEEMIA 9:8

Ompöwölo kisïwenyi lö kighöninyi nyinte kyamanyi muma* nko nyinte lö, itöninenyi monechi koro pipö Kanan nko koro pipö Ititi nko Amori, koro pipö Peris nko Yepusi nko Kirkasyi. Kepuntenyi ye nyu kiwalwalatengu, ompöwölo ipoyenyi man.

AYUPU 34:10

“Kïlenyona, atera ngalechan, chona pköchinok ngala, melö ighöy Tororöt ghöyityö ameghönye Kimuktoghin ngokï.

AYUPU 35:14

kïrkegh kelenyi, ‘Mesïwïyenyinye nyinte,’ mi kirwokö tawunyi, kanya nyinte kwïle!

AYUPU 36:23

Ngo nyo kitötyï nyinte arenyi anta ngo nyo muköy kïlenchï, ‘Keghanyi nyo gha?’

AYUPU 8:3

Ilentenyi so kwötöy Tororöt man? Inonenyi lö mi ato meghönye Kimuktoghin man?

TUMWÖY 100:5

Karam ECHOTYON, töpo chomnyenyi kokay akï pö otöptanyi nyo ghanate pïnwöy löwïr. Tum pö Daudi.

TUMWÖY 138:8

Ighwaninyi kïgh anka tïkwïl ompö machatengu, pö chomnyengu kokay, we ECHOTYON. Mewutyeghö ighisyewutko moriku. Ompö kintöghoghinto tumï. Tum pö Daudi.

TUMWÖY 145:17

Pö man ECHOTYON ompö ortïnechi, akï talase ompö ighisyewutkachi.

TUMWÖY 146:6

nyo kigh yïm nko ngwïny nko nanam nko tïkwïn löwïr cho mi oringwa, nyinte nyo kitwoytoy kegh kokay.

TUMWÖY 18:2

ECHOTYON kï ghatyenyan akï wölo oghïponan kegh akï sörunintenyan Tororötïnyan kï ghatyenyan nyo orïpchinan. Longenyan nyinte akï owesyo sörunötenyan, pchörinyan nyinte.

TUMWÖY 18:46

Söpöy ECHOTYON, soyönote köpönenyan nya kïsala Tororöt pö sörunötenyan.

TUMWÖY 19:7

Tenote kirurut pö ECHOTYON, lölongöy söpon. Ghanate machata ECHOTYON, töni ngöghomnyö sölwö.

TUMWÖY 31:5

Otöninan söpontanyu moriku, sörwante, we ECHOTYON, Tororöt pö man.

TUMWÖY 33:4

Pö man ngölyonto ECHOTYON akemuköy ketwoytoy kegh ighisyewutkachi löwïr.

TUMWÖY 78:35

Kunan lö ki Tororöt nyo kile ghatyengwa akï Tororöt nyo Töror Tya nyo kile sörunintengwa.

TUMWÖY 9:16

Kinkït ECHOTYON ompö mantanyi, kanam nyinte wökï ompö ighisyewutko ewunekwa.

TUMWÖY 90:16

Iporwecha mötworiku ighisyewutköku akïsïwa monecha owesyengu nyo pö ororyö.

TUMWÖY 92:15

Kuporï lö pö ECHOTYON man, köpönenyan nyinte, möminye ghöyityö nyonikïny.

TUMWÖY 97:2

Kiwitwit poltoy nyinte nko tuwïn, chïchïmo paytaghtanyi kitenat nko man.

TUMWÖY 98:3

Kenan nyinte chomnyenyi nyo pö kokay ompö pipö Israel nko otöptanyi nyo ghanate. Kasïwa ngwïnya kïmïkul, rïntaghpa echotyon Tororötïncha.

TUMWÖY 99:4

Ichömenyi man, we Pöytoghin nyo wow, kekïninienyi man ompö koro Israel. Kekonunyi kirwok nyo tenate nko man.

WUWÖT 34:6

Kuwer ECHOTYON tawunyi akïmwa lö, “Ochan ECHOTYON, Tororöt nyo pö kisyonchin nko pöropchö, melö kwïskwïs kïnarek, tïng chomnyogh nyo wow nko nyo ghanate.

