KINONO KIRURUT 1:7 - PIPÏLIA

⁷ Omïlisyenö anam pan apa koroninö pö kutïngkot pö pipö Amori nko koros löwïr cho lekïtöch ntat mpöghoghyo Arapa. Apusta komos nko wölo le tömköy atang okumpö tagh apa ntat atolekïtö nanampa Kwen, koro pipö Kanan nko Lepanon ntökwit lalwanay wow le Yuparet.

KINONO KIRURUT 1:7 ပူးပေါင်းရင်းမြစ်များ

TOWUNÖT 12:9

Atolapay kïweghö Apram atoni akulet tagh kutang Kanan okumpö tagh.

2 SAMWEL 8:3

Kïrïnta tïkwïl Daudi Adadeser wero Reop, pöytoghinto Sopa, otini kirich kïnyorï paytagh kïngeta lalwa Yuparet.

1 OTÖPTINO OSIS 18:3

Kirïnta tïkwïl Daudi Adadeser nyo pö Sirya pöytoghinto Sopa, ompö ato lekïto Amat ato kirich kïnyorï owesyö lalwa Yuparet.

1 OTÖPTINO OSIS 5:9

Kitïng chane kyak cho chang ompö koro Kiliad, kïlenyona kimang chane kore kutang okumpö kongasis ntökwit surkwen nyo kighïtö ntökwit lalwa Yuparet.

WUWÖT 23:31

Ngata rotyenkwa Nanam nyo Pïrir ntökwit nanampa Kwen akïngeta surkwen ntökwit lalwa Yuparet. Otönan morikwa pïchoni möngöy korononi ayonekwa chane otini omikwa opetey.

AMOS 2:9

“Wölo kawanyan pipö Amori ompö tawungwa, pïchï koghöch le tarakit akwowesöch le ket cho ongeröch. Kyanyaran akwechi ompö yïm, adïngön tikitkö ompö ngwïny.

KIYITUT 10:12

kïwuwö pipö Israel surkwen pö Sinay, ntökwit surkwen pö Paran wölo kiwö poltonay kughyongö.

KINONO KIRURUT 1:19

“Keruteghecha wölini le Sinay lenyini kimwowecha ECHOTYON Tororötïncha akewerata surkwen nyo pö otyogh, akepa ketang komoswo pipö Amori ntöketacha Kades Parnea.

KINONO KIRURUT 11:11

Wölo koronini opetekwa ochengöy kï koro kutïngkot nko mpöghoghöy akï kor nyo wow.

KINONO KIRURUT 11:24

Lïku nyinkwa kore anka tïkwïl nyo otïkokwa kelyekwo. Kïngetunö koronay le surkwen ntökwitïta Lepanon akïngeta lalwa Yuparet ntökwit nanampa Kwen nyo mi okumpö ta.

YOSWÖ 1:4

Kïngata surkwen nko Lepanon ntökwit lalwanay wow kïkuro Yuparet, koro pipö Ititi ntökwit nanampa Kwen, kïparta wölnö le ta, kïlïkwï korenkwa nyoni kïmïkul.

YOSWÖ 10:40

Kïlenyona kïrïnta Yoswö pipö koros löwïr cho mi wölo le kamas nko wölo le to nko nariytin nko pöytoghikwa löwïr, möminye nyo kingötï, wölo kïgh anka tïkwïl nyo satate lenyini kimwa ECHOTYON Tororöt pö Israel.

YOSWÖ 24:15

Wölo ato mochömekwanye opöghisyechinö ECHOTYON akïl asisete lö ngo opöghisyechini, ato kö tororötinechay kipöghisyechini papotïnekwa ompö koro Mesopotamiya, anta tororötino pipö Amori chï omöngekwa korengwa, wölo ani nko katanyan opöghisyechinan ECHOTYON.”

YOSWÖ 9:1

Otini kilïm ngalechï pöytoghï löwïr cho kimöngöy Yordan okumpö ta, wölo le kutïngkot nko tömköy nko sörömu nanampa Kwen, kaparta Lepanon koro pipö Ititi nko pipö Amori nko pipö Kanan nko Peris nko Ipiti nko Yepusi,

NGONGUT 9:14

Kimwochï malaykayan nyo pö mut nko akonga nyo kitïng kontï lö, “Tyaka malaykenichona le angwan kikïrötyï lalwa Yuparet!”