KALATIA 3:2 - PIPÏLIA

² Omwowante ngölyon akonga ya köny: ekyatachakwa Mïkulöwu Tororöt ompö ighisyewut pö kirurut taghanakwa nya anta ompö lïmata Lökoy cho Karamach?

KALATIA 3:2 ပူးပေါင်းရင်းမြစ်များ

IGHISYEWUT 15:8

Akakuporchï pïchoni Tororöt, nyo nkït kinonut pö pich chamatenyi otini kitö chane Mïkulögh nyo Tïlil le wölo kikonecha tïkwïl.

IGHISYEWUT 2:38

Kïlenchï Petro chane, “Okötenö ngokikwo, atökepatisana löwïr ompö kaynata Yeso Kristo, atökelöstowok ngokikwo. Asïkökwa konunöto, Mïkulögh nyo Tïlil.

IGHISYEWUT 8:15

Akwotini kitïta chane wölini, kïsoghchï le kighönichay kitach Mïkulögh nyo Tïlil.

RUMI 1:17

Ngongu nyu Lökoy cho Karamach or nyo yityinegho Tororöt pich man ompö tawunyi. Aranoni kï kighanat akï kighanat ntökwit söröm. Kïle wölo mwoghöy Kikirut, “Söpöy chi nyo kikuyityï Tororöt man ompö ara kighanat.”

1 KORINTO 9:21

Kïkany ompö pich cho lowöch nko kirurut, otöpan nko chane le chi nyo lowö kirurut atamuk otyï pïchoni lowö kirurut. Wölo meporunye nyoni lö motïngetanye Kirurut pö Tororöt, nyoman omitan ngwïnyi kirurut pö Kristo atömanyïl otyï chane cho mi sanypa kirurut.

2 KORINTO 11:4

Ato ongörökyikwa chi kïtïkon nyo kengwïn kwomwokwa Yeso anka nyo sis melö nyï kyomtocha anta atakakwa mïkulögh nyo sis melö nyay kyatakakwa anta atakakwa lökoy walaka cho melö kyatakakwa!

KALATIA 3:14

Kigh Kristo lenyoni atömanyïl ketö pipö punton kisoyönöto Tororöt nyo kiyomisyï nyinte Apraam ompö ara Kristo Yeso atömanyïl ketakacha Mïkulöwunoni kiyomisï Tororöt ompö ara kighanat.

KALATIA 3:3

Kichö ochikwa so sölwöy lenyoni? Nyanye kyotorekwa Mïkulöwu Tororöt, omökekwa so ye nyu owonyteghone owesyengwo kegh?

KALATIA 3:5

Ekïkonokwa Tororöt Mïkulöwunyi akwigha töngönchintin kwenunkwa ompöwölo kaghakwa tïkwïn cho möchokwa kirurut oghe nya anta ompöwölo kyalïmakwa Lökoy cho Karamach, aghanakwa?

EPRANIA 2:4

Kïsöwintönchï Tororöt tïkwïl kighanatengwa kwigh kiporunöt anka tïkwïl nko töngönchin ompö tïkwïn cho chang akïchöghchï chane konut cho pö Mïkulögh nyo Tïlil kïrïp kegh nko chamatenyi.

EPRANIA 4:2

Kikyomwecha nyoman Lökoy cho Karamach le wölo kikyomtochï chane tïkwïl. Kilïm pïchoni ngalechoni, wölo kimengaraknye chane, ompöwölo otini kilïm kïmelö kitach chane ompö kighanat.

EPRANIA 6:4

Ompöwölo, ato töp pich cho kitach löpoyïn pö Tororöt, akïchamcham ropöwonto yïm, akïsïch ghamtagh nko Mïkulögh nyo Tïlil,

1 PETRO 1:12

Kiporchï Tororöt werkoy choni lö, ighisyö nyo kighöy chane kïmelö ompö kinyiwutyengwa kegh wölo ompö kinyiwutyenkwa, otini kingölono ngalechaye kyalïmekwa pïchanya kyomtotoy Lökoy cho Karamach ompö owesyo Mïkulögh nyo Tïlil nyo kikïyonunö yïm. Ngal chete cho möro kong chini le ompö malayken kunkïtu.