KINONO KIRURUT 15:10 - PIPÏLIA

¹⁰ Otönö chane ompö chomnyogh otini otöni chane, atökusoyönok ECHOTYON Tororötïnkwa ompö ighisyewutkökwa löwïr.

KINONO KIRURUT 15:10 ပူးပေါင်းရင်းမြစ်များ

NGÖTÏNYÖ 22:9

Kisoyönöy chi nyo karam mu, ompöwölo moröy omisyenyi nko mey.

OMTOGHIN 11:1

Lösyinö pagheku pögh parak, ompöwölo tösisyot ato mökïlownye.

ISAYA 32:8

Wölo ighöy chi nyo le pöropchon ngala pöropchö akughyongo lasiny ngalechoni.

ISAYA 58:10

ato apaghakwa pich cho sutyote atö omisyö kïmïchï pich cho tïng machat, kïwaghaka nyu tuwïn nyo kiwitakwa kïlïkwï löpoyïn pö pöghetkwen.

MATAYO 25:40

Yokyini nyu pöytoghintonay chane lö, ‘Omwowokwa nyoman lö kïgh anka tïkwïl nyo kyoghchikwa akonga ompö werköcha chï mïnkech, kï kyaghwanïkwa!’

IGHISYEWUT 20:35

Kyoporwokwa ompö tïkwïn lapay lö ato opöghisyekwa le ani, kïmïchini angaraka pich cho nyörkölöle, akïkaram anana ngölyonto Echotyontenyo Yeso nyay kimwa nyinte lö, ‘Mi ngörekyö nyo wow otinö kakitötö kïsir ketach.’ ”

RUMI 12:8

Ato ko ropöwonto kikilöto pich, kukil pich lenyoni. Kïkany chi nyo pöghöy pich, kwigh lenyoni ompö mu nyo karam, akwanka tïkwïl nyo ghyongchini pich, kughyongchï lasiny akwanka tïkwïl nyo syonchini pich kwigh lenyoni ompö ngörekyö.

KINONO KIRURUT 14:19

Sïmnyon tïku löwïr cho mïnkech cho tïng köpepoy, mam tïkuchoni.

KINONO KIRURUT 14:29

Atökïpka kwam pipö Lawi cho mötïngcha kor nyo mïlöy nko akwa nko to nko pönon nko mïsïktin cho mi möngöy nko akwa, atökusoyönokwa ECHOTYON Tororötïnkwa ompö kïgh anka tïkwïl nyo oghekwa.

KINONO KIRURUT 15:18

Amekany kwaghïghit ompö nyi, pïstenö kïweghö katangu, ompöwölo kökakïpöghisyewunyi nyinte könyis mut nko akonga ighisyö nyo köpö mötwor odeny. Atö kusoyönïn ECHOTYON Tororötïngu ompö tïkwïn löwïr cho ighenyi.

KINONO KIRURUT 15:4

“Wölo mörumunocha meyï korenkwa, ompöwölo soyönokwa ECHOTYON Tororötïnkwa lasiny ompö koronini konokwa.

KINONO KIRURUT 23:20

Omukekwa oghoke chi nyo le ton tösöw ompö kïgh nyo kopösönchikwa, wölo mopösönchï werïngwo chi pö Israel aghach tösöw, atenyorunenö kisoyönöt ECHOTYON Tororötïngu ompö kïgh anka tïkwïl nyo ighekwa ompö korononi opetekwa ochengöy.

KINONO KIRURUT 24:19

“Otini olekwa paghekwo awutyeghekwa rötutkö walaka ompö par, kïmomïlisyenö lö kïpetöy kepu. Pöyitu chona pïnot nko pönon nko mïsïktin. Atökusoyönok ECHOTYON Tororötïngwo ompö tïkukwo löwïr cho oghöy.

KINONO KIRURUT 28:8

“Soyönöy ECHOTYON töpotonikwa nko kïgh anka tïkwïl nyo oghekwa ompö kor nyo konokwa nyinte.

EPRANIA 13:16

Mowutyeghö oghchï pich nyo karam angarak kegh akwane, ompöwölo amörostin cho lata choni cho chömöy Tororöt.

1 PETRO 4:11

Ato kikïkurïn lïkuna ngölonin, ingalan kïrïp kegh nko ngölyonto Tororöt, kïkany nyo pöghisyechini pikö walaka, kïmïchini kwigh lenyoni ompö owesyö nyo töni Tororöt nyinte. Ato aghakwa lenyoni, kïnyoru Tororöt salat ompö ara Yeso Kristo nyo nyenyi ororyö nko owesyö kokay nko kokay. Amen.