ISAYA 9:4 - PIPÏLIA

⁴ Ompöwölo keriyönyi mchoki ompö kotwonikwa, nko syariti nyo kimungöy puwanikwa, le wölo kirïntenyi pipö Midyan.

ISAYA 9:4 ပူးပေါင်းရင်းမြစ်များ

TOWUNÖT 27:40

Aisöponyi chokengu, aipöghisyechinyi werïngwo, wölo ato lilinyi kïgh, ityaka kegh morichi.”

TUMWÖY 125:3

Ay möpöytonye mwokïyis kor nyo kiketö pipö man atömötöp chane tökwigh ngokï.

TUMWÖY 81:6

“Kangwïsan pötoghkökwa nïkisïn, achengan morikwa mataparin cho nïkisöch.

ISAYA 10:16

Kïlenyona nyu, töni Echotyon, ECHOTYON Kimuktoghin pikachi sömew nyo chopöy kong pikachi cho nöryote. Töni porwoyikwa ma nyo nöghöy kutate.

ISAYA 10:5

Kilö ECHOTYON, “Kïkany nyo le nyi Asirya! Opöghisyegheninyi le lïkïp nyo pö narekat, nyo ochoponan kong pich cho konörekyan.

ISAYA 14:25

Owuran pipö Asirya ompö koreto piköchan Israel, atïkatïkan chane kutïngkotichan cho mi korononi. Otyokan pikachu cho kirat pipö Asirya, atyaka chane nïkisïntin cho kikitö kïkasan.

ISAYA 16:4

Opïswecha kemanga korenkwa. Akartecha kechïwïtyeghenö pich cho mököy kuwonyecha.” (Itu ato melö tökepïröy pich anta kiwur, itu ato ngeto pich cho le rïmï ngwïnyinï.

ISAYA 47:6

Kyonörekyan pikachu, kyoghchan chane le atomelö kitökïpiköchan ngat. Nka nyoni kyotönön chane ewuneku amelö kisyonchinyi chane kïrkegh ompö chini le poy.

ISAYA 49:26

Oghan pich cho wöchokwa kïpar kegh chane, tömesyegho chane pörchö le pich cho kagha dipay.* Nkïtu nyu ptangengmötin lö ochan ECHOTYON, nyo sörwokwa akutyokokwa akunkïtï lö, ochan Tororöt pö Israel nyo awes.”

ISAYA 51:13

Kewutyeghenyi so ECHOTYON nyo kighinyi, akughïtö wölnö le mïröt akïtek pchörin cho tighöy ngwïny? Akwompö ne tetöpenönyi ompö nyökoryö ompö pich cho reyinyi nko cho mi kïpsach kïparinyi? Melö tökumuköy sïngiryengwa kïswonginyi ngat.

ISAYA 52:2

Kutkutö kegh, we Yerusalem nyo kiketyakïn! Ngetunenö terïtyon aitöpö ngacharungu nyo pö paytagh! Tyaka sïrïmtin cho kikïrateninyi kat, we chepï pö Sayon* le pïnotyon!

ISAYA 54:14

Ighinyi man chïchïma, ilowitunonyi nyarïl nko otyogh.

ISAYA 9:5

Kïpelo ma kwegh pö lïk lömïs, nko sïro cho kiperchï kisön.

YEREMIA 30:8

Kamwaghan ante ECHOTYON Kimuktoghin lö, “Ato itï asisoni, ongwïnan otörotöröy michokin cho kikïrötyï katwayi piköchan. Kïngeta atoni nyu melö tökeghokwa ngat alïkuna mötwori pich cho monkïtökwanye.

YEREMIA 48:17

Kïkany akwa pöröris pö Moap, olokyenö akwompö parakunyi. Akwa cho konkït lö nyoman ororyenyi. Nama chi kegh kut aimwagh lö, ‘Wechï kichïnta paytagh nyo awes! Kepot nyu ororyenyi lö poy.’

LAWIN 26:13

Ochan ECHOTYON Tororötïnkwa nyo kyamïtwakwa apkanena koro Misri lö tömö alïkuna sekey arïntan owesyö nyo kipöytonekwa aghekwa otyokisyenö.”

NAUM 1:13

Owongan ye nyu owesyo Asirya nyo melö tökïpöytonekwa ngat, ongötiyan sïrïmtin cho kiratenekwa.”