KINONO KIRURUT 13:6 - PIPÏLIA

⁶ “Muköy ntökïlïsinyi werïnkwa anta werïngu anta cheptöngu anta korkengu nyini ichömenyi anta kongengu nyo pö man lö, ‘Nyonö kepe kesagha tororötin walaka,’ cho melö inkïtönyi anta papotïneku.

KINONO KIRURUT 13:6 ပူးပေါင်းရင်းမြစ်များ

TOWUNÖT 16:5

Kïlenchï Saray Apram, “Nya kïlïkwï parakungu ghöyityö nyo kakighwanïn. Kyokoninyi chepï pöghisyewanïn, wölo otini kisïkï lö kyosïkisyö, kïwechï kïsasanïn. Nya kurwokwanïn ECHOTYON nko nyi lö ngo nyo tenate!”

2 SAMWEL 1:26

“Oriran akwompö nyi werïnyo Yonatan, kyochöminyi nyoman, ki wow chomnyengu ompö ani, kitïlöy chomnyo kor.

1 PÖYTOGHÏ 18:40

Kïlenchï Eliya pïchay, “Anama werkoyi Paal amopïstö nyo le ompö akonga kïchïwït!” Kenam chane löwïr, atolapay kumït Eliya kutang lalwa Kisyon akïpara chane wöloni.

2 PÖYTOGHÏ 11:18

Kïpa nyu pïchoni löwïr kutang kö nyo kikïsogho Paal* akïngany, atolapay kurultö ato kïpelo amöros akunyar körkeyïntin cho kïsoghöy akïpar Matan tïsinto Paal ompö atoni kïpelo amörostin. Atolapay kutö tïsin Yeoyada ripï kïrip Kö pö Tororöt.

2 OTÖPTINO OSIS 15:13

Akï lö, chi anka tïkwïl nyo möyörönye ECHOTYON Tororöt pö Israel, ketïghöy kïma, ato kö mïnïng anta kö wow, mïrön anta korka.

2 OTÖPTINO OSIS 23:17

Atolapay kïpa pich löwïr kutang wölo mi kö nyo kikïsogho Paal* akïwir kïrul akunyarnyar kïlïku mïrngany ato kïpelo amörostin nko körkeyïntinechi akï par Matan tïsinto Paal kïpörchï tawu ato kïpelo amörostin.

AYUPU 31:27

akï kïnkïn mïkulöwunyan sison kïsagh tïkuchoni, achïchïn ewunyan totö tïkuchoni konyït,

WUWÖT 13:3

Kïlenchï Musa pich, “Anan asisï kyapkanekwa Misri, ompö kö pö sekeynön, ompöwölo kyapkanekwa korononi ompö owesyo ECHOTYON. Möminye makatyanta nyo kyomöy nyo kakitö mumar.

WUWÖT 32:27

Kïlenchï chane, “Kölö ECHOTYON Tororöt pö Israel, ‘Chenga chi anka tïkwïl chokengu aiwö woptin löwïr ompö kukot löwïr cho pö möngot aipar chi anka tïkwïl werïngwo nko kongengu nko pöröryengu.’ ”

NGÖTÏNYÖ 18:24

Mi kongot cho ighöy kegh lö kïchï kongot, wölo mi akong nyo nomnyot nko kongenyi kïtïl werïngwa chi.

NGÖTÏNYÖ 5:20

Ompö ne nya werïnyu, tewonyechinö chepkartayan, pö ne tesïkwïrenö ewuneku koko chi?

YEREMIA 28:15

Atolapay owan omwochï Anania lenyoni, atasan olenchï, “Tera we Anania! Melö köyonunyi ECHOTYON, akwanyï ye keghanyi pïchï kughan putintön.

YEREMIA 28:16

Kïlenyona lentöy ECHOTYON oghinyi pakadena sany. Imeghönyi könyinete ompöwölo keghanyi pich kïtagh kïrïp ngalechi.”

YEREMIA 44:3

Kilïkwï choni akwompö ngokï cho kigh chane ntökwighanïn anarek. Kipelchï amörostin akïpöghisyechï tororötin walaka cho melö kinkït chane amelö onkïtökwa amelö kinkït ompö papotïnekwa.

