KINONO KIRURUT 3:24 - PIPÏLIA

²⁴ ‘Echotyon TORORÖT, ketorönyi ye iporwanïn wowïntöngu nko owesyengu. Möminye tororöt anka yïm anta ngwïny nyo muköy kwighöy tïkwïn cho pö töngönchin cho keghanyi.

KINONO KIRURUT 3:24 ပူးပေါင်းရင်းမြစ်များ

2 SAMWEL 7:22

Kïlenyona, ichinyi wow tya, we Echotyon TORORÖT, ompöwölo möminye anka nyo lata nyi amöminye Tororöt anka kïpoto nyi ompö tïkwïn löwïr cho kikelïmacha.

2 OTÖPTINO OSIS 6:14

Akïlö, “We ECHOTYON Tororöt pö Israel, möminye tororöt anka nyo mi yïm anta ngwïny nyo latanyi! Iripenyi muma* nyo kyamanyi nko piköku, aiporchini chomnyogh nyo möngötönye chane cho rïpöy kirurutköku ompö mïkuliskökwa kïmïkul.

NEEMIA 9:32

“Kïlenyona we Tororötïnyo nyo ichï wow, ichinyi awes, we Tororöt nyo kiwöghöy! Iripenyi mumengu nko chomnyengu nyo pö kokay. Melenchï kegh mïnkech kömpölelutchï kipkonchecha nko pöytoghicha nko kintöghoghicha nko tïsicha nko werkoyicha nko papotïnecha nko piköcha löwïr, kïngeta osiswo pöytoghi Asirya nko ye.

TUMWÖY 106:2

Ekïngo nyo muköy kïmwowu ighisyewut pö ECHOTYON cho echön? Akï ngo nyo muköy kïsal nyinte kïmïchï?

TUMWÖY 145:3

Wow ECHOTYON akïmïchini kesal nyinte tya, memukönye kenkïtu wowïntanyi.

TUMWÖY 145:6

Ngölono pich ngaleku cho pö otyogh, omwotïtenan wowïntöngu.

TUMWÖY 150:2

Asala nyinte ompö ighisyewutkachi cho echön, asala nyinte ompö ororyenyi nyo wow tya.

TUMWÖY 35:10

Omwochinan ECHOTYON ompö mïkulöwunyan lö, “Möminye chi nyo karkegh nko nyi, nyo ighetöy chi nyo nyarkalal ompö nyo awes, akï nyi nyo isöruno meywon mosin.”

TUMWÖY 71:19

Itïtoy mantangu wölini le yïmwöy, we Tororöt, keghanyi tïkwïn cho echön tya. Möminye chi nyo kikongityot nko nyi.

TUMWÖY 86:8

Möminye tororöt anka nyo karkegh nko nyi, we Echotyon, amelö mi nyo muköy kwighöy cho ighenyi.

TUMWÖY 89:6

Ngo anka nyo kikongityot nko ECHOTYON ompö yïm? Ngo nyo lata ECHOTYON ompö löwïr cho mi yïm

TUMWÖY 89:8

Möminye nyo awes le nyi, we ECHOTYON, Tororöt Kimuktoghin. Ichinyi ghanate nyoman.

WUWÖT 15:11

“ECHOTYON, ngo nyo lata nyi ompö kwenu tororötin? Ngo nyo lata nyi nyo ichï wow ompö tïlilyö? Ngo nyo kiwöghöy ompö ighisyeghut cho echön nko cho pö töngönchin le nyi?

WUWÖT 8:10

Kuyokyï Parao lö, “Soghwanïn asïyech.” Kïlö Musa, “Nya kïlenyoni kemwaghanyi, atenkïtunö lö möminye chi nyo karkegh nko ECHOTYON Tororötïncha.

WUWÖT 9:14

Melö tonyörilonan ye kichoput mötworiku nko piköku opïn, wölo onyörilinyi tïkwïl atenkïtunö lö möminye anka nyo karkegh nko ani ompö ngwïny.

ISAYA 40:18

Kikongityot Tororöt nko ngo? Anta okörkeyitekwa nyinte nko ngo?

ISAYA 40:25

Ngo nyo kimuköy kekongityö nko ani? Ekïmi akonga nyo karkegh nko ani? Mwoghöy Nyinte nyo Tïlil.

YEREMIA 10:6

Möminye anka nyo karkegh nko nyi we ECHOTYON, ichinyi Kimuktoghin, wow kaynatengu akïtïngetö owesyö nyo wow.

DANIEL 3:29

“Kïlenyona kamwaghan ye nyu lö, ‘Pipö punton nko pich walaka cho pö kutïw cho sis cho mwoghöy Tororöt pö Syadrak nko Mesyak nko Apedneko ketörotöröy akepar korikwa kïlïkwï kïratis. Ompöwölo möminye tororöt anka nyo muköy kïsoru pich le nyï?’ ”

KIYITUT 23:23

Nyoman möminye ponintön paraku Yakopo. Amöminye chesoköynön nyo muköy Israel. Ngölono pich ye nyu Yakopo nko Israel. Kïlentöy, ‘Arosa kïgh nyo kegh Tororöt.’

KINONO KIRURUT 11:2

Onkïtunö ye nyu lö, melö ongölonan nko monekwa cho melö kinkït anta kisïwa. Wölo anana chilata ECHOTYON nko owesyenyi nyo wow nyo kyasïwekwa nko wowïntanyi

KINONO KIRURUT 3:23

“Asaghan ECHOTYON asisoni lö,

KINONO KIRURUT 32:3

Omwotïtenan kaynata ECHOTYON, kïsal pikachi wowïn pö Tororötïncha!