12 Kïtïghöy chi anka tïkwïl nyo penyöy ngala tïsin nyo mi kïpöghisïyi osiswechoni anta kirwokin. Aranoni onkït nyo iwongonyi ghöyityö nyo lata nyoni ompö Israel.
Ato chi nyo mengwïnye ompö osis sömök, kechengo tïkuchi löwïr aketagha nyinte kïtöpö nko nyoryo pïchay kimïlisyeghö pïnotön.
Ilowitante ompö ngoki kwötyin, amepïsyï kïpaytanïn ngokichoni. Atamukan nyu alïkwï chi nyo tenate aketyakan ompö ngokï cho ghach.
Ato kïmuny kichïmpisin, kïngöghomitu sölwö, akwoto kinet chi nyo ngöghom, kïtösöy pköchin.
Wölo lentöy ECHOTYON, “Merwokyï chi anta gheghchï chi, ompöwölo ogheghchini we tïsin.
“Lentöy ECHOTYON Kimuktoghin, ato irïpanyi ortïnechan aigh pöghisyenyan lenyini komwowunyi oghinyi lïkuna tïsin nyo ghyongchini Konyan ori nko santa tïkwïl. Ochömunyi nyonö ghyongenö tawunyan le malaykenichï mi yi.
Wölo chi nyo ighöy ngokï ompö kwötyin, ato kö chito kore anta kö ton, keyono chichona kwenu pikökwa ompöwölo kemwa ECHOTYON.
Ompöwölo kasas ngölyonto ECHOTYON akïtïl kirurutkachi ompö kwötyin, mi parakunyi ghöyityenyi.
Akwato mi kaw anta kanasyan nyo matachakwanye anta ter ngalekwa anget apartegha terïtyon kelyekwo.
Kïlenchï Yeso kinetankachi, “Chi anka tïkwïl nyo chömöy ngalekwa, kïchömöy ngalechan, akwanka tïkwïl nyo töghokwa, kïtöghanïn tïkwïl, akï nyo töghanïn kïtöghöy Tororöt nyinte nyini kiyonwanïn.”
Chi anka tïkwïl nyo töghanïn akïtagh ngalechan, kïtïng chi nyo rwokyini nyinte. Rwokyini nyinte asispa Söröm ngölyontononi komwowan.
Ato olöstoghchikwa pich ngokikwa, kelöstoghchini. Kwato molöstoghchikwanye chane, kïmelö kïlöstoghchini.”
Kurwokyï Tororöt chane chinö mi sany. Kïlenyona ayona mwokïyis ompö kwenungwo.
Kyomwowokwa ngalechoni, wölo melö kyalïmakwa. Apenyakwa kirurut pö ECHOTYON akwolökwa kegh apekwa apusta koronini pö komos.
Kïkïl ECHOTYON osiswechoni pipö ara Lawi kwip Santukunay pö Muma* atökïpöghisyechï ECHOTYON, atökusoyön chane pich ompö kaynenyi nko nyete le ye.
Kïkany nyu ato lïm pipö Israel ngalechoni, kuwöghisyö, akïtagh nyu kwigh ghöyityö nyo lata nyoni ngat.
Wölo apar werkoyon anta kirwotïtoghin anka tïkwïl nyo kenetokwa apenya ECHOTYON Tororötïnkwa nyo kimïtunenokwa Misri, koro sekeynön. Kalïsakwa chichoni opïstenö ECHOTYON Tororötïnkwa nyo kimwowokwa. Aranoni nyo omukekwa onoteghone ghöyityö ompö kwenunkwa.
“Muköy ntökïlïsinyi werïnkwa anta werïngu anta cheptöngu anta korkengu nyini ichömenyi anta kongengu nyo pö man lö, ‘Nyonö kepe kesagha tororötin walaka,’ cho melö inkïtönyi anta papotïneku.
Lïmöy nyu chi anka tïkwïl akuwöghisyö, amelö tökïmi nyu chi anka nyo tökumukyini kwighöy lenyoni.
Ikany kïnya pïchoni le söwï kïwir chichoni kïtïgh, atolapay kïwir nyu pikö walaka. Aranoni nyo omukekwa onoteghone ghöyityö ompö kwenunkwa.
Wölo ato töp werkoyon anka tïkwïl ntökïlö ongölonöy ompö kaynenyan amelö komwochan nyinte kïngalan anta ngalana kaynata tororötine walaka, kïmeghöy werkoyontononi.’
Ompöwölo kikïl ECHOTYON Tororötïnkwa pipö Lawi ompö ortïnekwa löwïr atökïpöghisyö ompö kaynata ECHOTYON kokay.
akany kïpöghisyö ompö kaynata ECHOTYON Tororötïnyi le werkökwa cho le Lawi.
Ompöwölo onkïtökwa kinetutchanya kyalïmakwa kemwowunecha ompö Echotyon Yeso.
Kïlenyona nyu, chi anka tïkwïl nyo sösöy kinetutchoni, kïmelö katagh chi, wölo katagh Tororöt nyo konokwa Mïkulöwunyi nyo Tïlil.
Teghchinö ompö tawu pich, pich löwïr, cho tösöy tagh kwïghöy ngokï, atökuwagh pikö walaka.
Chi anka tïkwïl nyo penyöy ngaleku akïtagh kïterunyi, kepöröy, wölo ichichïm ainyakanitï.”
Kïlenyona, onömunö pïchoni le mwokïyis mi Kipea atö keparacha, atö kïngeta ghöyityö koro Israel.” Wölo melö kiterchï pipö Penchamen pikökwa chinö pö Israel.
Kyomwochan Eli lö otöninan sitöt konyi kokay, ompö ghöyityö nyo kighwanïn werkachi aki nkït nyinte, wölo mömwochïnye nyinte chane kïpïstö.