SAKARIA 13:3

Kïkany kunomchï chi kegh lö ochï werkoyon, kïmïchini kïmwochï kwanta nko kame, chini kiyï nyinte lö, ‘Mïchini ketïghinyi ompöwölo kemwaghanyi putintön ompö kayna ECHOTYON.’ Atolapay kïpara chok chichay yiyichi atotösöy tagh kïngoröy ngal.

2 KORINTO 5:16

Melö tökepimecha ye nyu chi anka tïkwïl ompö ara par, kïrkegh kimi ato kikipimacha Kristo ompö ara por, wölo melö tökeghecha ye nyu ngat lenyoni.

KALATIA 2:4

kïrkegh kimito pikö walaka cho kigh kegh lö, kïchï kighonï akwanyï kichö ghotï chane. Kipka pïchoni kunkïtï kityakat nyo kikïtïngetecha ompö nyoryencha nko Kristo* Yeso kïmach chane kwighecha sekey,

EPESO 4:14

Melö nyu tolïkunekwa ngat monïng cho kutöy yomöt anka tïkwïl kughegh wölnö nko wölnö nyo pö kinetut pö pich cho pöghisyegho kinetutkökwa ompö lïs atökwigh pikö walaka kupotyö.

KINONO KIRURUT 11:32

Orip lasiny kirurut cho okonokwa asisete.

KINONO KIRURUT 13:2

akwigha lenyoni kömwowokwa nyinte akïlenchokwa, ‘Kerïpa tororötin walaka cho melö onkïtökwa atökepöghisyechinö,’

KINONO KIRURUT 13:7

Tororötino punton cho möngöy nko akwa anta cho lowöch.

KINONO KIRURUT 17:12

Kïtïghöy chi anka tïkwïl nyo penyöy ngala tïsin nyo mi kïpöghisïyi osiswechoni anta kirwokin. Aranoni onkït nyo iwongonyi ghöyityö nyo lata nyoni ompö Israel.

KINONO KIRURUT 18:20

Wölo ato töp werkoyon anka tïkwïl ntökïlö ongölonöy ompö kaynenyan amelö komwochan nyinte kïngalan anta ngalana kaynata tororötine walaka, kïmeghöy werkoyontononi.’

KINONO KIRURUT 19:19

oghchï nyu nyinte lenyini kömököy keghchï werïngwa. Aranoni nyo omukekwa onoteghone ghöyityö ompö kwenunkwa.

KINONO KIRURUT 21:21

Wiro nyu nyinte koghïn mïrön pö kanasyantanoni ntökïma. Aranoni nyo omukekwa onoteghone ghöyityö ompö kwenunkwa, ato lïm pipö Israel kuwöghisyö.

KINONO KIRURUT 22:21

akany kumït poyichoni kokononi cheponi ntökwit kuketo koto kwanta akïwira piko kanasyantanoni koghïn ntökïma. Ompöwölo kitö arasï pipö Israel otini kinya kïwestotö kïtomö keyilta. Aranoni nyo omukekwa onoteghone ghöyityö ompö kwenunkwa.

KINONO KIRURUT 24:7

“Ato kïsïwa chi anka tïkwïl nyo kanam werïngwa pö Israel akwigh nyinte kïlïkwï sekeyon anta alta nyinte le sekeyon apar chichoni. Aranoni nyo omukekwa onoteghone ghöyityö ompö kwenunkwa.

KINONO KIRURUT 28:54

Ghöyitu chi ompö nyo kökonyïtote ompö osiswechoni pö kirikat ntökïmul pento montanyi ompö nyini le werïngwa nko korkenyi nyo le chamanenyi nko monechi cho köngötï, akï melö töni akonga ompö chane kïnyorï penyoni pö monechi, nyoni omöy nyinte.

