KALATIA 2:16 - PIPÏLIA

¹⁶ Wölo kinkïtöcha nyoman lö melö tenöy chi nko Tororöt ompöwölo rïpöy nyinte kirurut, poto pat ato ghan Yeso Kristo. Akakeghanacha tïkwïl Kristo Yeso atökemuka ketena nko Tororöt ompö kighanat ompö Kristo amelö, ompöwölo kakighacha tïkwïn cho mököy kirurut. Ompöwölo möminye chi nyo tenöy nko Tororöt ato igh tïkwïn cho mököy kirurut.

KALATIA 2:16 ပူးပေါင်းရင်းမြစ်များ

AYUPU 25:4

Lïku nyu chi lö ne, chi pö man ompö tawu Tororöt? Akïtïlilitu lö ne, ptangengmöt nyo kïyï korka?

AYUPU 9:29

Kïkany ato ochan lelin, kïpö ne nyu asïngan kwïle?

TUMWÖY 143:2

Merwokyï mötworintengu, ompöwölo möminye chi nyo pö man ompö tawungu.

YOANA 20:31

Wölo kakikir ngalechete atamukakwa aghana lö, Yeso kï Kristo* Wero Tororöt, akwoto aghanakwa, osïkekwa söpon ompö kaynenyi.

IGHISYEWUT 4:12

Amöminye sörunötö nyo kïnyoruno chitö anka, ompöwölo, möminye kaynat anka ngwïny nyo kikitö pich tökïsörwecha.”

RUMI 1:17

Ngongu nyu Lökoy cho Karamach or nyo yityinegho Tororöt pich man ompö tawunyi. Aranoni kï kighanat akï kighanat ntökwit söröm. Kïle wölo mwoghöy Kikirut, “Söpöy chi nyo kikuyityï Tororöt man ompö ara kighanat.”

RUMI 3:30

Tororöt kï akonga akuyityini pipö Yaudi man ompö kighanatengwa akuyityï man pipö punton tïkwïl ompö kighanatencha.

RUMI 4:2

Ntökile nyo kikiyityï man ompö tawu Tororöt ompö ighisyewutkachi, kötötïng kïgh nyo kwolo kegh. Wölo kimöminye wölo kimuköy kwigh lenyoni ompö tawu Tororöt.

RUMI 4:24

wölo ngölono parakuncha tïkwïl, acha cho kikeyitwech man, ompöwölo kighönecha Tororöt nyo kingetunö Echotyontenyo Yeso ngwen.

RUMI 8:3

Kigh Tororöt kïgh nyo kimemïnye kirurut kwigh, ompöwölo ki nyarkalal otöp pö ptangengmöt. Kilot Tororöt ngoki ptangengmöt, otini kiyonï Werïnyi kegh nyo kingwïn kitïng asïl pö ptangengmöt akuwur ngokï lödo.

RUMI 9:30

Kïmwoghecha ne nyu nya? Könyorï pipö punton or nyo kiyityini man, ompö ara kighanat kïrkegh kimöyongöcha.

1 KORINTO 6:11

Kimi pich walaka ompö kwenunkwa cho kighöy le pïchoni. Wölo kikemwatakwa ye aketïlilokwa akelinyokwa nko Tororöt ompö kaynata Echotyon Yeso Kristo* nko ompö ara Mïkulöwu Tororötïnyo.

KALATIA 4:5

atökutyak pich cho kipöytoy kirurut atömanyïl kemukacha kelïkwï werpö Tororöt.

KALATIA 5:4

Ato omökekwa keyitwokwa man ompö ara kirurut, kï kopesyekwa nko Kristo amitekwa sanypa pöropcho Tororöt.

PILIPI 3:9

alinyö lasiny nko nyinte. Melö totïngetan ngat kiyityinogh pö man nyo kïnyoruno kïröto kirurut, wölo nyo ngwïno kighanat ompö Kristo, kiyityinogh pö man nyo ngwïno Tororöt nyo montoy kegh kighanat.

1 PETRO 1:2

Kikïkïlakwa kïrïp kegh nko machata Papo Tororöt aketïlilokwa ompö Mïkulöwunyi atoterchinö Yeso Kristo atökuwunokwa kisönkachi. Osoghan lö nya kïtasa tya pöropchö nko kalya ompö akwa.

1 PETRO 2:24

Nyinte Kristo nyo kikasana portanyi ngokicha ompö kimurtöwon atökemuka kekarakegh nko pich cho kimeghö ompö ara ngokï akesöpchö ompö ara man. Kikisopokwa ompö perutöyichi.

1 PETRO 3:18

Ompöwölo kimegha tïkwïl Kristo ngokï kïnyïl akonga akumuchö. Kuwongwï chi nyo karam ompö mwokïyis atökumï kumïtakwa wölo mi Tororöt. Kima nyinte kïma ompö por, wölo kisöpote ompö mïkulögh,

2 PETRO 1:1

Kakiran palalyantanï ante Simon Petro nyo ochï mötworin achï akonga ompö kiyoktoghinto* Yeso Kristo.* Kakirwakwa cho kyonyorï kighanat nyo pö olyot nyo wow lenyini kikïnyorucha ompö manpa Tororötïncha nko Ghetintencha Yeso Kristo:

1 YOANA 1:7

Wölo ato kïpestecha ompö löpoyïn le wölini mi nyinte löpoyïn, kesïkecha achane ghömïchö kwenunyo akïmwötwecha ngokï löwïr kisönko Yeso, Werïnyi.

NGONGUT 7:14

Olenchan, “Monkïtönye echotyon, nyi nyo inkït.” Kïlenchanïn, “Pïchï chay kiwer kiwongunöt nyo ngwan. Kimwata chane sïrokökwa kisön pö Wawa Kech kïrelachitu.

NGONGUT 7:9

Kïkany kuwanta kegh, asïwan söpïch pö pich cho makïrar cho kimemukonye chi ntökuyit, kïpkana punton nko ortïn löwïr nko kutïw löwïr akughyongö tawu ngacharu paytagh nyo pö Wawa Kech, kiloköy chane sïro cho koghöch cho relach akïnömöy sostin.