ISAYA 9:9 - PIPÏLIA

⁹ Nkïtu chi anka tïkwïl nyo pö Israel nyo möngöy kanasyanta Samaria lö kegh nyinte kïyoni. Kwolöy kegh chane otï le ye akïmen lö,

ISAYA 9:9 ပူးပေါင်းရင်းမြစ်များ

1 PÖYTOGHÏ 22:25

Kuyokyï Mikaya lö, “Inkïtunenyi otini kewenyi iwïnga kegh kot nyo pö ori.”

NGÖTÏNYÖ 16:18

Rïpöy kinyarata menöto kegh, kirïpöy chïntagh kwolöto kegh.

ISAYA 26:11

Menkïtcha punköku lö imungenyi chane. Tönö chane arasï, we ECHOTYON aikany kuwongwï chane. Pïsyinö chane kuwongunö nyarïl nyo kitötyinyi chane aiporchï wölo ichömtonyi piköku.

ISAYA 28:1

Heywey! Wechï kawir paytaghpa Israel. Kösilön ororyö nyo kötïng kintöghoghikwa cho tömesyot le tapïkoy cho kösilonchö. Kinyita mötöwekwa mwagh nyo ngutoy nyo karam, wölo achona chane rusot, kimeghö ompö tamasat.

ISAYA 28:3

Kïtïkotegho kelyön asïyech menöto kintöghoghi choni le ptangengmötin.

ISAYA 46:12

“Atere ngalechan, akwa penyichï, akwa cho ononöy lö low rïntagh.

ISAYA 48:4

Kyonkïtön lö kyochikwa penyï, cho kiyomö kotwonï le karïn, akïkarkegh tokochwekwa nko taghoy.

ISAYA 7:2

Nyini kilïm pöytoghinto Yuda lö kikwitï pipö lïk cho pö Sirya koro Israel, kïmïgh tya nyinte nko pikachi ntökïkarkegh nko ket cho ketimtim yomat.

ISAYA 9:8

Kiyokyï Echotyon ngölyonto kirwoköt pipö Israel, pïchoni pö ara Yakopo.

YEREMIA 32:24

“Rose ye lö kikutïkum nyïngwïny kuwit kanasyantanete lïko Papilonia atökïporyeghö. Kïloto kanasyantanï kömöy nko ngot nko sömew. Isïwïyenyi ye lö köpïntö ngalechay kingoranyi lö ighisyot.

ESEKEL 30:19

Orwokyinan amungön Misri, nkïtu nyu chane lö ochan ECHOTYON.”

ESEKEL 33:33

Otini köpïntö ngalechï lenyoni, kunkïtï nyu chane lö kichï kimi werkoyonta nko chane.”

ESEKEL 7:27

Sonönöy pöytoghintö, akïmeghö mutïnö kintöghoghi akïpotonchö pich ompö kor kïmïkul ompö nyarïl. Oghchinan chane kïrïp kegh nko ighisyewutkökwa, arwokyan chane kïrïp kegh nko kirwokötengwa. Nkïtu nyu chane lö ochan ECHOTYON.”

ESEKEL 7:9

Möminye nyo otukan anta osyonchï, omungokwa kïrïp kegh nko otöptinekwa cho ghach. Ato onkïtunökwa lö ochan ECHOTYON amungsïyi.

OSEA 8:14

“Ompöwölo kikïwityeghö pipö Israel ighintengwa, akïtekyï kegh korïn echön. Kïtek Yuda kanastin cho chang akuyokir nyoman, wölo oyokyinan ma kanastinechi, nyo pelöy kuwonyö wölona tigho kegh.”

MALAKI 1:4

“Ato lö pipö Edom cho pö ara Esau, ‘Kïrkegh kenyar kanastinecha, kïtekecha ngat,’ omwoghan ante ECHOTYON Kimuktoghin lö, ‘Orultenan kïrkegh kïtek ngat.’ Kïkuro korengwa, ‘Koro ghöyityö,’ kekurö pikökwa, ‘Pich cho nörekyini ECHOTYON kokay.’ ”

MALAKI 3:13

Lentöy ECHOTYON, “Kamwaghakwa ngal cho ghach nyoman parakunyan. Wölo otepekwa lö, ‘Akï ngal ne cho kakïmwaghacha parakungu nya?’

MALAKI 4:1

Lentöy ECHOTYON Kimuktoghin, “Itu asis nyo nöghöy ma nyo ngwan lakat, ato kïpelo menot nko mwokïyis le mopö. Nöghsot chane asisoni ntökuwonyö lömïs.

1 PETRO 5:5

Kïlenyoni tïkwïl ompö akwa chumwak, mïchinokwa oterchinö poyi kanisa. Akïmïchinokwa lapay alïkuna pich cho tölose atopöghisyechinö kegh akwane, ompöwölo lentöy Kikirut, “Töghöy Tororöt menot, wölo töni pöropchö pich cho tölose.”