KINONO KIRURUT 18:10 - PIPÏLIA

¹⁰ Motötö monekwo kïlïkwï amörostin, amopöghisyeghö ngorsyö anta chesoköynön anta ponintön,

KINONO KIRURUT 18:10 ပူးပေါင်းရင်းမြစ်များ

TOWUNÖT 44:5

Melö so mpalawunete nyo gheghsyegho, akïngorsyegho echotyontenyan? Kaghakwa nyo gha tya.”

2 PÖYTOGHÏ 16:3

kirïp otöptino pöytoghi Israel. Kitötö nyini le werïnyi kegh kïlïkwï amöros le otöptino pipö punton cho kiyona ECHOTYON tawu pipö Israel.

2 PÖYTOGHÏ 17:15

Kisas chane kirurutkachi löwïr, akïpeny muma* nyo kyam nyinte nko papotïnekwa amelö kiyang ngal cho kirirchï ECHOTYON chane. Kisagh chane körkeyïntin cho puryö kinyiwut, cho kigh chane kïlïkwï pich cho puryö kinyiwut akïrïp otöptino punton cho le pöröriskökwa akïtagh kirurut pö ECHOTYON nyo kitagha chane lö marïp otöptino pïchoni.

2 PÖYTOGHÏ 17:17

Kitötö chane monekwa cho le wor nko tipïn kipelchï tororötino pipö punton akïpar kwegh atökïngor tïkwïn cho pkonöy akukil kegh lasiny kïrïp tïkuchoni akwigh kïgh anka tïkwïl nyo gha ompö tawu ECHOTYON akwigh nyinte kïnarek.

2 PÖYTOGHÏ 21:6

Kutötö werïnyi kepel kïlïkwï amöros. Kïpöghisyeghö ponintön akïmar pich cho ngoröy tïkwïn cho ighisyot akïngalan nko pich cho mi ngwen. Kigh ngokï cho ghach tya ompö tawu ECHOTYON akwigh nyinte kïnarek.

2 PÖYTOGHÏ 23:24

Kiyon pöytoghintö Yosia kapolok nko ponï nko chemöwostin nko körkeyïntinekwa ompö koro Yuda nko Yerusalem atökumï pich kïrïp kirurut cho kirote kitapï nyo kinyorchï Tïsin nyo Wow Ilkia Kö pö Tororöt.

1 OTÖPTINO OSIS 10:13

Kïma Saulö ompöwölo kighchï ECHOTYON nyo gha. Kimarïpnye kirurut pö ECHOTYON, wölo kïwö kitepa ngal chepsoköytin

2 OTÖPTINO OSIS 28:3

Kipel Aas tïkwïn cho ngutoy nyo karam kïlïkwï körös ompö mpöghoghyo wero Inom, akïpe werkachi kïlïkwï amöros, kïrïp kegh nko takal cho kighöy pipö punton cho kiyona ECHOTYON kwenu pipö Israel.

2 OTÖPTINO OSIS 33:6

Akïpel werkachi kïlïkwï ropöw cho kïpelöy ompö mpöghoghyo wero Inom, akwigh ngala ngorsyewut nko chepsoköynön nko kirosata kwegh akïsor pich cho ngölonöy nko onyötöy nko ponï. Kigh ngokï cho chang ompö tawu ECHOTYON, kwigh nyinte kïnarek.

WUWÖT 22:17

Ato tagh kwanta kuyilchï nyinte, kïmïchini kutötö kantin cho pö chepkïltït.

WUWÖT 22:18

“Mopïsyï korka nyo le ponin kïsöp.

ISAYA 47:13

Kesusönyi kegh kwïle ompö kiruröt nyo keyörchinyi kegh. Kanya nyu kïsörunyi pich cho nkït ngala kokel, pich cho chorönöy yïmwöy, akïmwowunyi lö ne nyo igho ompö nyi, arawanï nko arawe nyïna.

YEREMIA 27:10

Mi chane kïlïsokwa ompö ngalekwa, nyo ato aterakwa, kepokwa wölo low ompö korenkwa. Otulchinokwa wölo low, apekwa owonyö.

