7 Wölo mam tyonchï kïrkegh kentoröy ngömïgh anta sökote putïlöy, tamas nko plekwa nko kaner ompöwölo ntoröy ngömïgh amelö sökote putïlöy. Sïmnyon tïkuchoni ompö akwa.
Omukekwa ome tyony anka tïkwïl nyo sakate putïlyö akuntoröy ngömïgh.
“Wölo chi anka tïkwïl nyo lïmöy ngalechan chete, amarïpnye, kemustoy nyinte chi nyo le sölwö nyo kitek konyi ngoyomwö parak.
Omekwa tyony anka tïkwïl nyo sakate putïlyö akuntoröy ngömïgh.
Mam nkïruwen, ompöwölo kïrkegh sökote putïlöy kïmelö ntoröy ngömïgh. Sïmnyon kïyoni ompö akwa. Maswany nyo kama.
Lïku pich cho, ato kiros ompö sany kïlentöy pich kighönï, wölo ompö oringwa töghöy owesyö nyo kïnyoruno kighanat. Ilowit kegh ompö pich cho lata choni.
Lenchini kegh chane kinkït Tororöt, wölo ompö ighisyewutkökwa kï kikïtagh nyinte. Pich cho nyïghïtat kireyata, akï tighï nyo melö mïchini pöghisyö anka tïkwïl nyo karam.