KALATIA 1:7 - PIPÏLIA

⁷ Wölo mömicha “Lökoy cho Karamach walaka.” Kamwaghan nyoman lenyoni, ompöwölo mi pikö walaka cho susokwa pich cho mököy kïwöghököy Lökoyechoni Karamach pö Kristo.

KALATIA 1:7 ပူးပေါင်းရင်းမြစ်များ

YEREMIA 23:26

Mïröy putintönengwa akïmwoghöy lïs nyo kinyïghï mïkuliskökwa akwigh piköchan kupotyö nko oyï nya wey?

YEREMIA 23:36

Kïlenyona okïr kegh momwoghe lö, ‘Nïkisïn pö ECHOTYON,’ ompöwölo lïku nyu ngölyonto chi kegh. Akwompö atoni, kuwenga ngölyonto Tororöt, Tororöt nyo satate, ECHOTYON Kimuktoghin.

MATAYO 24:24

Ompöwölo chumu pich cho kuro kegh Kristo ompö putintön nko werkoyi putintön, ighöy chane kiporut cho echön nko töngönchintin tö ato muko, kïlïsöy ompö chini le kïlanpa Tororöt.

IGHISYEWUT 13:10

akïlenchï, “Nyi Wero Onyöt! Aichï punyonto kïgh anka tïkwïl nyo karam, nyïghitatïnyi ngöghomnyö nyo pö ghöytyö, mepïstonenyinye kïnure ortïna Echotyon cho ghïteghote?

IGHISYEWUT 15:24

Kakelïmacha lö kipka pich walaka cho kipegha wölo kïmitecha kïpka kususokwa akutö nïkisïn mïkuliskökwa ompö ngal cho kimwa chane akwanyï kimökïmwochichanye chane lenyoni.

IGHISYEWUT 20:30

Itu osiswö cho ngetöy pikökwa cho omitö tïkwïl kïmïröy putintön atökumït kighönï kïrïp chane.

2 KORINTO 11:13

Ompöwölo chane kï kiyoktoghi putintön. Ighöy kegh chane lö kïchï kiyoktoghi Kristo.

2 KORINTO 2:17

Melö kïlatecha pikö walaka cho chang cho ighöy mïnchïrïsnön ompö ngölyonto Tororöt, wölo kïle otini kïchicha pipö man cho kayontecha Tororöt, kengölonecha ompö man ompö tawunyi, le otini kïchicha mötwori Kristo.

2 KORINTO 4:2

Kakïpïstecha ngala arasï löwïr cho wïngote. Melö tökepöghisyeghocha lïs anta kïpöghisyeghö ngölyonto Tororöt ompö putintön. Kiportocha man otini kighecha man atöketönöcha sïkunöto chi anka tïkwïl kurwokyecha ompö tawu Tororöt.

KALATIA 1:6

Kotöngönchokwa otï kapenyakwa lawel nyinte nyini kikurchokwa pöropcho Kristo, arïp lökoye walaka cho sis.

KALATIA 2:4

kïrkegh kimito pikö walaka cho kigh kegh lö, kïchï kighonï akwanyï kichö ghotï chane. Kipka pïchoni kunkïtï kityakat nyo kikïtïngetecha ompö nyoryencha nko Kristo* Yeso kïmach chane kwighecha sekey,

KALATIA 4:17

Mi pïchoni walaka kuporu lö sïngenokwa chane lasiny, wölo melö ompö machat nyo karam. Möchöy chane kupesyonanïn nko akwa atasïngenakwa nyu chane.

KALATIA 5:10

Otïngetan kikönöt nyo wow ompö akwa ompö Echotyon lö melö ochikwa pich cho otïngetö kinonut cho sis nko chichan. Kïkany chi anka tïkwïl nyo susokwa ato kö ngo anta ngo kuchopöy kong Tororöt nyinte.

KALATIA 5:12

Wechï kötomökan lö, tölat kegh pïchoni luklukokwa.

KALATIA 6:17

Owonytonan ye nyu lö, makanya kususanïn chi ngat, ompöwölo poru perutöy cho mi portönyan lö ochan sekeyonto Yeso.

