KALATIA 3:18 - PIPÏLIA

¹⁸ Ompöwölo ntökitwoytoy kegh ropöwonto Tororöt kirurut, kitömelö kitötökutwoytoy kegh ngat kiyomisötenyi. Wölo ki ompö kiyomisötenyi nyo kigh Tororöt kutö Apraam ropöwontononi.

KALATIA 3:18 ပူးပေါင်းရင်းမြစ်များ

TUMWÖY 105:42

Ompöwölo kinan ngölyontenyi nyo tïlil nyo kimwochï mötworintenyi Apraam.

RUMI 8:17

Akwompöwölo kichicha monechi, kenyorunecha kisoyönut löwïr cho rorchini nyinte pikachi, akenyorunecha ngat nko Kristo tïkwïn cho kirorchï Tororöt nyinte. Ompöwölo ato kinyarilecha kong nko Kristo, keghömecha ororyenyi nko nyinte.

KALATIA 2:21

Mochömanye otöghöy pöropcho Tororöt, ompöwölo ntökitenöy chi nko Tororöt ompö kirurut, kï kima nyu Kristo kwïle!

KALATIA 3:10

Wölo chïpote chane tïkwïl cho körtegho kegh ighisyewut pö kirurut. Ompöwölo mwoghöy Kikirut lö, “Kïchïpöy chi anka tïkwïl nyo mörïpönye akwigh tïkwïn löwïr cho kikikir kitapu Kirurut.”*

KALATIA 3:12

Wölo lowöch kirurut nko kighanat, ompöwölo mwoghöy Kikirut lö, “Söpöy chi nyo puntoy kïgh anka tïkwïl nyo mököy kirurut.”

KALATIA 3:16

Kimwochï nyu Tororöt kiyomisutkachi Apraam nko yiyenyi. Melö mwoghöy Kikirut “yiyutkachi,” le ato kösïgh cho chang, wölo lentöy “yiyenyi,” nyo poru chi akonga, nyoni kï Kristo.

KALATIA 3:26

Kalïkukwa löwïr monïngo Tororöt ompö kighanat otini kotuyekwa nko Kristo Yeso.

KALATIA 3:29

Ato kalïkukwa yïyo Kristo, kïkalïkukwa nyu yïyo Apraam cho omïlöy tïkuchoni kiyomisï Tororöt.