YEREMIA 27:9

Kïlenyona mater ngala werkoykökwa nko chepsoköytin nko kirwotïtoghï nko ponï cho mi kwenunkwa chona lenchinokwa mopöghisyechï pöytoghinto Papilon.

YEREMIA 32:35

Kitekï ato kïpelo amörostino Paal* ompö Mpöghoghyo wero Inom atökïpelchï tororötïngwa Molek monekwa cho le wor nko tipïn le amöros kïrkegh melö kyomwochan kwigh tïkwïn cho lata choni, ntökwanyï ye kegh pipö Yuda kwigh ngokï!”

YEREMIA 7:31

Atolapay kïpa Mpöghoghyo Inom akïtek ato kïpelo amöros ompö Topet, atökïpela monekwa, wor nko tipïn le amöros. Anyona nyu kïgh nyo melö kyomwochan chane amengwïnye mötïnyan kïgh nyo lata nyoni.

LAWIN 19:26

“Metöp ntam peny nyo mi kisön anta ipöghisyeghö pönut.

LAWIN 19:31

“Mewö wölo mi chemöwostin anta ponï, atömelïkwï sïmnyon. Ochan ECHOTYON Tororötïnkwa.

LAWIN 20:6

“Ato wö chi wölo mi chemöwostin nko ponï, otöghan nyinte akepesyot nko pikachi,

MIKA 5:12

awanyan ponï löwïr ompö akwa aparan ngorï löwïr ompö korenkwa.

MALAKI 3:5

“Ongwïnchinokwa atorwokyan ponï nko cheporestin nko cho tötoy söwintön nyo pö putintön nko cho moso pich cho kekir ropïyenikwa nko cho yonöy mïsïktin nko pönon nko to nko pich löwïr cho melö konyïtanïn.

IGHISYEWUT 19:19

Kwipï kitapunekwa pich cho chang cho kighöy chesoköynön akusupö tïkwïl akïpel chane kïsïwïyi pich löwïr. Kuyit olyeto kitapunechoni, kwitïta olyenyi ropïyen 50,000 cho pö silpa.

IGHISYEWUT 8:9

Kimöngöy chi nyo kikuro Simon kanasyantanoni, nyo kimi kïpöghisyegho osis cho chang cho kikuwer, akwigh pipö Samaria kïtangany ompö panenyi. Kigh kegh lö ochï chi nyo awes,

KALATIA 5:20

saghata körkeyïntin, ponintön, punyontön, syala, sastaghnan, nörekyö, semsem, kimölöto kegh, arata kegh.

KINONO KIRURUT 12:31

Masagh ECHOTYON Tororötïngwo le chane. Ompöwölo otini soghöy chane tororötinekwa kwighöy, lilöy ECHOTYON kïgh nyo lilöy ECHOTYON. Köpechï kïpel ompö chini le monekwa le amörostin ompö tororötinekwa.

1 SAMWEL 15:23

Ketagh nyinte kï körökegh nko ponintön, kepeny nyinte kï körökegh nko cheporesnan.”

1 SAMWEL 28:3

Kökikïma Samwel akïriryö pipö Israel ompö nyinte akïtïpchï kanasyantenyi Rama. Kökiyon Saulö chepsoköytin nko ponï ompö koro Israel.

1 SAMWEL 28:7

Kïlenchï Saulö mötworichi, “Oporwante wölo mi chepsoköyon, atö owan atepa nyinte kïgh nyo mïchini aghan.” Kïlenchï chane nyinte, “Mi akonga Endor.”

1 SAMWEL 28:8

Kïwaghach kegh Saulö kïsisit akulak sïrö walaka akïwö oghö nko pikachi odeny wölo mi kokonay akïlenchï, “Tepunenante oy aikurwanïn chi nyo omwowunyi.”

1 SAMWEL 28:9

Kïlenchï kokonay nyinte, “Inkïtönyi nyoman kïgh nyo kigh Saulö, ompöwölo kiyon nyinte pich cho kile chesoköytin nko ponï ompö koronete. Ompö ne nyu tetönenyi söpontönyan ngöghöp, atökeparanïn?”