KALATIA 3:1 - PIPÏLIA

¹ Heywey sölwöyichï pö Kalatia! Ngo nyo kapanakwa akwa chanye kikitö Yeso Kristo* tawuto konyikwa asïwekwa lö, kikïwudochï kimurtöwon?

KALATIA 3:1 ပူးပေါင်းရင်းမြစ်များ

MATAYO 24:24

Ompöwölo chumu pich cho kuro kegh Kristo ompö putintön nko werkoyi putintön, ighöy chane kiporut cho echön nko töngönchintin tö ato muko, kïlïsöy ompö chini le kïlanpa Tororöt.

MATAYO 7:26

“Wölo chi anka tïkwïl nyo lïmöy ngalechan chete, amarïpnye, kemustoy nyinte chi nyo le sölwö nyo kitek konyi ngoyomwö parak.

LUKA 24:25

Kïlenchï Yeso pïchay, “Ochikwa sölwöy achï nyirtïghöch ompö mïkuliskökwo aghana ngal löwïr cho kimwa werkoy.

IGHISYEWUT 16:6

Kirutö pïchoni kuwerata kor nyo kipesyö Prukia nko Kalatia, ompöwölo kimwochï chane Mïkulögh nyo Tïlil tömamta ompö okumpö Esya.

IGHISYEWUT 6:7

Kïlenyona kulet tagh ngölyonto Tororöt kïyasta akïtösisyö nyoman ompö Yerusalem kiyitöto kighönï, kughan tuyot nyo wow nyo pö tïsï tïkwïl kighanatanoni.

RUMI 10:16

Wölo melö chane lapay cho kirïp Lökoy cho Karamach, ompöwölo kimwa Isaya nyinte lö, “Echotyon ngo nyo kighan ngalecha nya?”

RUMI 2:8

Wölo nyoru sito Tororöt pich cho yongöy kegh opïn, cho melö konyïtöy man wölo chömöy kwighöy cho merokonye.

RUMI 6:17

Wölo sörö ompö Tororöt, ompöwölo kïrkegh kyochikwa sekeyi ngokï osiswechanya pö tagh, wölo ye, ompö kinetut cho kyonyorukwa, kyoterchikwa man lasiny ompö mïkulöwekwo.

1 KORINTO 11:26

Ompöwölo otini omekwa makatyantanete, aghegha mpalawunete, omitekwa omwotïtoy megha Echotyon tökïtenö kungwïn nyinte.

1 KORINTO 2:2

Ompöwölo kimamakanye onkïtï kïgh anka tïkwïl atanye kyomitan nko akwa, kïpoto Yeso Kristo* nyinte nyo kikïwudochï kimurtöwon.

2 KORINTO 10:5

Kiwurecha kimölöto kegh nko kïgh anka tïkwïl nyo nisönöy akupapech pich kïlowöchitunö kinkïtöto Tororöt. Kighecha kinonut anka tïkwïl kïlïkwï naman akechikyï kïterchï Kristo,

2 KORINTO 11:3

Wölo owöghan lö, le wölo kilïsta moroya Awa ompö ngöghomnyo putintönenyi, kumuköy kunyar kinonutkökwa ntopïstekwa kighanatengwo nyo pö man ompö Kristo.

KALATIA 1:6

Kotöngönchokwa otï kapenyakwa lawel nyinte nyini kikurchokwa pöropcho Kristo, arïp lökoye walaka cho sis.

KALATIA 2:14

Otini kyasïwan nyu lö melö kitenate chane kïrïp kegh nko manpa Lökoy cho Karamach, omwochan Petro ompö tawu pïchoni löwïr lö, “Ato irïpenyi nyo le nyi nyo ichï chi pö Yaudi otöptineko pikö walaka amelö otöptino pipö Yaudi, imukenyi nyu lö, ne mukyine chikyine pipö punton kïrïpöy otöptino pipö Yaudi?”

KALATIA 3:3

Kichö ochikwa so sölwöy lenyoni? Nyanye kyotorekwa Mïkulöwu Tororöt, omökekwa so ye nyu owonyteghone owesyengwo kegh?

KALATIA 4:9

Wölo otï le ye konkïtukwa Tororöt anta kïmwa köny lö, otï kakunkïtwokwa Tororöt, omukekwa lö ne ngat omïlonchone wölini mi mïkulischoni nyörkölölech le mey pö ngwïnyinï tamachakwa kwighakwa sekeykökwa ngat?