OMTOGHIN 3:14

Onkïtön lö töpo kokay kïgh anka tïkwïl nyo ighöy Tororöt. Möminye kïgh nyo kimuköy ketösyini anta nyo kichïchuko. Kigh Tororöt lenyoni atokumï pich kuwagh nyinte.

ISAYA 17:10

Kowutyeghekwa, pipö Israel, Tororöt nyo sörwokwa akïkartakwa le ghat nyo wow, apekwa akatkat ket atasagha tororötin cho sis.

ISAYA 25:1

Ichinyi Tororötïnyan, we ECHOTYON, okonyïtinyi asal kaynatengu. Ompöwölo keghanyi tïkwïn cho pö töngönchin, kepuntenyi ompö man möchutköku cho kitatanyi könyisyok.

ISAYA 26:4

Aghana ECHOTYON kokay, körtonecha nyinte kïtenö osis.

ISAYA 28:16

Anyï ye nyu kïgh nyo mwowu Echotyon TORORÖT Kimuktoghin lö, “Otöninan Sayon kogh nyo tighöy kö, kogh nyo kiketyam, kogh nyo töpuno luch nyo pö olyot nyo wow, tighöyonto kö nyo pö man, melö kuskusöy chi nyo ghanate.

ISAYA 30:18

Akwanyï köngisïyi ECHOTYON tökusyonchokwa. Mito nyinte kïpsach kusyonchokwa ompö wölo ECHOTYON kï Tororöt pö man. Soyönote pich cho könöy nyinte.

ISAYA 32:2

Kikongityot atoni chi nko wölo kïghïpchegho ompö yomat nko wölo kikolo ompö chepkiriri. Kikongityot chane nko lalwatïn cho yintoy kuweröy kor wölo tïyame, akïkarkegh nko rurwo kogh nyo wow ompö kor nyo ngwan maral.

YEREMIA 10:10

Wölo ECHOTYON kï Tororöt pö man. Tororöt nyinte nyo söpöy, Pöytoghin nyo pö kokay. Otini kanarek kurïngring ngwïnya. Kor ne nyo köngöy nörkyengu nya?

YEREMIA 9:24

Wölo atomököy chi kïkwol kegh, kïmïchini kïkwol kegh ompöwölo nkïtanïn akïpköchini lö, ochan ECHOTYON nyo wow chomnyot, akunkïtï lö oghan man nko kitenat ompö ngwïny ompöwölo tïkuchoni cho ochömonan kegh nyoman.” Mwoghöy ECHOTYON.

DANIEL 4:34

“Nyini kiwonyö könyiswechay le mut nko odeny arosan yïm, kuyokwï kegh kinonutköchan. Asalan nyu Tororöt nyo Töror Tya, akonyït nyinte nyo söpöy kokay. Ompöwölo pö pöyunötenyi kokay nko kokay akïtöpo pöyunötenyi ompö pïnwöy löwïr.

DANIEL 4:37

“Kïlenyona osölan, atöror, akonyït Pöytoghinto yïm, ompöwölo pö man pöghisyewutkachi nko ortïnechi. Reytegho nyinte chi nyo kwolöy kegh.”

APAKUK 1:12

Melö so iponyi kokay nko kokay, we ECHOTYON Tororötïnyan nyo Tïlil? Melö kïmeghocha nyonikïny. We ECHOTYON, keghanyi pipö Papilon kïparecha, nyi nyo ichï Ghatyencha, keghanyi chane kïlïkwï sitencha.

APAKUK 1:13

Tïlilöch konyiku tya cho mötopönöcha ghöyityö, amöchömönye kïsïwa pich cho le lelï. Ompö ne nyu tesisenyi otinö mi mwokïyis kuwongöy pich cho tïlilöch kïtïl chane?

SEPANIA 3:5

Wölo pö man ECHOTYON nyo mi kanasyan ori, amelö ighöy kïgh nyo gha. Ighöy man kïtenö osis tïkwïl otini kayekanan, puryö tökwoghö nyo wutyegho kwigh man. Wölo letöy tagh mwokïyis kwighöy ngokï amelö lïmchini kegh arasï.

