KALATIA 5:5 - PIPÏLIA

⁵ Kikönecha cho le acha lö, ighecha Tororöt ketene nko nyinte ompö owesyo Mïkulögh nka nyete kikönisïyecha ompö ara kighanat.

KALATIA 5:5 ပူးပေါင်းရင်းမြစ်များ

TOWUNÖT 49:18

“Kyakanyan sörunötengu ECHOTYON.

TUMWÖY 130:5

Okönyan kingörokutyo ECHOTYON ompö machat, oghönan ngölyontenyi.

TUMWÖY 25:3

Mekany kïnyorï arasï pich cho ghöninyi, kïpoto cho töghinyi ompö kwötyin.

TUMWÖY 25:5

Netante otöpan kïrïp kegh nko mantangu, ompöwölo ichinyi Tororöt pö sörunötenyan. Oghöninyi osis löwïr.

TUMWÖY 62:5

Oköngan Tororöt ompö sison, ngwïno kikönötenyan wölo mi nyinte.

OSEA 12:6

Kïlenyona imïlonenyi ompö owesyo Tororötïnkwa. Akaman chomnyogh nko man, akön Tororötïngwo kïtenö osis.

RUMI 5:21

Kïlenyona nyu, kïle wölini kipayta ngokï ompö ara meghat, kïpöytoy tïkwïl pöropcho Tororöt ompö ara man atökuntöghoghwecha pöropchononi kelïtö wölo mi söpon pö kokay ompö Yeso Kristo Echotyontenyo.

1 KORINTO 1:7

tömörörchokwa konunötö anka tïkwïl nyo pö mïkulögh otini omitekwa oköngöy ato kiporu Echotyontenyo Yeso Kristo.

EPESO 2:18

Kimukecha ye nyu ompö ara Kristo kepete tawu Tororöt kuwerï Mïkulöwunoni le akonga, kïrkegh kechicha pipö Yaudi anta pipö punton.

PILIPI 3:9

alinyö lasiny nko nyinte. Melö totïngetan ngat kiyityinogh pö man nyo kïnyoruno kïröto kirurut, wölo nyo ngwïno kighanat ompö Kristo, kiyityinogh pö man nyo ngwïno Tororöt nyo montoy kegh kighanat.

1 TESALONIKE 1:10

amitö oköngöy Werïnyi nyo ngwïno yïm nyo kigh Tororöt kututunö ngwen, nyoni kï Yeso akï nyinte nyo sörunenecha nörekyo Tororöt nyo ngwïnöy.

2 TESALONIKE 3:5

Nya kuntöghoghchï Echotyon mïkulöwekwa ompö chomnyo Tororöt nko ompö mïkukönöt nyo konecha Kristo.*

2 TIMOTEO 4:8

Nyo köngötwanïn ye kekonön ropöwonto man, nyo konanïn Echotyon nyinte nyo le kirwokinto man ompö Asisini mïlo nyinte. Amelö nyu konanïn onkït, wölo töni tïkwïl pich lapay cho köngöy ompö chomnyogh asisini chumu nyinte.

TITO 2:13

otini kïmïtecha keköngöy Asis nyo soyönote, otini kiporu ororyo tororötïnyo nyo wow tya nko Ghetintenyo Yeso Kristo.*