KINONO KIRURUT 13:3 - PIPÏLIA

³ mater ngalechi. Ompöwölo työmokwa ECHOTYON Tororötïnkwa, atökunkïtï lö, ochömekwa nyinte ompö mïkuliskökwo kïmïkul nko ompö söpontönkwa kïmïkul anta ewo.

KINONO KIRURUT 13:3 ပူးပေါင်းရင်းမြစ်များ

1 PÖYTOGHÏ 13:19

Kïlenyona, kïmïla werkoyontonay kingwïno Yuda ka werkoyontonay le poyon pö Petel akwomisyö nko nyinte.

TUMWÖY 119:2

Soyönote pich cho ripöy kirurutkachi, akïkonyïtöy nyinte ompö mïkulöwekwa kïmïkul.

TUMWÖY 66:10

Ketyamechanyi, we Tororöt, le ato kïtyömo silpa ma.

TUMWÖY 81:7

Kyokuranïkwa ompö nyarïl osörwokwa. Kyongitönwokwa ompö tïlöt ompö wïngat. Kyatyamenokwa kori pöghoni Meripa.

WUWÖT 20:20

Kïlenchï Musa pïchay, “Mowöghisyö, kengwïn Tororöt kïtyamakwa, atawaghakwa nyinte atömaghakwa ngokï.”

ISAYA 8:20

Oyokyinekwa pïchoni lö, “Atera ngalechï mwowokwa ECHOTYON! Moteröy ngala oy, ompöwölo melö onyorunokwa chane löpoyïn pö kiwasan.”

MATAYO 24:24

Ompöwölo chumu pich cho kuro kegh Kristo ompö putintön nko werkoyi putintön, ighöy chane kiporut cho echön nko töngönchintin tö ato muko, kïlïsöy ompö chini le kïlanpa Tororöt.

IGHISYEWUT 17:11

Kingötïpöch pïchoni pö Perea kïtïl pipö Tesalonike. Ompöwölo kitïng chane machat nyo wow, kusyach Kikirut atö kïsïwa lö lechachoni ngalechoni kimwowu Paulö.

1 KORINTO 11:19

(Mito pesyogh kwenunkwa nyo pö nyoman, atökesïwa pich cho pö man ompö kwenunkwa.)

2 KORINTO 8:8

Melö ochikyinokwa, wölo omökan oporu wölo kikiltö kegh pikö walaka kungörokisyö, atamukan nyu onkïtï lö ekïpö man kïtya chomnyenkwa.

EPESO 4:14

Melö nyu tolïkunekwa ngat monïng cho kutöy yomöt anka tïkwïl kughegh wölnö nko wölnö nyo pö kinetut pö pich cho pöghisyegho kinetutkökwa ompö lïs atökwigh pikö walaka kupotyö.

KINONO KIRURUT 6:5

Achama ECHOTYON Tororötïngwo ompö mïkuliskökwo kïmïkul nko ompö söponwekwo kïmïkul nko ompö owesyengwo kïmïkul.

KINONO KIRURUT 8:16

Kipaghenokwa nyinte mana nyo melö kinkït papotïnekwa atökïtyamakwa, atökwighwekwa nyo karam ato le löt.

KINONO KIRURUT 8:2

Anan arananye kïmïkul kimïtunenokwa ECHOTYON Tororötïnkwa ompö könyis tömönut angwan ompö surkwen, atökwighekwa opö kegh ngwïny. Akïtyamakwa, atökunkïtï wölo lata mïkulöwekwa lö ochömekwa orïpe kirurutkachi nya anta ewo.

2 TESALONIKE 2:11

Nka nyoni ketö Tororöt oringwa owesyo kipotöt atökughan chane putintön

1 YOANA 2:19

Kipïstecha pïchoni kïpechï kegh wölo kimelö ki pich cho kimi akonga nko acha. Nyo ntö kimi nko acha, kiteletöy, kïtïpisot nko acha. Wölo kipïstecha chane atökïrumtö nyoman lö kimöminye nyo le ompö akonga nyo kile nyincha.

1 YOANA 4:1

Chamankachu, maghan ngala chi kïtïkon nyo lentöy otïngetö Mïkulöwu Tororöt, wölo arosa lasiny tasïwena lö mïkulis ntöghoghchini chane kïpo man anta ewo. Ompöwölo chang werkoyi putintön cho kipestata kïlïtöy wop tïkwïl.

1 YOANA 4:4

Wölo akwa monechu opokwa Tororöt, akyarïntekwa werkoyi putintön, ompöwölo tïng owesyö Mïkulögh nyo mi orinkwa kïsir mïkulögh nyo mi orito pipö ngwïny.

NGONGUT 13:14

Atolapay kïlïs pich löwïr cho mi ngwïny ompö owesyo töngönchin nyo kikitö nyinte kwigha tawu tyonyay pö tagh. Kïmwochï tyonyay pipö ngwïny kwigh körkeyïn nyo kïsölo tyonyay kökiketörö chok akïsöp.

KIRWOKÏ 2:22

Opöghisyeghonan chane atasïwan lö ekïrïpöy pïchï pö Israel ortïnechan anta pïstoy le papotïnekwa.”

1 SAMWEL 26:19

Tere ye nyu pöytoghin ngal cho mwoghöy mötworintengu. Ato ECHOTYON nyo keghinyi ighwanïn le nyï, otöninan ropöwo kalya, kïnyïl ato pich, kïchïpote chane ompö ECHOTYON, ompöwölo kayonenanïn chane koro ECHOTYON tömonyorwan mïlat akïlenchanïn, ‘Wïyö pöghisyechinö tororötin walaka.’