KINONO KIRURUT 18:18 - PIPÏLIA

¹⁸ Oyonchinan chane werkoyon nyo karkegh nko nyi nyo ngwïno pikökwa kegh, onetan nyinte ngal cho mwoghöy akïmwochini nyinte chane kïgh anka tïkwïl nyo omwochinan.

KINONO KIRURUT 18:18 ပူးပေါင်းရင်းမြစ်များ

TUMWÖY 110:4

Kakuwalwal ECHOTYON amöwöghökönye kiyomisötenyi nyo lentöy, “Ichinyi tïsin kokay, le wölo kilata tïsin Melkisedek.”

TUMWÖY 2:6

“Kotönön pöytoghintenyu kïtöpö Sayon,* kutïngtönyan nyo tïlil.”

WUWÖT 4:12

Wïyö nyi, ongörokinyi onetinyi wölo ingölontoy.”

WUWÖT 4:15

Ingölonenyi nko nyinte aimwochï ngale cho ngölonöy anetokwa kïgh nyo oghekwa.

ISAYA 50:4

Kikonanïn Echotyon TORORÖT Kimuktoghin ngalyap, nyo omukan okil pich cho kikwoghochö. Konanïn makat tökwoghö anka tïkwïl, atamuk alïm kïgh nyo mököy kunetanïn.

ISAYA 51:16

Kotönön ngalechan kutingu, awïngchinyi rurwo ewunyan. Kyoghïtan wölnö le mïröt atek pchörin cho tighöy ngwïny. Olenchinan pipö Sayon, ‘Ochikwa piköchan!’ ”

ISAYA 51:4

“Atera pikachu ngalechan, alïma kïgh nyo omwoghan. Otöninan pipö punton kinetutkachu, ipchini kirurutköchan pipö punton löpoyïn.

YEREMIA 1:9

Atolapay kughïtö ECHOTYON ewunyi akïswany kutinyan akïlenchanïn, “Rosa yenyu lö kotönön ngalechan kutingu.

OSEA 12:14

Wölo kitapata Epraim nyinte tökïnarek kïlenyona pïsyini ECHOTYONtenyi kïtïpï kisönkachi parakunyi atökeghchï nyinte kïrïp kegh nko ngokichi.

AMOS 2:11

Kyaghan monekwa walaka kïlïkwï werkoy, kïlïkwï karachïnekwa walaka nasirin.* Mölenye nyini nya we pipö Israel? Mwoghöy ECHOTYON.

MALAKI 3:1

Lentöy nyu ECHOTYON Kimuktoghin, “Arosa, oyonunan kiyoktoghintenyan kungwïn kïsötwanïn arenyu. Kïnyini kïrumunö ECHOTYON nyini koyörekwa Konyi. Ngwïnöy kiyoktoghintononi okönekwa ompö emö nyo wow akïmwatïta ngala mumenyan.”

KIYITUT 12:13

Kïlokyï Musa ECHOTYON lö, “Osoghinyi, we Tororöt lö, sopö nyinte.”

KIYITUT 23:16

Kuryam ECHOTYON nko Palaam, kutö ECHOTYON kuti Palaam ngölyon akïlenchï, “Mïlena wölo mi Palak aimwochï ngalechï.”

KIYITUT 23:5

Kutö ECHOTYON kuti Palaam ngölyon akïlenchï “Mïlena wölo mi Palak aimwochï ngalechï.”

LUKA 24:19

Kïtep Yeso lö, “Ne tïku?” Kuyokyï lö, “Tïkwïn cho kighisyö ompö Yeso nyo pö Nasaret, nyo kile werkoyon nyo awes ompö ighisyewutkachi nko kinetutkachi ompö tawu Tororöt nko nyo pö pich löwïr.

YOANA 1:21

Kïtep pïchay lö, “Ichinyi nyu ngo? Ichinyi so Eliya?” Kuyokyï Yoana lö, “Ewo, mochanye.” Kïtep pïchay lö, “Ichinyi so werkoyontonay kïmitecha kekönöy?” Kuyokyï lö, “Ewo.”

YOANA 1:25

“Kwato mechinyinye Kristo anta Eliya anta werkoyontonay kikönecha, kï kölö ne nyu tepötisönenyi pich?”

YOANA 1:45

Kïtuyö Pilipo nko Natanael akïlenchï, “Kakïtuyecha nko chichay kikir Musa ngalechi ompö kitapu Kirurut* akï nyinte nyaye kikir werkoy ngalechi. Yeso nyinte, nyaye le wero Yosep nyo möngöy Nasaret.”

YOANA 12:48

Chi anka tïkwïl nyo töghanïn akïtagh ngalechan, kïtïng chi nyo rwokyini nyinte. Rwokyini nyinte asispa Söröm ngölyontononi komwowan.

YOANA 15:15

Melö tokuronokwa ngat mötwor, ompöwölo menkïtnye mötworintö kini ighöy echotyontenyi. Wölo kokurenokwa kongotichu, ompöwölo koyotwokwa tïkwïn lapay cho kyalïman Paponyu.

YOANA 17:18

Kayontan chane kïpa ngwïny, le wölanye kiyonwaninyi angwïn ngwïny.

YOANA 17:8

Kyomwochan chane ngalechanye kikonaninyi akakïtach chane akunkïtï nyoman lö, kyangwïnan wölo imitenyi akughan lö nyi nyo kiyokwanïn.

YOANA 4:25

Kïlenchï kokonay, “Onkïtön lö itu Masiya,* (ompö kayne anka kï Kristo).* Otini ketï, kïmwowecha ngal löwïr.”

YOANA 8:28

Kïlenyona, kïlenchï Yeso chane, “Otini kawanyakwa apar Wero Chi, onkïtukwa nyu lö, ‘Ochan nyinte nyo Kochï,’ ankïtukwa nyu lö, moghanye kïgh nyonikïny ante wölo ongölonan ngalechini kinetanïn Paponyu.

IGHISYEWUT 3:22

Kimwa Musa lö, ‘Yokwokwa Tororöt werkoyon, nyo le werïnkwa le wölini kiyokwanïn. Ater ngal lopoy cho mwowokwa nyinte.

IGHISYEWUT 7:37

Chichoni le Musa nyo kïlenchï pipö Israel, ‘Yokwokwa Tororöt nyo ngwïno pikökwa werkoyon, le wölini kiyokwanïn.’

KINONO KIRURUT 18:15

“Nyinö köteghöy lenyoni, kïyonwokwa nyinte werkoyon nyo karkegh nko ani, nyo ngwïno pikökwa kegh. Oterchï nyu ngalechi.

KINONO KIRURUT 33:5

Kilïkwï ECHOTYON pöytoghinto pipö Israel atanye kituyö piko ortïnekwa nko kintöghoghikwa.

KINONO KIRURUT 34:10

Amelö kitökïrumunö werkoyon koro Israel nyo lata Musa. Kingalan ECHOTYON nko nyinte tokoch ompö tokoch.

KINONO KIRURUT 5:5

Kyoghyongan osiswechoni kwenunkwa nko ECHOTYON atamuk oporwokwa ngölyontenyi, ompöwölo kyawaghakwa mayanya amelö kyapekwa apusta wölini le kutïng, kïlö nyinte,

1 TIMOTEO 2:5

Ompöwölo mi Tororöt akong kïpoto, akïmi akong nyo linyot pich nko Tororöt. Chichoni kï Kristo* Yeso,

EPRANIA 7:22

Lïku nyu Yeso kighyongtoghin nyo pö muma* nyo karam kïtïl walaka.