KINONO KIRURUT 3:13 - PIPÏLIA

¹³ Kyotönön kareranpa pipö Manase Kiliad kareran nyo kingötï nko Pasyan kïmïkul nyo kipöytoy Ok, nyoni kï koro Arkop kïmïkul.” (Kikïkuro tagh Pasyan koro Repaim.

KINONO KIRURUT 3:13 ပူးပေါင်းရင်းမြစ်များ

TOWUNÖT 14:5

Ato mi könyito taman nko angwan, kungwïn pöytoghinto Kedorlaomer nko pöytoghichay kimi tuyot tïkwïl nko askarinekwa akïrïnta pipö Repaim ompö Asterot Karnaim nko pipö Susim ompö Am nko pipö Emim ompö mpöghoghyo Kiryataim

2 PÖYTOGHÏ 10:33

cho kimi lalwa Yordan antakwagh okumpö kongasis nko koro Kiliad nko nyo pö Kad nko nyo pö Rupen akïnam koro Manase kareran, kïngata Aroer nyo mi mpöghoghyo Arnon, nyoni kï Kiliad nko Pasyan.

KINONO KIRURUT 29:7

Otini kikïpkanacha koronete, kïpka kïporyeghenecha ompö Sion pöytoghinto Espon nko Ok pöytoghinto Pasyan, wölo kerïntecha chane

KINONO KIRURUT 29:8

akecheng korengwa ketö pipö Rupen nko kareran pö pipö Manase nko cho pö Kad kïlïkwï nyingwa.

KINONO KIRURUT 3:12

“Otini kikïchengacha korononi osiswechoni kïlïkwï nyincha. Otönan pipö Rupen nko cho pö Kad. Kïngata Aroer nyo mi mpöghoghyo Arnon ntökwit kareranpa koro komoswo Kiliad, kïmi nko kanastinekwa.

KINONO KIRURUT 3:14

Kïcheng Yair wero Manase koro Arkop kïmïkul, nyoni kï Pasyan ntökwit sörömu koro pipö Kesyur nko pipö Maaka. Kïkurteghö koroswechoni kaynatenyi, nka nyoni tökekuro nko nyete le ye kanastina Yair.)

KINONO KIRURUT 3:4

Akechengacha osiswechoni kanastinechi löwïr. Melö kikitukacha kanasyan nyo le ompö akonga. Kikïchengacha kanastinekwa 60 cho kitïng. Nyoni kï koro Arkop kïmïkul nyo kile pöyunöto Ok nyo mi Pasyan.