KALATIA 2:11 - PIPÏLIA

¹¹ Wölo otini kitï Petro Antiokia achilan nyinte ompö tawu pich, ompöwölo kilelate nyinte nyoman.

KALATIA 2:11 ပူးပေါင်းရင်းမြစ်များ

YEREMIA 1:17

Wölo nyi ye Yeremia, napa kegh lasiny. Wïyö mwochinö chane ngalechï löwïr omwowunyi ye. Amewagh chane, tömawirenin potana ompö tawungwa.

YONA 1:3

Wölo kuperta Yona kutang Tarsis ompö tawu ECHOTYON, akïwö kïröytö Yopa, akinyorï meli nyo kiwetöy Tarsis. Kilït melinay akutötö ropïyen cho kiweghö, akïwö nko chane kutang Tarsis kurïpö ECHOTYON.

YONA 4:9

Wölo kïlenchï Tororöt Yona, “Ilentenyi so kagh kïgh nyo karam nörekyinö töpöngwonï?” Kïlö Yona, “Owöy, kaghan nyo karam anarek, nyo omökan ompö amegh!”

KIYITUT 20:12

Kïlenchï ECHOTYON Musa nko Aron, “Ompöwölo melö kaghananïkwa aparta ororyenyan ompö tawu pipö Israel, momïtekwanye nyu pïchï ntökwit kor nyo kyoyomisön lö otönan chane.”

MATAYO 16:23

Kïwaghaka Yeso akïlenchï Petro, “Ngetena tawunyan Onyötonï! Ichinyi tömölin, ompöwölo melö pö kinonutköku Tororöt, pö ptangengmöt!”

YOANA 1:42

Atolapay kumït Simon wölo mi Yeso. Kuros Yeso nyinte akïlenchï, “Ichinyi Simon, wero Yoana. Kïkuroninyi ye Kepa.” (Karkegh kaynanoni nko Petro nyo ato kïwaghach kï “Ghat.”)

IGHISYEWUT 11:19

Kitoyö nyu kïyasta kighönï ompö kichopata kong nyo kitï atoni kikïpar Stepano. Kïpa walaka ntökwit Poinike nko Kupro nko Antiokia, kwomchinotoy lökoyechay pipö Yaudi opïn.

IGHISYEWUT 11:20

Wölo kïnget kighönï walaka, cho kipkono Kupro nko Kurene kutang Antiokia kïpa kwomchinotö pipö punton lapay, kïmwochï chane Lökoy cho Karamach cho pö Echotyon Yeso.

IGHISYEWUT 11:22

Kïlïm ngaleko kighanatanoni pipö kanisa nyo kimi Yerusalem kïlenyona kïyonta Parnapa kïwö Antiokia.

IGHISYEWUT 11:27

Kipkana werkoy osiswechoni Yerusalem kïpka Antiokia.

IGHISYEWUT 15:1

Kipkana pich walaka okumpö Yudea kutöngwï Antiokia akutor kunet kighönï lö, “Ato mapekwanye tum le wölo mwoytoy kiyomisut pö Musa kïmösörwokanye Tororöt.”

IGHISYEWUT 15:5

Wölo kïnget kighöni walaka cho kipö söpïch nyo kïkuro Parisaytin* akïlö, “Mïchini kemut chane akemwochï kïrïp Kirurut pö Musa.”

2 KORINTO 11:5

Molenchï kegh ochan mïnïng tya kïtïl pïchoni lentöy kïchï, “Kiyoktoghï cho echön.”

2 KORINTO 12:11

Kalïkwan so sölwö? Wölo akwa choni kochikwanïn, kötömïchinokwa ompö asalanïn. Ompöwölo, kïrkegh kömelö ochan kïgh, wölo melö ochan apteghate tya kïtïl choni okuronekwa, “kiyoktoghï cho echön.”

2 KORINTO 5:16

Melö tökepimecha ye nyu chi anka tïkwïl ompö ara par, kïrkegh kimi ato kikipimacha Kristo ompö ara por, wölo melö tökeghecha ye nyu ngat lenyoni.

KALATIA 1:18

Otöpan wöloni ntökuwonyö könyiswö sömökwï owan nyu atang Yerusalem atotuyö nko Petro, atöpan nko nyinte osis taman nko mut.

KALATIA 2:14

Otini kyasïwan nyu lö melö kitenate chane kïrïp kegh nko manpa Lökoy cho Karamach, omwochan Petro ompö tawu pïchoni löwïr lö, “Ato irïpenyi nyo le nyi nyo ichï chi pö Yaudi otöptineko pikö walaka amelö otöptino pipö Yaudi, imukenyi nyu lö, ne mukyine chikyine pipö punton kïrïpöy otöptino pipö Yaudi?”

KALATIA 2:5

wölo melö kikitönöcha pöroyïn chane nyonikïny atökumï manpa Lökoy cho Karamach kïtöpö nko akwa kïnomnyö.

KALATIA 2:7

Wölo nyinö kitölïku nyoni, kïpköchï chane lö, kikïyonwanïn Tororöt omchï pipö punton Lökoy cho Karamach le wölo kiyonï nyinte Petro tïkwïl kungwïn kwomchï pipö Yaudi.

KALATIA 2:9

Kïkany kunkïtï Yakopo nko Petro nko Yoana, cho kökikesïwa lö, kïntöghoghï lö, kikonanïn Tororöt pöropchononi, kïnamecha ewun ani nko Parnapa atökuporï lö, kïmitecha ghömïcho. Kechomnyechicha löwïr lö, kïpetecha kepöghisyechini pipö punton kïpa chane kïpöghisyechï pipö Yaudi.

1 TIMOTEO 5:20

Teghchinö ompö tawu pich, pich löwïr, cho tösöy tagh kwïghöy ngokï, atökuwagh pikö walaka.

YAKOPO 3:2

Kighecha lelut cho chang kïnomnyö. Nyo ato malelnye chi ompö ngalanatenyi, kutenate chichoni akumuköy nyinte kïpayta portanyi kïmïkul.

YUDA 1:3

Tupchenichu, kyotïngetan machat, akirwokwa ngala sörunöt nyo kïghömö tïkwïl, wolö kasïwan lö mïchini akirwakwa lawel atosïkö mïkulögh akilkegh lasiny ompö kighanat nyo töni Tororöt pikachi kïnyïl akonga kïpoto.