KALATIA 5:1 - PIPÏLIA

¹ Kïchicha tyokote akï Kristo* nyo ketyakecha! Oghyongö nyu lasiny amakanya ngat kerötyok mïchoki sekeynön.

KALATIA 5:1 ပူးပေါင်းရင်းမြစ်များ

TUMWÖY 51:12

Yokwante ngat ngörekyo sörunötengu aikono mïkulögh nyo teröy ngaleku.

NGÖTÏNYÖ 23:23

Ala man amealta nyonikïny, ala ngöghomnyö nko kinetut nko pköchin.

ISAYA 61:1

Kenyïghitanïn Echotyon TORORÖT Mïkulöwunyi. Kakïlanïn nyinte akïyontanïn opchï mey lökoy cho karamach, asop cho kimeghö mïkulis, amwatïta kityakata pich cho rötote nko kityakat nyo pö pich cho mi chela,

MATAYO 23:4

Rötyini pikö walaka pughway nïkisïntin cho echön amelö mököy chane lö tönama morïkwa kïsïtyï chane.

LUKA 5:38

Wölo mïchini ketö dipay cho kötökeryököy tökol cho relach.

IGHISYEWUT 15:10

Kïlenyona nyu, kölö ne tatyamakwa Tororöt otö kömpölelyö pïchï le kighönï nyo memïcha kukötinecho kïkasan, amökimukechanye tïkwïl?

RUMI 6:14

Makany kïpaytak ngokï, ompöwölo melö tomitenökwa ngwïnyi kirurut, wölo omitekwa ngwïnyi pöropcho Tororöt.

RUMI 6:18

Kikityakenakwa ngokï atalïkuna sekeyi man.

RUMI 7:3

Kïlenyona nyu, ato töp kokononi kïmöngisyö nko chitö anka otini tökïsöpöy santenyi kekuro nyinte cheporesyan, wölo ato rapas santenyi kutyaka ompö kirurut, amelö tökekuro nyinte cheporesyan ato ip chitö anka.

RUMI 7:6

Wölo kiketyakenecha kirurut ye ompöwölo kikemeghecha ompö kïyoni kinamecha akïratecha. Kïlenyona nyu melö tökepöghisyechinecha Tororöt ngat le nyay pö köny nko kirurutchanya kikikir pö könyisyok, wölo kïpöghisyechinecha nyinte ye kïrïp kegh nko söpon nyo rel nyo pö mïkulögh.

RUMI 8:15

Ompöwölo meghokwanye sekey Mïkulögh nyo kikonokwa Tororöt, amelö ighokwa onyökoröchitunö, wölo ighokwa alïkuna monïngo Tororöt akwighecha Mïkulöwunoni kekurö Tororöt lö, “Papo! Paponyu!”

RUMI 8:2

Ompöwölo kakutyakanïn kirurut nyo pö Tororöt nyo ipkecha söpon, ongetunö kirurutyo ngokï nko meghat, otini kyolinyan nko Kristo Yeso.

1 KORINTO 15:58

Kïlenyona Werköcho cho le chaman achïchïma, amakany ketimtimok, alet tagh agh ighisyo Echotyon kïtenö osis, ompöwölo onkïtökwa lö möpönye kwïle pöghisyenkwa nyo opöghisyechinekwa Echotyon.

1 KORINTO 16:13

Oripsyenö, achïchïm lasiny ompö kighanat, alïkwï nyökon cho tïng owesyö.

1 KORINTO 7:22

Ompöwölo tyoko chi ompö Echotyon nyo kökur Echotyon kï sekeyon. Kïlenyoni tïkwïl, nyinte nyo kakïkur kutyakate kïlïku sekeyonto Kristo.

2 KORINTO 11:20

Omïkukönchinekwa chi nyo ighokwa olïkune sekey anta masenakwa nyinte tïkukwo anta tönokwa ngöghöp anta tönokwa arasï anta cho röpochokwa tokoch.

2 KORINTO 3:17

“Echotyon,” ye nyu ompö yete kï Mïkulögh, akï wop anka tïkwïl wölo mi Mïkulöwu Echotyon, kïmi kityakata.

