KINONO KIRURUT 30:9 - PIPÏLIA

⁹ Perurokwa ECHOTYON osïkö ompö kïgh anka tïkwïl nyo oghekwa. Konokwa monïng cho chang nko kyak nko omisyö nyo wow, ompöwölo ngörökyinekwa ECHOTYON otini kaghakwa nyo karam kïle wölini kingörokyï nyinte papotïnekwa.

KINONO KIRURUT 30:9 ပူးပေါင်းရင်းမြစ်များ

ISAYA 62:4

Melö tökekuroninyi ngat lö, “Nyo kikepïstö,” anta kïkurö korengu, “Korka nyo kikechal.” Kïkuro kaynengu nyo rel, “Nyo ngörökyini Tororöt,” kekurö korengu, “Nyo kiketar.” Ompöwölo ngörökyini ECHOTYON, akeyitöy nyinte le santeto korengu.

ISAYA 62:5

Ompöwölo le ato ipöy mïrönö chepkïltït, kwipinyi tïkwïl nyinte nyini kighinyi. Kïle ato ngörökyini chi pö kensyö korkenyi nyo kep, kïngörökyininyi tïkwïl Tororöt.

ISAYA 65:19

Ongörökan ante tya ompö Yerusalem nko pikachi. Mörumunonye rirata orinyi akï möminye chi nyo möko kingarakat chitö anka.

YEREMIA 31:27

“Omwoghan ante ECHOTYON lö pkonöy osiswö cho onyïghitan pich nko tïpö wudïn koro Israel nko Yuda.

YEREMIA 31:28

Akwompö wölo onkïtön oyokwïyöy, ankïtï wölo kïsyortoy anta kewur anta kerultö anta kechop kong, okomönan tïkwïl, akatkat, atek chane.

YEREMIA 32:41

Ongörökyinan oghchï chane tïkwïn cho karamach achïchimchan chane kïmang koronï ompö mantanyan.

YEREMIA 33:9

Lïku nyu kanasyanta Yerusalem wölo onyorchinan ngörekyö nko ororyö nko konyït. Potonchot akïmïghyö pipö koros ato lïm ngal cho karamach cho owetan oghchini pipö Yerusalem nko kisoyönöt nyo opchinan kanasyante tïkwïl.”

LAWIN 26:4

okonokwa nyu rop ompö oroyechi tökïrïr pagh akuyin ketï akwekwa.

LAWIN 26:6

“Okonokwa pöghisyö ompö korenkwa atompurö ngwïny aperesan, amökïminye chi nyo otyeghonokwa, anoteghonan tïpö wudïn kïngeta kor amökïminye ngot korenkwa.

SEPANIA 3:17

Mi ECHOTYON, Tororötïngu nko nyi, nyakan nyinte nyo koninyi owesyö rïntena. Ngörökyininyi ompö ngörekyö nyo wow, akï koninyi söpon ompö chomnyenyi nyo mamïnïng, akï ngörökyinyi ompö tum

LUKA 15:32

Wölo kömïchecha kengörekyenö aketuronchö, ompöwölo kökikeghitöcha lö kima werïnkwa, wölo satate ye, akikïlentecha kökikupot wölo kikenyorï ye.’ ”

YOANA 15:11

“Komwowokwa ngalechoni atökïtöpö ngörekyenyan orinkwa atökwitïta ngörekyenkwa.

KINONO KIRURUT 28:4

“Soyönöy ECHOTYON yiyenkwa nko parenikwa nko kyakikwa.

KINONO KIRURUT 28:63

Lïku le atanye kingarak ECHOTYON ompö akwa atanye kighwokwa nyinte nyo karam akïtasakwa achangituna, kïngörököy lenyoni tïkwïl otini wonyokwa akwighakwa opotyenö. Atolapay kengetenakwa koronini opetekwa ochengöy.

KINONO KIRURUT 30:8

atamuka arïpa ngalechï omwowokwa asisete.

KINONO KIRURUT 7:14

Kisoyönokwa kïtïl pipö punton löwïr. Möminye kwenunkwa chi nyo le ngetat anta korka anta ompö kyakikwa nyo lïku sonö.