KALATIA 5:11

Wölo monkïtönye nyo le ani werköcho lö, ekwompö ne tökemi kegheghchinanïn otini tomitan omwochini pich lö, mïchini kepa tum? Ntökilenyoni, kitö melö ipu arasï nyonikïny amtaghtanyan nyo pö kimurtöwonto Kristo.

EPESO 3:8

Kikïkonanïn kïrkegh ochan mïnïng nyoman kïtïl pipö Tororöt löwïr, wölo Tororöt nyo kikonanïn pöropchö omchï pipö punton Lökoy cho Karamach cho pö sïkönöto Kristo nyo möminye söröm,

EPESO 4:14

Melö nyu tolïkunekwa ngat monïng cho kutöy yomöt anka tïkwïl kughegh wölnö nko wölnö nyo pö kinetut pö pich cho pöghisyegho kinetutkökwa ompö lïs atökwigh pikö walaka kupotyö.

EPESO 5:15

Orip kegh nyu lasiny wölo otöptoy, motïpï le sölwöy, wölo otïpinö le pich cho ngöghomöch.

KINONO KIRURUT 32:6

Oghchinekwa ECHOTYON so kïgh nyo gha lenyoni, akwa sölwöyichï söngengöch? Paponkwa nyinte nyo kighakwa, akïkonokwa söpon.

2 TESALONIKE 1:8

atökuchop kong pich cho möchömöcha Tororöt nko cho mörïpöcha Lökoy cho Karamach cho pö Echotyontencha Yeso.

1 TIMOTEO 6:4

kï chi nyo kep kegh yïm kwïle amenkïtnye kïgh. Chi nyoni nyo möro kong chemölö nyo pö ngal cho mömi cho ipu nyonyintön nko syala kiswomöt nko kinonut cho ghach,

EPRANIA 11:8

Kigh kighanata Apraam kïterchï Tororöt otini kikur kïwö kor nyo kiyomisyï Tororöt lö, töni nyinte. Kïwuwö nyinte korenyi akimenkïtnye wölini kiwetöy kutöngöy.

EPRANIA 5:9

Otini kikigh nyinte kuten, kegh nyinte kïlïkwï towunöto sörunöt nyo pö kokay ompö pich lapay cho terchini nyinte.

1 PETRO 1:22

Kökitïlil mïkuliskökwa ye otï karïpakwa ngala man, achomnyekwa akwane ompö chomnyot nyo puryö. Okilö nyu kegh aparta chomnyononi ompö mïkuliskökwo kïmïkul.

1 PETRO 4:17

Kikwitïta asispa kirwok akï pipö Tororöt cho kïnyoghöy kerwokyini. Kwato nya kutorenecha kirwokononi ekïlïku ne nyu köny ompö pich cho meghönöcha Lökoy cho Karamach cho pkono wölo mi Tororöt?

2 PETRO 2:18

Ompöwölo mwoghöy chane ngala kwolöto kegh akï cho puryö kinyiwut, akïpöghisyeghö möchut pö por cho ghach kïkïnkïn kwigh ngokï nko pich cho kötökïchïwïtyegho ato lekït kwenu pich cho möngisïyi nyo gha.

NGONGUT 18:3

Ompöwölo kikigh pipö punton löwïr kitömesyeghö kumi pïrchin pö cheporesnanenyi. Akikwigh pöytoghi ngwïny cheporesnan nko nyinte, kïmökosöchitunö mïnchïrïs pö ngwïny pïrchinoghtanyi nyo kingwïna mïrö.”

NGONGUT 2:20

Wölo otïngetan ngölyon ompö nyi: iterchinenyi kokonï le Yesepel ighöy kegh lö ochï werkoyon. Kunet mötworichan kipotöt, kwigh cheporesnan akwam omisyewut cho kïropchini körkeyïntin.

1 SAMWEL 13:13

Kïlenchï Samwel Saulö, “Keghanyi kïgh nyo pö sölwontön, melö kerïpanyi kirurut pö ECHOTYON Tororötïngu cho kimwowunyi. Ntökirïpanyi kötö koninyi ECHOTYON nko moneku paytena Israel kokay.