KALATIA 2:4

kïrkegh kimito pikö walaka cho kigh kegh lö, kïchï kighonï akwanyï kichö ghotï chane. Kipka pïchoni kunkïtï kityakat nyo kikïtïngetecha ompö nyoryencha nko Kristo* Yeso kïmach chane kwighecha sekey,

KALATIA 3:25

Kïkany ye otï kakwitï kighanata kïmelö tökïpöytonecha kirurut ngat.

KALATIA 4:26

Wölo tyakate kanasyanta Yerusalem nyo pö parak akï yoncha nyinte.

KALATIA 4:31

Kïlenyona nyu tupchenichu, melö kïchicha monïngo sekeyon wölo kïchicha monïngo taran.

KALATIA 4:9

Wölo otï le ye konkïtukwa Tororöt anta kïmwa köny lö, otï kakunkïtwokwa Tororöt, omukekwa lö ne ngat omïlonchone wölini mi mïkulischoni nyörkölölech le mey pö ngwïnyinï tamachakwa kwighakwa sekeykökwa ngat?

KALATIA 5:13

Wölo cho le akwa, werköcho, kikïkurokwa otyokisyenö ompö pïrchintino ngwïny, wölo makany kwighakwa kityakatengwo opöghisyechinö möchut pö por, nyinö kötölïku nyoni, opöghisyechï kegh ompö chomnyogh.

EPESO 6:14

Kïlenyona otïpinö kïpsach, akichena kegh man le angwa mu, alak tïliyö le alakam,

PILIPI 1:27

Kïgh nyo pïchigh wechara, kï otïpinökwa kïrïp kegh nko möchut pö Lökoy cho Karamach cho pö Kristo, töto orutoghwan wöloni omitekwa anta kochan low olïman kïnye lö omitekwa oghyongöy lasiny ompö mïkulögh akonga nko ompö machat akonga amitekwa okilöy kegh oporyegho kighanat nyo pö Lökoy cho Karamach.

1 TESALONIKE 3:8

Ompöwölo kichicha sötote ye ato achïchïmakwa lasiny ompö Echotyon.

2 TESALONIKE 2:15

Kïlenyonanyu, tupchenicho, oghyongö lasiny, atas tagh aghan ngalechoni pö man kikinetakwa, ompö amtaghtinecha nko ompö palaltinecha.

EPRANIA 10:23

Kenama nyu lasiny mwaghateto kikönötenyo nyo kakeghan ompöwölo ghanate Tororöt nyini kiyomisï.

EPRANIA 3:14

Ompöwölo kichicha ghömote nko Kristo ato kïnamacha lasiny kikönötenyo nyo kikïtïngetö otini le tagh ntökwit söröm.

EPRANIA 3:6

Wölo ghanate Kristo Wero Tororöt nyo kikitö kughyongchï ato paponyi Tororöt. Kïchicha konyi ato kïripöcha lasiny nyakanatenyo nko kikönötenyo ntökwit söröm.

EPRANIA 4:14

Mïchinecha nyu kenama lasiny kighanatenyo. Ompöwölo kïtïngetecha Tïsin nyo Wow nyo kiwö ntökwit wölo mi Tororöt Yeso, Wero Tororöt.

1 PETRO 2:16

Otïpinö le pich cho tyokote, wölo mopöghisyeghö kityakatengwo awïnga lelutkökwo, wölo otïpinö le mötwori Tororöt.

2 PETRO 2:19

Yomischini chane pikö walaka kityakat akwanyï sekeyi kiwurat chane, ompöwölo sekeyon chi ompö kïgh anka tïkwïl nyo pöyu nyinte.

YUDA 1:3

Tupchenichu, kyotïngetan machat, akirwokwa ngala sörunöt nyo kïghömö tïkwïl, wolö kasïwan lö mïchini akirwakwa lawel atosïkö mïkulögh akilkegh lasiny ompö kighanat nyo töni Tororöt pikachi kïnyïl akonga kïpoto.

NGONGUT 2:25

wölo inan chi lasiny kïyoni otïngetö ntökïtenö atwan.

NGONGUT 3:3

Nana nyu ngalechini kikinetinyi nko wölo kilïmtenyi, airïp aikötö ngokiku. Wölo ato mengetanyinye, ongwïnchininyi le chorin amenkïtunenyinye sayanini ongwïnan.