KALATIA 4:8 - PIPÏLIA

⁸ Kimonkïtökwanye Tororöt atanya le tagh, opöghisyechikwa nyu tororötin cho kimelö tororötino man.

KALATIA 4:8 ပူးပေါင်းရင်းမြစ်များ

2 OTÖPTINO OSIS 13:9

Ayo, melö so kyayonaka tïsi cho pö ECHOTYON, werpö Aron nko pipö Lawi, akïlchï kegh tïsï arïp otöptino pipö koros walak? Anka tïkwïl nyo ngwïnöy kutïlilö kegh ngaryanta kirïk anta mökol mut nko odeny, kïlïku tïsin nyo pö tïkuchay oghekwa tororötin.

WUWÖT 5:2

Kïlö Parao, “Ngo nyo le ECHOTYON, nyo omukan ater kutinyi apïstö pipö Israel kïpa? Monkïtönye ECHOTYON, amopïstonanye pipö Israel kïpa.”

ISAYA 37:19

akïpel tororötinekwa cho kimelö ki tororöt nyonikïny, wölo ki körkeyïntin cho kikigha ket nko koghïn cho kipata ewuno pich.

YEREMIA 10:25

Nya kutang nörekyengu punton cho melö soghinyi nko pich cho melö yonginyi. Ompöwölo kipar kuwany pipö ara Yakopo akuwur korenyi kïlïkwï kïratyan.

YEREMIA 16:20

Ayo, muköy so pich kwighchï kegh tororötin cho söghöy? Ewo! Ntökemuköy, melö kötö tororötino man choni!”

YEREMIA 2:11

Ekïmi pipö koros cho kikïwaghach tororötinekwa nko melö kö pö man tagh nya wey? Kïlö ne nyu piköchan tökïpïstanïn nyo ochï ororyengwa akïsagh tororötin cho puryö tösunöt?

YEREMIA 5:7

Tepöy ECHOTYON lö, “Olöstowunyi lö ne nya we Yerusalem? Isïwïyenyi lö kapeny piköku ngalechan, akuwalwala kegh tororötin cho möle. Atanya kyapaghakwa ntopïghyö, opïstanïkwa apa aghata cheporesnan, osupchïkwa kegh kori chepkarten.

YOANA 1:10

Kimi Ngölyontononi ngwïny akigh Tororöt ngwïny kuwerï nyinte, wölo mayangnye pipö ngwïny nyinte.

IGHISYEWUT 14:12

Kïkurö Parnapa Seus, akïkuro Paulö Ermes ompöwölo ki nyinte nyo kile ngöloninte.

IGHISYEWUT 17:23

Ompöwölo kowestotan awerata kanasyantenkwa kïmïkul asïwan wölo osoghonekwa anyorwan tïkwïl wölo kïpelo körostin tïng kikirut cho lentöy, ‘Ompö Tororöt nyo menkïtnye chi!’ Nyoni osoghekwa amonkït, nyo omökan omwowokwa.

RUMI 1:23

Nyinö kötösoghöy Tororöt nyo söpöy, kïnget kïsagh körkeyïntin cho kikigh kemustö tïkwïl cho meghsot cho lata ptangengmöt anta törit anta tïpö wudïn anta cho mi pögh.

RUMI 1:28

Akwompöwölo kilö pich mökïmököy kenone ngala man paraku Tororöt, kïpïstö Tororöt chane kïrïp kinonutkökwa cho wïryote ntökwanyï ighöy tïkwïn cho merokonye.

1 KORINTO 1:21

Ompöwölo kitagh Tororöt kunkïtï pich nyinte ompö ngöghomnyengwa kegh. Nyo kitölïku nyoni, kïcham nyinte kïsörï pich cho ghönöy ompö or nyo sïwïyi pich cho ngöghomöch lö sölwontön, choni kï lökoy cho kyomtonecha.

1 KORINTO 12:2

onkïtökwa lö atanye kitomönye kesörwokwa, kikichutokwa opotyenö asaghata körkeyïntin cho le kwïle.

1 KORINTO 8:4

Kïlenyona nyu, ompö paraku amata omisyewut cho kïyenchini körkeyïntin, kinkïtöcha lö, melö körkeyïn ompö ngwïny pö man, akï möminye Tororöt anka kïpoto akonga.

KALATIA 4:3

Kïlenyoni tïkwïl, otini kitökechicha monïng kikïchicha sekeyo oy cho pöytoy wölnö le mïröt.

EPESO 4:18

akï mi kinonutkökwa tuwïn, lowöch chane ompö söpon nyo konu Tororöt ompöwölo sölwöy chane akï tighï.

1 TESALONIKE 1:9

Ngölono pich tïkwïl wölo kyataktekwa acha, atanya kikïrutowucha nko wölo kyataghtekwa saghata körkeyïntin, apöghisyechï Tororöt pö man nyo söpöy,

1 TESALONIKE 4:5

amelö ompö pïrchinogh pö por nyo gha le wölo lata puntoni walaka cho menkïtcha Tororöt.

2 TESALONIKE 1:8

atökuchop kong pich cho möchömöcha Tororöt nko cho mörïpöcha Lökoy cho Karamach cho pö Echotyontencha Yeso.

YOSWÖ 24:15

Wölo ato mochömekwanye opöghisyechinö ECHOTYON akïl asisete lö ngo opöghisyechini, ato kö tororötinechay kipöghisyechini papotïnekwa ompö koro Mesopotamiya, anta tororötino pipö Amori chï omöngekwa korengwa, wölo ani nko katanyan opöghisyechinan ECHOTYON.”

YOSWÖ 24:2

Atolapay kïlenchï Yoswö pïchay löwïr, “Lentöy ECHOTYON Tororöt pö Israel, ‘Kimöngöy könyisyok papotïnekwa Tera papoto Apraam nko Naor, lalwa Yuparet antakwagh, akipöghisyechini tororötin walaka.

1 PETRO 4:3

Nya kïmïchï osiswö cho kikuwer cho kyaghakwa tïkwïn cho chömöy kwighöy pich cho menkïtcha Tororöt. Kyomöngisyekwa ompö takalnan nko cheporesnan nko pölö nko pïrchin nyo gha nko chepomunön nko ryakata kumïn nko tamasa nko saghata körkeyïntin nyo lilu.

1 YOANA 3:1

Arose köny lö wow kïtya chomnyo Papo nyo kichamecha! Wow chomnyenyi nyoman, ntökwanyi ye kekurecha lö monïngo Tororöt, akechicha lenyoni nyoman. Kïgh nyo ighöy pich tömenkïtwecha kï ompöwölo tomönye kunkïtï Tororöt.