KINONO KIRURUT 32:2 - PIPÏLIA

² Röröku kinetutköchan le rop, le röyön ompö sökö. Pïspisu ngalechan le pkopïs cho ropönchini sus cho ngwïrngwïröch akïkarkegh nko pögh cho rörökyini sikoryon.

KINONO KIRURUT 32:2 ပူးပေါင်းရင်းမြစ်များ

2 SAMWEL 23:4

kulïwchini chane le löpoyïn pö tökwoghö, le asis nyo möminye polta, nyo ighöy sus kusïl otini kepech korö.”

TUMWÖY 65:10

Iropönchinenyi parenicha ainyïrkilönyi ompö pkopïs aperurönyi kösïghe kïghya.

TUMWÖY 72:6

Nya kïkarkegh nyinte nko rop nyo ropönchini paren le pkopïs ompö ngwïny.

NGÖTÏNYÖ 4:2

Ompöwölo okonokwa kiyomisut cho karamach amopïstö kirntutkochan.

OSEA 14:5

Olïkunan le röyön ompö Israel akïwetöy le ket pö tapïk akïtorta nyighin le keti Lepanon.

OSEA 6:4

Wölo lentöy ECHOTYON, “Odoninyi ne nya, we Israel? Odoninyi ne nya, we Yuda? Ompöwölo lenye chomnyenkwa kapuret nyo pö tökwoghö akïlenye röyön nyo pïsöy lawel.

AMOS 7:16

Tera nyu ngölyonto ECHOTYON nyi nyo ilentöy mekany kïngor möt Israel. Amantegha pipö Isak.

MIKA 5:6

Pöytoy koro Asirya ompö chok akïpayta koro Nimrod ompö chok nyo mi kisach kisörwecha nyu chane ompö mori pipö Asirya otini kapka chane korencha akïlïtu rotyotïnecha.

MIKA 5:7

Kilïkwï nyu pipö Israel cho pö man kisoyönöt ompö punton le röyon nko rop nyo konu ECHOTYON kingarak kïgh anka tïkwïl cho melö kiköngöy kïkonu pich anta ropï pich.

SAKARIA 10:1

Atepa ECHOTYON rop osiswo pengat, ECHOTYON nyo yoku poltoy cho ipu rop. Konu nyinte pkopïson cho ighöy tïkwïn kïpit ompö tösunöto chi anka tïkwïl.

EPRANIA 6:7

Ompöwölo par nyo kigha rop kïnomnyö, akwigh onkïy akwa cho tïng kinyiwut ompö ngorin kï nyo kikusoyön Tororöt.