ISAYA 9:19 - PIPÏLIA

¹⁹ Pelöy ECHOTYON Kimuktoghin koronete kïtïryalit ompöwölo kanarek nyinte, pelöy pikö kïnöghyö le kwen cho kinoghöy, amelö mito chi atoni nyo söröpchini werïngwa.

ISAYA 9:19 ပူးပေါင်းရင်းမြစ်များ

ISAYA 1:31

Kikongityot chi nyo awes atoni nko mopö cho pelöy koto kipiriti akong, wuröy nyu ighisyewutkökwa cho ghach pich cho owesöch lenyoni asïyech, amelö mito chi nyo muköy kïsörunö chane wïratanoni.

ISAYA 10:6

Kayontan koro Asirya kïporyeghö punton cho menkïtcha Tororöt, pïch cho kighanïn anarek. Kayontan chane kïpa kïpörï tïkwïn akuritï akïtyakata pikö le norayon nyo mi arawet.”

ISAYA 13:13

Kïlenyona nyu, oghan yïmwöy kïpotonchö, aghan ngwïny kïpotan atökïngeta otini kömi ompö asisoni ongwïnan ECHOTYON Kimuktoghin nko nörekyenyu.

ISAYA 13:18

Pöro kïwantis nko kotï monekwa cho le chumwakay. Melö syonchini monïng cho le mnyarkiltin amökïghnye tengon ompö chane.

ISAYA 13:9

Itu asispa ECHOTYON asis nyo pö ngwonïn, nyo nörekyenyi nko sïngiryenyi. Kighöy ngwïny kïlïkwï surkwen, akewur mwokïyis cho mi wöloni lömïs.

ISAYA 24:6

Nka nyoni köchïp Tororöt ngwïny. Akunka nyoni kewongwï pïchoni möngöy orinyi, akïngötï cho ngörï.

ISAYA 26:11

Menkïtcha punköku lö imungenyi chane. Tönö chane arasï, we ECHOTYON aikany kuwongwï chane. Pïsyinö chane kuwongunö nyarïl nyo kitötyinyi chane aiporchï wölo ichömtonyi piköku.

ISAYA 3:5

Ngöroköy kegh chi anka tïkwïl osiswechoni ompö chitö anka. Melö konyïtöy chumwak poyikwa, amelö yongöy pich cho chumpönote pikökwa cho echön.

ISAYA 33:14

Wöghisïyi mwokïyis cho mi Sayon. Potonchot chane ompö nyökoryö, akïmi kïlentöy, “Karkegh kirwoko Tororöt nko ma nyo nöghöy kokay. Ekïngo ompö acha nyo muköy kïngötuno ma nyo lata nyoni?”

ISAYA 4:4

Rwokyini Echotyon akutïlil piko kanasyantenyi akuwun sïmnyonto Yerusalem nko kisön cho kikïmïltegha orinyi.

ISAYA 42:25

Nka nyoni kimungenecha sïngiryenyi, akwighecha kewongunenö owesyo poryot. Kimïlchï koro Israel kïmïkul nörekyenyi nyo nöghöy le ma, wölo melö kipköchecha lö ne nyo kigha amenetechanye ngölyontononi kïgh nyonikïny.

ISAYA 5:24

Kïlenyoni ye, kïle wölo peltoy lyopöto ma mopö nko wölo wonyot kïlïkwï suswö cho kikïyomö ompö lyopöto ma, kïlenyoni wölo nïntoy ighïnengwa, akekutïtoy tapïkengwa parak kïkarkegh nko terïtyon, ompöwölo köpïstö chane kiyomisut pö ECHOTYON Kimuktoghin akïsas ngölyonto Tororöt pö Israel nyo Tïlil.

ISAYA 5:30

Mororchini Israel ato itï asisoni kïmarikit kïkarkegh nko nanam. Arosa koronï! Kilum tuwïn nko nyarïl! Kanyïkwïda tuwïn löpoyïn ompö tuwïntanyi.

ISAYA 60:2

Lumöy tuwïn koros pö ngwïny walaka, Wölo lïwchininyi löpoyïn pö ECHOTYON, akïrumuneninyi ororyenyi.