KINONO KIRURUT 29:18

Kïlenyona mömïchininye kïrumunö chi kwenunkwa nyo le mïrön anta korka anta kapor anta ortïn nyo mi asete nyo wöghököy mïkulöwunyi akïpïstö ECHOTYON Tororötïnyo akïwö kïpöghisyechï tororötino puntonichoni. Atömökarkegh nko ket nyo yinu akwa cho ngwonöch le ködöwï.

KINONO KIRURUT 8:14

Malïkwï pich cho le menot, atömowutyeghö ECHOTYON Tororötïngwo nyo kimïtunenokwa koro Misri ongetunenö sekeynön.

KOLOSAY 2:4

Komwowokwa lenyoni tömemï chi kïlïsenak ngalechi kïrkegh kö onyïne lö ne.

YOSWÖ 7:13

Ngeta ailenchï pïchï, ‘Otïlilö kegh atïpï kïpsach, ompöwölo lentöy ECHOTYON Tororöt pö Israel, “Mito tïkwïn kwenunkwa cho kikengot atö kenyar we Israel, melö omukekwa ntöghyongö tawu punkökwo ntökïtenö anateghenakwa tïkuchoni mi kwenunkwa.”

2 PETRO 2:1

Kïle wölo kichumuna kwenu pich werkoyi putintön ompö osis cho kikuwer, kuchumu lenyoni tïkwïl koneti putintön kwenunkwa. Lepu chane kinetut cho wuröy pich, akï pö putintön, akïtagh Echotyon nyo kisörï chane. Akwompö aranoni kwipchï kegh kiwurat nyo chumchini lö tursïs.

NGONGUT 12:9

Ketyorchï sany ntaranoni wow. Nyinte kï moroyonanya pö köny kikuro, Onyöt anta Oyin, nyanye kigh pipö ngwïny kïmïkul kwigh ngokï. Kikityorï nyinte kungwïn ngwïny nko malaykenichi löwïr.

NGONGUT 13:14

Atolapay kïlïs pich löwïr cho mi ngwïny ompö owesyo töngönchin nyo kikitö nyinte kwigha tawu tyonyay pö tagh. Kïmwochï tyonyay pipö ngwïny kwigh körkeyïn nyo kïsölo tyonyay kökiketörö chok akïsöp.

NGONGUT 20:3

akuchoytö kïröytö ngwen akïkörchï wöloni akutö kïgh kuke nyo por lö puryö chi nyo yotöy. Kikïkörchi wöloni Onyöt atömökumï ngat kïlïs pipö ngwïny ntökïtenö kuwonyö könyiswechoni le elpu akonga. Kïkany kuwonyö könyiswechoni le elpu akong, kïmïchini ketyak nyinte ngat, wölo ompö osis cho ngörï.

KIRWOKÏ 10:6

Kwigh pipö Israel ngokï ngat ompö tawu ECHOTYON otini kisagh Paaltin* nko Astarotin* nko tororötino pipö Sirya nko pipö Sidon nko pipö Moap nko pipö Amon nko pipö Pilisti. Kïpïstö chane kïsagh ECHOTYON.

KIRWOKÏ 2:13

Kïpïstö chane ECHOTYON akïpöghisyechï Paaltin nko Astarot.*

KIRWOKÏ 20:13

Kïlenyona, onömunö pïchoni le mwokïyis mi Kipea atö keparacha, atö kïngeta ghöyityö koro Israel.” Wölo melö kiterchï pipö Penchamen pikökwa chinö pö Israel.

KIRWOKÏ 5:8

Otini kikïl Israel tororötin walaka, kutor poryot korengwa. Wölo kimöminye chi nyo kitïng longa anta ngot ompö Israel ompö kwenu pich elpun tömönut angwan?

1 SAMWEL 18:1

Otini kiwany Daudi kïngalan nko Saulö, kïchomnyö kisön pö Yonatan nko cho pö Daudi. Kicham nyinte Daudi le nyinte kegh.

1 SAMWEL 18:3

Kwam Yonatan muma nko Daudi, ompöwölo kicham nyinte Daudi le nyinte kegh.

1 SAMWEL 20:17

Kïmwochï Yonatan Daudi kuwalwal ompö chomnyenyi, ompöwölo kicham Yonatan Daudi le nyinte kegh.