KINONO KIRURUT 13:4 - PIPÏLIA

⁴ Arïpa ECHOTYON Tororötïngwo akonyït arip kirurutkachi ater ngalechi apöghisyechï atuyö kegh nko nyinte.

KINONO KIRURUT 13:4 ပူးပေါင်းရင်းမြစ်များ

2 PÖYTOGHÏ 23:3

Kighyongo pöytoghintö atolekïto pchörï akwam muma ompö tawu ECHOTYON lö, orïpöy ECHOTYON arip kirurutkachi löwïr ompö mïkulöwunyi kïmïkul nko söpontanyi kïmïkul, akïcham kïrïp ngal löwïr cho kikikir kitapunoni pö muma. Kïcham pïchoni löwïr kïrip mumanoni.

2 OTÖPTINO OSIS 34:31

Atolapay kughyongö pöytoghintö wölo ghyongo pöytoghï akwama muma tawu ECHOTYON kïrïp ECHOTYON kïrip kirurutkachi nko mwowutkachi nko kikirutkachi ompö mïkulöwunyi löwïr nko ompö söpenyi löwïr, kwigh ngala muma cho kikikirchï kitapunï.

YEREMIA 7:23

Wölo kyomwochan chane lö, ‘Atera kutinyan talïkwan Tororötïnkwa, alïkukwa piköchan, arïp ngalechï löwïr omwowokwa atonyorunö pöghisyö nyo karam.’

MIKA 6:8

Ewo, melö lenye nyoni we ptangengmöt. Kïgh nyo mökenecha ECHOTYON kï nyï: kegh man akeparta chomnyogh nyo mamïnïng, akemïnïngityï kegh Tororötïnyo.

LUKA 1:6

Kitïpïyot chane kwodeny otöp pö tïlilïn ompö tawu Tororöt, kiteröy akïrïpöy Kirurut pö Echotyon löwïr.

RUMI 6:13

Mopïsï nyu ngichayayikwa ompö akonga kïlïkwï nyo kïpöghisyeghö kwigh ngokï anta ghöyityö anka tïkwïl, Nyinö kötoghöy lenyoni, otö kegh mori Tororöt le pich cho sötote akï cho kikututunö ngwen atö Tororöt ngichayayikwo kïpöghisyeghö kwigh tïpö man.

1 KORINTO 6:17

Wölo chi nyo kelinyö kegh nko Echotyon kïlïku mïkulögh akonga nko nyinte.

KINONO KIRURUT 10:20

Okonyïtö ECHOTYON Tororötïngwo apöghisyechï nyinte. Otuyö kegh nko nyinte lasiny awalwal ompö kaynenyi.

KINONO KIRURUT 11:1

“Achama nyu ECHOTYON Tororötïngwo arip osis lapay kirurutkachi löwïr.

KINONO KIRURUT 30:20

Achama Echotyon Tororötïngwo arip ngalechi anomnyotö nko nyinte, atosïkö söpön akïtösisyö osiswekwo, atamuka otïpinö korononi kiyomisyï ECHOTYON papotïnekwa Apraam nko Isak nko Yakopo lö otöni chane.”

KINONO KIRURUT 6:13

Okonyït ECHOTYON Tororötïngwo asagh nyinte onkït awalwal kegh ompö kaynenyi onkït.

KINONO KIRURUT 6:5

Achama ECHOTYON Tororötïngwo ompö mïkuliskökwo kïmïkul nko ompö söponwekwo kïmïkul nko ompö owesyengwo kïmïkul.

KOLOSAY 1:10

Omukekwa nyu omöngisyö kïrïp kegh nko machata Tororöt, amukakwa agh kïnomnyö tïkwïn cho ngörokyini Echotyon. Oporunekwa ompö söponwekwa ighisyewut cho karamach atasakwa tagh onkïtunö Tororöt tya.

2 YOANA 1:6

Poru kegh chomnyonï ongölonenan otini kakïrïpacha lenyini mwoghöy Kirurut pö Tororöt. Kirurutyononi kï nyanye kyalïmakwa kïngeta towunöt, akï lentöy, mïchinokwa lapay otïpinö ompö chomnyogh.

1 SAMWEL 7:3

Kïlenchï Samwel pipö Israel löwïr, “Ato komïlonchekwa wölo mi ECHOTYON ompö mïkulögh akonga, anategha nyu tororötinechay le to nko Astarot* ompö kwenunkwa atang wölo mi ECHOTYON apöghisyechï nyinte onkït. Atökïsörunenok mori Pilisti.”