MATAYO 5:48

Alïkuna nyu pich cho tenote le wölo lata Paponkwa nyo mi yïm.

YOANA 1:14

Kiwaghaka Ngölyontononi kïlïkwï ptangengmöt akïmang kwenuncha, chi nyo nyïghitate pöropchö nko man. Kesïwecha ororyenyi, ororyö nyo kitö Kwanta Werïnyi nyo le akonga onkït.

YOANA 1:17

Kikonï Tororöt kirurut kuwerï Musa, wölo kikonï pöropchö nko man kuwerï Yeso Kristo.*

YOANA 14:6

Kïlenchï Yeso, “Ochan ore nko man nko söpon, möminye chi nyo wetöy wölo mi Papo kïpoto ato werwanïn.

YOANA 5:22

Melö rwokyini Paponyan chi anka tïkwïl, kakutö nyinte Werïnyi owesyö kïmïkul nyo rwokyini pich,

RUMI 1:32

Nkït chane lö lentö Kirurut pö Tororöt pich cho möngisïyi lenyoni kïmïchini kïmeghö. Wölo letöy chane tagh ompö ngalechoni akï, mwochini piko walaka cho ighöy ngalechoni lö, “Kaghakwa kuten.”

RUMI 2:2

Nkït pich lapay lö, otini rwokyini Tororöt pich cho ighöy tïkwïn cho lata choni, kwighöy man.

RUMI 2:5

Akwompöwölo kelïkunyi tighin, nyo mölïmönye ngal, imitenyi itösini kegh kïngwanit tya sitöt nyo koninyi Tororöt ompö asis nyo poru nyinte nörekyenyi ompö ngokï akurwokï pich ompö man.

RUMI 3:5

Wölo ekemwoghecha ne nyu ato poru ghöyityö nyo kighecha lö ighöy Tororöt man? Muko kemwaghacha lö kalel Tororöt otini kömungecha? (Olentan mwoghöy pich ataye lenyoni.)

1 KORINTO 10:4

akïgha chane löwïr pöghechoni pö mïkulögh, ompöwölo kighegha ghatyanoni pö mïkulögh kirïpöy chane aki Kristo* nyinte ghatyanoni.

KINONO KIRURUT 10:18

Nyinte nyo ngöroköy nyo le panan nko mïsïk akïchömöy ton akutöni omisyö nko sïro.

KINONO KIRURUT 32:15

“Kinöryö pipö ECHOTYON, wölo kimen, kinöryö chane akïpïghyö, atolapay kïpïstö Tororöt nyo kigh chane, akïsas Ghatyengwa nyo pö sörunöt.

KINONO KIRURUT 32:18

Kïwutyeghö chane Ghatyengwa, Tororöt nyo kigh chane. Tororöt nyo kitö chane söpon.

KINONO KIRURUT 7:9

Kïlenyona onkïtï lö, ECHOTYON Tororötïnkwa kï Tororöt nyo ghanate. Komönöy nyinte mumenyi nko chomnyenyi nyo melö wöghöko ompö pich cho chömöy nyinte akïrïpöy kirurutkachi, ntökwitïta pïnwöy cho makïrar.

YAKOPO 1:17

Ngwïno yïm ropöwonta anka tïkwïl nyo karam nko konunöt anka tïkwïl nyo kïltït. Rökuno wölo mi Paponyo le ighinto löpoyïntin cho mi yïmwöy akï nyo möwöghökönye anta ipï rurwö ompö waghakatenyi.

YAKOPO 4:12

Tororöt onkït nyo konu akurwokyï kirurut. Nyinte onkït nyo muköy kïsöru akuwur pich. Wölo ichinyi ngo terwokyinenyi chitö anaka?

1 PETRO 2:6

Ompöwölo mwoghöy Kikirut lö, “Arose! Kotönön kogh Sayon,* kogh nyo pö luch nyo pö olyot nyo wow nyo kyakïlan. Mölolïyönönye chi anka tïkwïl nyo ghönöy nyinte.”

1 SAMWEL 2:2

“Möminye anka nyo tïlil le ECHOTYON, möminye nyo körökegh nko nyinte, awes Tororötïncha le ghat.