ISAYA 8:22

anta topön ngwïny, wölo mösïwïyicha kïgh, kïpoto kömpölelyö nko tuwïn, tuwïn nyo pö otyogh, wölini kïrorchini chane asïyech.

YEREMIA 13:16

Akusa ECHOTYON Tororötïngwo, kïtomö kwipkokwa tuwïn, akunöghokwa koghïn kelyön ompö komos. Asala nyinte kïtomö kïwaghach löpoyïn nyo kokönekwa kïlïkwï tuwïn nyo wow.

ESEKEL 20:47

Lenchinö wuw pö Nekep, Tera ngölyonto ECHOTYON, lentöy Echotyon TORORÖT onoghan ma ompö nyi nyo pelöy ket anka tïkwïl nyo tïyam nko nyo nyaril. Memukönye tökemis mayoni otini kanagh. Pelöy nyu ma tokoch löwïr kïngeta okumpö tagh ntökwit okumpö löt.

ESEKEL 9:5

Alïman Tororöt kïmwochini pïchay walaka lö, “Arïpa nyinte olïtö kanasyan, apörisyö, matuk chi ompö akonga, mosyonchï chi nyonikïny.

YOEL 2:2

Asispa tuwïn nko wurönöt, asispa kapuret nko tuwïn nyo wow. Lenye ighot nyo kakikörkorchï kutïngkot parak, söpïch pö pich cho köromöch nyoman. Möminye kïgh nyo lenye nyoni nyo kikwigha astanka. Amökwighonye ngat ompö könyis nko pïnwöy löwïr.

YOEL 2:3

Omöy kor kïmïl le ato kapel ma. Karkegh korö nyo mi tawungwa para Eden, wölo tïryal lötungwa le surkwen. Möngötunye kïgh nyo mi tawungwa.

LAWIN 26:26

Atolapay omïnïngitan omisyewutkökwa ntökwigha korï tamanï makatin tör akonga atolapay kechagha kipimöwon, omekwa wölo melö opïghyongekwa.

AMOS 5:18

Heywey akwa cho opïrchini kwitï asispa ECHOTYON! Ngörokekwa lö ne asisoni nya wey? Ompöwölo lïku tuwïn asisoni ompö akwa, melö löpoyïn.

OPADIA 1:18

Ngwonöchitu pipö ara Yakopo nko cho pö Yosep le ma! Wongöy pipö ara Esau le wölo pelöy ma mopö. Möngötunye chi pö ara Esau ompö akong Ighisot ngalechï lenyoni kamwaghan.

MIKA 7:2

Möminye chi pö man ngwïny, möminye chi nyo pö man ompö pich, möro sera porsyö chane, mököy chi anka tïkwïl kïrïm werïngwa.

MIKA 7:6

Ompöwölo sösöy atoni karachïna papotïnekwa kïnam tipïn kamatikwa kut, kïsyal koru wor nko potïchtinekwa, lïku pung pö chi piko katanyi.

SAKARIA 11:6

Omwoghan ante ECHOTYON lö, melö tosyonchinan ngat pich cho mi ngwïny. Otöninan chi anka tïkwïl mori chitö anka, atönön pich mori pöytoghintengwa. Nyoröy nyu chane ngwïny amelö ongwïnan osöruno chane morikwa.”

SAKARIA 11:9

kïlenyona olenchan, “Melö tochan ngat mösöwontenkwa. Nyo kömeghöy kïma, nyo kenyoroy kunyara! Kwam kegh cho köngötï!”

MALAKI 4:1

Lentöy ECHOTYON Kimuktoghin, “Itu asis nyo nöghöy ma nyo ngwan lakat, ato kïpelo menot nko mwokïyis le mopö. Nöghsot chane asisoni ntökuwonyö lömïs.

MATAYO 27:45

Nyini kighyö asis kulum tuwïn kor kïmïkul, ntökïtenö kwitïta satïn mut nko angwan.

IGHISYEWUT 2:20

Wöghökoy asis kïtuwitu akïpïrïritu arawa le kisön, atoni kïtomö kwitï asispa Echotyon nyo wow akworor.

2 PETRO 2:4

Kimesyonchïnye Tororöt malayken cho kigh ngokï, wölo kïtorchï chane ngwen wölo tuw kïrötot kïköngöy kirwok.