5 Kïpelo ma kwegh pö lïk lömïs, nko sïro cho kiperchï kisön.
Kïlenyona kïkurö Yakopo kayneto atoni Peniel, ompöwölo kilö, “Kyasïwan tokochu Tororöt akwanyï tochan satate.”
Wongöy nyinte poryotïn ompö ngwïny kïmïkul akïrïng kïwantis nko ngötwö akïpel longoy.
Nya kïsïch ngwïnya pöghisyö akïrumtö man ompö kore kïmïkul.
Orip kegh ompö tawunyi ater cho mwoghöy. Mapeny ngalechi, ompöwölo mölöstewekwanye lelutkökwo, ompöwölo mi kaynenyan orinyi.
Alïma kiteghat nyo ngwïno kutïngkot, kighumöt nyo pö söpïch pö pich. Kighumöto pipö punton nko pöyunötin cho kighamït kegh! Katat ECHOTYON Kimuktoghin pikachi cho setöy atökïpa kïporyö.
Linyot koros cho ororöch, akïsat pich cho chang. Tongöy chokonikwa kïlïkwï mökompöy, akutang ngötwekwa kïlïkwï rotwoy cho kïköso pagh. Amelö tökïpöröy kegh ngat koroswö, amelö tökïsetöy ngat kokay.
Kikigh könyisyok wölo kinagha ma nyo wow nyo kïpelo pöytoghinto Asirya. Kiröytö to akïtapes, akenyïghit kwen kutïkumö. Kutini ECHOTYON kimïny nyo ngwïnöy le puseryonto ma nyo pelöy atoni.
Kïwö oghononi malaykayanta ECHOTYON wölo kimöngöy pipö Asirya akïpar pipö lïk 185,000. Nyini kiyech atole asïyech, kelö kïtopön kimeghö chane löwïr!
Rwokyini Echotyon akutïlil piko kanasyantenyi akuwun sïmnyonto Yerusalem nko kisön cho kikïmïltegha orinyi.
Ompöwölo keriyönyi mchoki ompö kotwonikwa, nko syariti nyo kimungöy puwanikwa, le wölo kirïntenyi pipö Midyan.
Kakïyiywecha monïng! Kakïkonecha worö! Akïlïku nyinte pöytoghintencha. Kïkuro kaynatenyi, “Kirurin nyo pö Töngönchin,” “Tororöt nyo Awes,” “Papo nyo pö Kokay,” “Pöytoghinto Kalya.”
“Arosa! Pkonöy osiswö cho okötkötan sakana ara Daudi aghan kïlïkwï pöytoghin nyo pöytoy ompö man nko ngöghomnyö ompö kor.
kïlïmöy kelyo angoletin kutimtimö ngwïnya otini petöy kïlïmöy tïkwïl kighumöto nkaritin pö poryot cho chutöy angoletinö Mïghyot nyu papotïno nko yotïn lö chïrïm, amökuyodonye kegh wölo mi monekwa kichïnto morïn ompö mïghö.
Lenye kighumötengwa kighumöto nkaritin, otini kenkor kunkorchï kutïngkot walisay, töltolöy le lyopöt nyo pelöy awawatyan lenye lïk nyo körom nyo kikïtïng.
Atolapay kïpel tïsin tïkuchoni löwïr ompö ato kïpelo amöros le omisyö nyo kakitö ECHOTYON ompö ma.
Atolapay kïpel nyu tïsin tïkuchoni löwïr ompö ato kïpelo amöros le omisyö nyo ngutoy nyo karam ompö ECHOTYON. Pö ECHOTYON sunetkö löwïr.
Akwa pipö Yerusalem, aghamïta lïkoskökwo! Kikuwitecha pung mököy kïporyeghö pöytoghinto Israel!
Atere köny! Köchögh sito kelïm! Keghumonï nkarino poryot cho chutöy angoletinö. Atere kikomtoghtino angoletin, nko kiryöngtogh pö nkaritin cho mi pan!
Ngwïnöy akïtek Kö pö Tororöt* akekonyïtöy nyinte le pöytoghin. Töpo ngacharu paytagh akïpayta. Töpo tïsin kudopöy ngacharunyi nyo pö paytagh akwightoy chane kwodeny pöghisyö ompö kalya nko terchin.
Opötisönekwa ompö pögh tökuporï lö kokötekwa ngokikwo, wölo pïnï chi nyo lötunyan nyo pötisönekwa ompö Mïkulögh nyo Tïlil nko ma. Wow nyinte kïtïlanïn amömïchinanïnye ompö ntopchï nyinte kweghkachi.
Oporunan töngöchin ompö parak yïm, nko kiporunöt ompö ngwïny or. Pkonöy kisön nko ma nko awïryo ighöt.
Atolapay kuchumï tïkwïn cho lata lyopötino ma, akïrökyï chi anka tïkwïl ompö chane.
atökuchop kong pich cho möchömöcha Tororöt nko cho mörïpöcha Lökoy cho Karamach cho pö Echotyontencha Yeso.
Kuyokyï lö, “Ompö ne temökenyi nkïtune kaynenyan? Möpköchininye chi kaynatenyan.”
Otini kitökïmi Saulö kïngölonöy nko tïsin, kïtasa pölonay kimi möngo pipö Pilisti, kïlenchï Saulö tïsintonay, “Mökïminye pöröyïn nyo kïtepöy kïgh Tororöt!”
