KINONO KIRURUT 26:5 - PIPÏLIA

⁵ Omwoghwekwa nyu ompö ECHOTYON lö, ‘Ki chi pö Aram paponyan nyo kipototö akïwö kutang koro Misri. Kitöpö wöloni le pïnotyon akïmöngisyö. Ki pich chane cho ngörï otini kitïta wöloni, wölo kïtösisyö chane tya ntökïlïkwï pipö punton cho owesöch.

KINONO KIRURUT 26:5 ပူးပေါင်းရင်းမြစ်များ

TOWUNÖT 12:2

Oghinyi lïkune pipö kor akonga cho chang tya. Osoyöninyi aghinyi rumtenö lasiny atelïkuna kisoyönöt.

TOWUNÖT 24:4

Wölo iwetenyi ntet korencha, wölo mi tïlyayicha, atepchinö korka werïnyan Isak.”

TOWUNÖT 25:20

Kitïng Isak könyis tömönut angwan otini kipöy Repeka, chepö Petuel nyo pö pipö Sirya ompö koro Mesopotamia, aki chepto ompö Lapan.

TOWUNÖT 27:41

Kïwöch Esau Yakopo ompöwölo kisoyön paponyi nyinte, kïlö Esau ompö mïkulöwunyi, “Karich osiswö cho kïriröy ompö megha paponyan, ataparan nyu werïnyo Yakopo.”

TOWUNÖT 28:5

Kïlenyona, kïyonta Isak Yakopo, kïwö ntökwit Mesopotamia wölo mi Lapan, wero Petuel chi pö Sirya werto ompö Repeka, yoto Yakopo nko Esau.

TOWUNÖT 31:20

Kïlïs Yakopo Lapan chi pö Sirya ompöwölo melö kimwochï lö kimito nyinte kurïpöy.

TOWUNÖT 31:24

Wölo kungwïnchï Tororöt Lapan oghononi ompö kirwotïtogh akïlenchï, “Irip kegh, memwochï Yakopo ngölyon nyo karam anta nyo gha.”

TOWUNÖT 31:40

Kyotöpan lenyoni, kyowongunan asis pöghet awongunö kaghïtan oghö, ntökimamukanye ompö ntorï nyonikïny.

TOWUNÖT 43:12

Anamata ropïyen kïnyïl odeny cho mïchini ompöwölo mötïnye keyoda ropïyenichay kikitö mïlotwekwa, ompöwölo töptoy kiwutyeghö chane.

TOWUNÖT 45:11

tapaghenak wöloni tömokoryö nko moneku nko piko katangu lapay, ompöwölo tökïmi könyiswö mutï cho pkonöy cho pö kömöy.’

TOWUNÖT 45:7

Kiyokwanïn Tororöt anya angwïn tawunkwa, tömowonyekwa ompö ngwïny, tosöpchenö ompö sörunöt nyo wow.

TOWUNÖT 46:27

Kikïyichï Yosep karachïna odeny ompö koro Misri, pich cho pö ka Yakopo cho kipka Misri ki 70.

TOWUNÖT 47:27

Kïlenyona nyu kïmang Israel Kosyen ompö koro Misri, akïlïkwï sïkön ompö wöloni akïyiyö akïtösisyö tya.

TOWUNÖT 47:4

Kïlenchï chane Parao, “Kakïpkanacha kewuchï koronï, ompöwölo kimïl koro Kanan, melö tökïmi wölo oketïyi kyakiko mötworiku, akïlïkwï kömöy ngat korononi. Kïsoghecha nyi ye lö, chömchinö kïmang mötworiku koro Kosyen.”

WUWÖT 1:12

Wölo otini kitas tagh kuchop kong chane, kïtösisyö kïyiyö akïyasta. Kulilisyö tya pipö Misri ompö pipö Israel.

WUWÖT 1:5

Yiyo Yakopo lapay kï 70. Akökiwö Yosep Misri.

WUWÖT 1:7

Kïtösisyö pipö Israel ntökïghömï koronay akwowesöchitu.

OSEA 12:12

Kiperta Yakopo kïwö Aram kwïgh Israel karï tökïnyorï korka kiwo ngaror tökïnyorï korka

OSEA 12:13

kumïtuna ECHOTYON Israel werkoyon ompö Misri akïripö chane werkoyon.

IGHISYEWUT 7:15

Kïwö nyu Yakopo kutang Misri atolapay kïrapas nyinte nko kukötïnecho.

KINONO KIRURUT 1:10

Kikïtasekwa ECHOTYON Tororötïnkwa achangituna, akwanyï ye kyachangitukwa le kokelya yïm.

KINONO KIRURUT 10:22

Ki pich 70 kïpoto papotïnekwa cho kipa kïröytö koro Misri, wölo kitasakwa ye ECHOTYON Tororötïnkwa achangituna le kokelya yïm.

KINONO KIRURUT 26:4

“Chengöy nyu tïsin köröpononi akutö ato kïpelo amöroso ECHOTYON Tororötïnkwa.

KINONO KIRURUT 7:7

“Molenchï kegh kichamakwa ECHOTYON anta kïlakwa ompöwölo kyochikwa chang kïtïl piko walaka löwïr. Kyochikwa ngörï kïtïl pikö walaka löwïr.