2 TIMOTEO 2:18

Kipïstö chane ara man, akïpechï kïwaghach kighanata pich cho te otini netöy lö, kikwigha kitutunötencha.

1 YOANA 2:26

Kakirwakwa ngalechoni akwompö pich cho mököy kuryalakwa opotyenö.

1 YOANA 4:1

Chamankachu, maghan ngala chi kïtïkon nyo lentöy otïngetö Mïkulöwu Tororöt, wölo arosa lasiny tasïwena lö mïkulis ntöghoghchini chane kïpo man anta ewo. Ompöwölo chang werkoyi putintön cho kipestata kïlïtöy wop tïkwïl.

2 YOANA 1:10

Kïlenyona, ato ngwïnchekwa chi nyo mepunye kinetutchete, orip kegh matacha nyinte korikwo, amatakwes ompö.

2 YOANA 1:7

Kikïpka lïsï cho chang cho kïghömï ngwïny, pich cho meghönöcha lö kingwïn Yeso Kristo le ptangengmöt. Lïsin chi nyo mwoghöy lenyoni akï Punyonto Kristo.

YUDA 1:4

Ompöwölo mi pich cho kilepï kegh kïlïtu kwenuncha cho mewöghöcha Tororöt, akïkwanykwany pich tömökïpköchïnye lasiny ngala pöropcho Tororötïncha akï töghöy pöytoghintenyo nyo le nyinte onkït akï Echotyontenyo Yeso Kristo. Ighöy chane lenyoni atökïnyorï ortïn cho igho ngalekwa cho ghach. Wölo kikikïngor Kikirut otini le könyisyok kirwok nyo nyoru pïchoni.

NGONGUT 12:9

Ketyorchï sany ntaranoni wow. Nyinte kï moroyonanya pö köny kikuro, Onyöt anta Oyin, nyanye kigh pipö ngwïny kïmïkul kwigh ngokï. Kikityorï nyinte kungwïn ngwïny nko malaykenichi löwïr.

NGONGUT 13:14

Atolapay kïlïs pich löwïr cho mi ngwïny ompö owesyo töngönchin nyo kikitö nyinte kwigha tawu tyonyay pö tagh. Kïmwochï tyonyay pipö ngwïny kwigh körkeyïn nyo kïsölo tyonyay kökiketörö chok akïsöp.

NGONGUT 19:20

Wölo kenam tyonyay nko werkoyontonay pö putintön, nyay kighöy töngönchin ompö tawunyi. (Ki tïkuchoni pö töngönchin cho kilïsa nyinte pïchay kitïng macheyu tyonyoni nko walaka tïkwïl cho kisagh körkeyïnto tyonyoni.) Kikïnam lenyoni akewirchï kïtökïsöpsot kwodeny nanampa ma nyo ngwan lakat nyo nöghöy nko koghïn cho nöghsot.

NGONGUT 2:2

“ ‘Onkïtön otöptöngu, ankïtön wölo inoghyeghtonyi kïlïkwï nko wölo imïkuköntonyi. Onkïtön lö itöghenyi pich cho le mwokïyis, aityömenyi cho ighöy kegh lö kïchï kiyoktoghï akwachï menkacha, akinkïtunyi lö putï chane!

NGONGUT 2:20

Wölo otïngetan ngölyon ompö nyi: iterchinenyi kokonï le Yesepel ighöy kegh lö ochï werkoyon. Kunet mötworichan kipotöt, kwigh cheporesnan akwam omisyewut cho kïropchini körkeyïntin.

NGONGUT 2:6

Wölo mi kïgh nyo isïkonyi chömchin, kitaghanyi ighisyewut pö Nikolaytin, cho otöghan ante tïkwïl.

NGONGUT 20:3

akuchoytö kïröytö ngwen akïkörchï wöloni akutö kïgh kuke nyo por lö puryö chi nyo yotöy. Kikïkörchi wöloni Onyöt atömökumï ngat kïlïs pipö ngwïny ntökïtenö kuwonyö könyiswechoni le elpu akonga. Kïkany kuwonyö könyiswechoni le elpu akong, kïmïchini ketyak nyinte ngat, wölo ompö osis cho ngörï.