KALATIA 6:9 - PIPÏLIA

⁹ Kïlenyona, mökyoghochö otini kighöy ighisyewut cho karamach, ompöwölo ato mökyoghochechanye, kwitu nyu ato kilecha.

KALATIA 6:9 ပူးပေါင်းရင်းမြစ်များ

TOWUNÖT 29:7

Kïlö Yakopo, “Olentan tökïpöghet nya, tomönye kïrotöy kyakï, aghegha pögh kechirye atolapay arang kïpa kwaketata.”

TUMWÖY 104:27

Köninyi tïkuchoni löwïr atetönönyi chane omisyewutkökwa otini ketïta sayengwa.

TUMWÖY 126:5

Nya kïkas chane ompö ngörekyö cho kikatkat ompö lok.

TUMWÖY 145:15

Sömökinyi kïgh anka tïkwïl, ipöghenyi chane otini ketïta ato mököy.

NGÖTÏNYÖ 11:18

Nyoru mwokïyon ropïyeni lïs, wölo nyoru chi nyo kötkötöy man ropöwon nyo mötïnye.

OMTOGHIN 11:1

Lösyinö pagheku pögh parak, ompöwölo tösisyot ato mökïlownye.

YEREMIA 45:3

Kalïman mwoghenyi lö, ‘Nyarïl nyo tya nya wey! Ompöwölo katasa ECHOTYON ngwonïn nyörilwoköchan. Mökwaninye nko kiteghat nyo pö kïtenö osis amömi ato omungöy!’

LAWIN 26:4

okonokwa nyu rop ompö oroyechi tökïrïr pagh akuyin ketï akwekwa.

SEPANIA 3:16

Kïlenchini asisoni Yerusalem, “Mewöghisïyi, we Sayon! Memïghöy kïchïntin morïn!

MALAKI 1:13

Omwoghekwa lö, ‘Ne chï ngale kesusecha kyoghochenö le nyï!’ Atolapay asïngwïltanïkwa. Kopkanïkwa kyaki amöros cho pö chorsyö nko cho ngwolsot nko cho tongunote. Olentekwa so otokan kyakichoni? Mwoghöy ECHOTYON.

MATAYO 10:22

Nguyokwa pich tïkwïl akwompö ani. Wölo anka tïkwïl nyo ghyongtoy ntökwit söröm, kesöru.

MATAYO 24:13

Wölo ato mïkukön chi ntökwït söröm, kesöru.

MATAYO 25:17

Kwigh lenyoni tïkwïl nyay kikitö talanten odeny akïsïch talanten walaka odeny cho mi parak.

MATAYO 9:19

Kïnget Yeso akïrïp chichay, kïpa kinetankachi tïkwïl nko nyinte.

MARKO 3:3

Kïlenchï Yeso chichay kimeyta ewï, “Nyone yi.”

LUKA 18:1

Kïmwochï Yeso asistanka kinetankachi körkeyïn nyo kinetöy lö, mïchini kïsagh osis löwïr, amömeghö mutïnö.

RUMI 2:7

Töni Tororöt söpon pö kokay pich cho ighchini pikö walaka nyo karam akïsomöy Tororöt kutö chane ororyö nko konyït nko söpon nyo melö wïröy.

1 KORINTO 15:58

Kïlenyona Werköcho cho le chaman achïchïma, amakany ketimtimok, alet tagh agh ighisyo Echotyon kïtenö osis, ompöwölo onkïtökwa lö möpönye kwïle pöghisyenkwa nyo opöghisyechinekwa Echotyon.

2 KORINTO 4:1

Kïlenyona nyu, ompöwölo kakusyonchecha Tororöt akïkonecha ighisyonï, kemitecha kekilöy kegh.

2 KORINTO 4:16

Kïlenyona nyu, melö meghsonecha mutïnö, akï kïrkegh könïnö porwöyicha, kighöy mïkulisköcha kïrelachitu kïtenö osis.

2 KORINTO 9:6

Anana lö, chi anka tïkwïl nyo kötkötöy kösïgh cho ngörï, kïkösöy cho ngörï kïkany nyo kötkötöy cho chang kïkösöy cho chang.

EPESO 3:13

Osomokwa ye nyu lö, makany kïmeghyok mutïnö ompö kiwongunöt nyo otïngetan ompö akwa, ompöwölo pö nyoni ororyenkwa.

KINONO KIRURUT 11:14

kïkonu nyu rop ompö korenkwa nyo pö sarngatat nko nyo pö kitokot, atemuka ilö paghekwo nko dipay* nko mwaghpa arol.

2 TESALONIKE 3:13

Wölo moghochö cho le akwa, tupchenicho agha ighisyewut cho karamach.

EPRANIA 12:3

Anana lasiny Yeso nyo kimïkukönö kimölöto mwokïyis, atömömeghyok mutïnö.

EPRANIA 12:5

Kowutyeghekwa so ngalechay konokwa kikilöt chay mwowokwa Tororöt lö ochikwa monechi? “Werïnyu mesas sito Echotyon, amekany kïmeghïn mu otinö mi nyinte kïchilinyi.

EPRANIA 3:14

Ompöwölo kichicha ghömote nko Kristo ato kïnamacha lasiny kikönötenyo nyo kikïtïngetö otini le tagh ntökwit söröm.

EPRANIA 3:6

Wölo ghanate Kristo Wero Tororöt nyo kikitö kughyongchï ato paponyi Tororöt. Kïchicha konyi ato kïripöcha lasiny nyakanatenyo nko kikönötenyo ntökwit söröm.

YAKOPO 5:7

Omïkukönö nyu, tupchenichu ntökïtenö kwitï Echotyon. Arose ya wölo mïkuköntoy ngorin, otini mi kïköngöy paghechi cho kingor ntökuyinï pagh cho pö olyot nyo wow. Kïköngisïyi nyinte lenyoni ompö mïkukönöt ntökïtenö kïropan ila sarngatat nko nyo pö kitokot.

1 PETRO 2:15

Ompöwölo machata Tororöt akarakwa kutïw pich cho ngölonöy sölwontön le pich cho mötïngcha chïreryö ompö ighisyewut cho karamach cho oghekwa.

1 PETRO 3:17

Ompöwölo karam tya kewongwï chi ato ighöy nyo karam kïrïp kegh nko machata Tororöt, kïsir ato ighöy nyo gha.

1 PETRO 4:19

Kïlenyona nyu pich cho wongu ompöwölo machata Tororöt nyoni ompö chane, kïmïchini, ompö ighisyewutkökwa cho karamach kïpïsyï söponwekwa mori Ighintengwa nyo ghanate.

NGONGUT 2:17

“ ‘Ato itïng chi yitïn, ilïm ngal cho mwochini Mïkulögh kanisen! Otöninan chi nyo rïntoy kwomöy mana cho wïngote. Otöninan nyinte tïkwïl kogh nyo rel nyo kikikirchï kaynat nyo rel nyo menkïtnye chi anka kïpoto chichini onkït kitöni.’

NGONGUT 2:3

Onkïtön lö kimïkukönenyi nyoman, aiwongwï ompö ani akïtomönye aghachanyi.

NGONGUT 2:7

“ ‘Ato itïng chi yitïn, ilïm ngal cho mwochini Mïkulögh kanisen! Otöninan nyinte nyo rïntoy kwam okinto ket pö söpon nyo mi ka Tororöt.’