KALATIA 5:11 - PIPÏLIA

¹¹ Wölo monkïtönye nyo le ani werköcho lö, ekwompö ne tökemi kegheghchinanïn otini tomitan omwochini pich lö, mïchini kepa tum? Ntökilenyoni, kitö melö ipu arasï nyonikïny amtaghtanyan nyo pö kimurtöwonto Kristo.

KALATIA 5:11 ပူးပေါင်းရင်းမြစ်များ

ISAYA 8:14

Lïku nyinte wölo tïlil, wölo karkegh nko kogh nyo kwötöy pich akïlïkwï ghat nyo pïtyegho koro Israel kwodeny, akïlïkwï ngöghöp nyo nömöy pich cho möngöy Yerusalem.

IGHISYEWUT 16:3

Kimököy Paulö kumït Timoteo kïwö nko nyinte, kïlenyona kumït. Kigh lenyoni ompöwölo kinkït pipö Yaudi cho kimi koroswechoni löwïr lö, ki chi pö Krik papoto Timoteo.

IGHISYEWUT 21:21

Kakemwochï chane lö, imitenyi inetöy pipö Yaudi löwïr cho möngöy koroswo punton lö, opïstenö Kirurut pö Musa, aimwochï chane lö, mamut monekwo cho le wor anta arïp otöptino pipö Yaudi.

IGHISYEWUT 21:28

Akuteghyö lö, “Pipö Israel, angarakech. Anyï chichay köghömï wop lapay kunetöy pich lö atagha pipö Israel, apïstö Kirurut pö Musa nko Kö pö Tororöt, akunka nyï ngat kemïtï pipö punton walaka kïlïtu Kö pö Tororöt atökusïmnyon yeteyi tïlil.

1 KORINTO 1:18

Sölwontön ngala megha Kristo ompö kimurtöwon ompö pich cho potyot, wölo ompö acha cho kïmi kesörwech, kï owesyo Tororöt.

1 KORINTO 1:23

wölo kyomtonecha Kristo nyo kikïwudochï kimurtöwon, ngölyon nyo le kimwagh ompö pipö Yaudi, akï sölwontön ompö pipö punton,

1 KORINTO 15:30

Akï ne nyo kawasecha, töketönö kegh tapan ompö sa anka tïkwïl?

KALATIA 2:3

Kïrkegh ki chi pö Krik Tito nyo kyorutonan tïkwïl, wölo melö kimi chi nyo kichikyï nyinte kïwö tum,

KALATIA 3:1

Heywey sölwöyichï pö Kalatia! Ngo nyo kapanakwa akwa chanye kikitö Yeso Kristo* tawuto konyikwa asïwekwa lö, kikïwudochï kimurtöwon?

KALATIA 4:29

Wölo kichop kong osiswechoni monïngoni kikïyï ompö ara por montö nyinö kikïyï ompö owesyo Mïkulögh nyo Tïlil nka nyï ighisyot lenyoni osiswechete.

KALATIA 6:12

Pïchoni mököy kuporu kegh lö, kïchï karamach ompö ara por choni mököy kuchikyinokwa opete tum. Ighöy chane lenyoni ompö kïgh akonga kïpoto lö, tömökigheghchï chane ompö kimurtöwonto Kristo.

KALATIA 6:17

Owonytonan ye nyu lö, makanya kususanïn chi ngat, ompöwölo poru perutöy cho mi portönyan lö ochan sekeyonto Yeso.