ISAYA 9:15 - PIPÏLIA

¹⁵ Lïku poyï nko pich cho konyïtote mötöwe, kïlïkwï töronkwöyi werkoy cho netöy pich putintön!

ISAYA 9:15 ပူးပေါင်းရင်းမြစ်များ

1 PÖYTOGHÏ 13:18

Kïlenchï werkyontonay pö Petel nyinte, “Ochan tïkwïl werkyon le nyi, kömwowanïn malaykayanta ECHOTYON lö, wïyö mïtuna nyi kïmïla aitö omisyö.” Wölo ki putin werkoyontononi le poyon.

AYUPU 22:8

Kichömchinyi chi nyo awes kïcheng kore aipïsï chi nyo nkïtote kïmang ori.

ISAYA 19:15

Möminye chi nyo le ompö akonga ompö koro Misri, nyo muköy kutöni chitö anka kingarakat, kïrkegh kö monkoryon anta meywon anta nyo pöyu pich anta nyo kötompöroryö.

ISAYA 23:9

ECHOTYON Kimuktoghin nyo kitat. Kitat lenyoni atökuwur kwolöt nyo pö ororyö anka tïkwïl akutö arasï pipö ngwïny kïmïkul cho kïkonyïtöy.

ISAYA 28:15

Ompöwölo kyamwaghakwa lö kikiyomisöcha kegh nko meghat akyam ngamata nko ngwen, nyo ato wer mungötö nyo wow, kechïwïtyocha ompöwölo möminye kïgh nyo okönekwa atawïnya kegh kïpoto putintön nko lïsa.

ISAYA 28:17

Oghan kirwok kïlïkwï kïgh nyo kipimo tighöyonto kö, kïlïku man pörköyö nyo kighïtegho nayat.” Puchtoy takarïs lïsut löwïr cho kotighokwa kegh, akuwur puseryontö nyo lumöy kor kïmïkul wölo kowïngokwa kegh.

ISAYA 28:7

Kitömesyö tïkwïl pikö cho köle werkoy nko tïsï ntömelö tökumuköy kïpestotoy. Kighegh dipay* nko kumïn cho chang tya ntökïwöngisyö. Kitömesyö werkoykö tya ntökupöl kïsïkï ngongut cho kiporchini Tororöt chane. Kïtömesyö tïsï tïkwïl ntökupöl kïmut ngal cho kikipchini chane.

ISAYA 29:10

Keghakwa ECHOTYON onukyenö atoruyenö rïwön nyo nïkis. Werkoy cho kötö lïku konyi pich, wölo kelum Tororöt konyikwa.

ISAYA 3:12

Reyöy monïngo piköchan akïpöytoy korï chane. Heywey pikachu, kopïsikwa kintöghoghikwa kïlïsakwa, amelö tonkïtunekwa wölo otöngöy.

ISAYA 3:5

Ngöroköy kegh chi anka tïkwïl osiswechoni ompö chitö anka. Melö konyïtöy chumwak poyikwa, amelö yongöy pich cho chumpönote pikökwa cho echön.

ISAYA 43:27

Kinya paponkwa nyo pö tagh kwigh ngokï, akwighwanïn tïkwïl kintöghoghikwa ngokï.

ISAYA 5:13

Nka nyoni tökerang piköchan kïlïkwï mampustin, ompöwölo kisölwontön chane. Kipar kömöy kintöghoghikwa cho konyïtote, kïpar maral söpïchtöngwa.

ISAYA 59:3

Ompöwölo kakesïmnyon ewunekwa ompö kisön akesïmnyon morikwa ompö ghöyityö. Kangalanekwa kutïwekwo putintön akïchamcham ngölyepkökwa ghöyityö.

ISAYA 59:4

Möminye chi nyo ghoköy kïgh ompö man ato mi ka kirwok anta söwintönchï man. Kopöghisyekwa putintön tolotisyenö ompö ka kirwok. Oghekwa tötut cho wököy pikö walaka.

YEREMIA 23:32

Osïwïyekwa! Kataghan ante ECHOTYON werkoychoni pkonöy kïmwowokwa kirwotïtoghtinekwa cho pö putintön akwigh piköchan kupotyö. Melö kyoyokwan, amomwochanye chane kïgh. Kïlenyona, melö pö chane tösunöt ompö pich nyonikïny.” Mwoghöy ECHOTYON.

YEREMIA 23:9

Kameghanïn mïkulögh, ompö ngala ECHOTYON cho tïlilöch paraku werkoy cho ghach. Köpotönchanïn ko le cho pö tamasyan, tamasyan nyo kitamas kïkughotö.

YEREMIA 5:31

otï kangor werkoy ngala putintön, kïrïp tïsï lenyini kamwa werkoy, akurosyini kegh piköchan lö kiten nyoman ngalechoni! Oghekwa ne ato itïta sörömu ngalechoni?”

LOK 2:14

Kimwowokwa werkoyikwa sïwïyaghtin cho pö putintön melö kingarakakwa amtaghpa werkoyichoni asïwena ngokikwo nyo kitökyalastekwa achïwïtyö mapa pïnotön. Kighakwa chane olïmchinö kegh lö kimöminye machata okötenö ngokikwo.

ESEKEL 13:19

Kokonanïkwa arasï ompö piköchan, alïs lö tökenyorunö matay kwïle nko makatin tïkwïte aparakwa pich cho kömïchini kïsöpchö, apïstekwa kïsöpchö cho kötomeghot ompö putintönenkwa.”

ESEKEL 13:22

“Kïle wölo kyaghakwa chi pö man kïma mu kïrkegh tomönye aghan nyinte kïma mu, arompörökwa chemwokïyon kïtas tagh nko ortïnechi cho ghach tömösörï kegh.

OSEA 9:8

Lïku werkoyonta ripinto Epraim pipö Tororötinyan wölo kiketö ngöghöp ortinechi löwïr wölo weröy. Akereya ompö nyini le koto Tororötïnyi

AMOS 2:4

Lentöy ECHOTYON, “Melö oyodeghonan Yuda sitöt ompö ghöyitwokachi cho pö kïnomnyö ompöwölo kitagh chane kirurut pö ECHOTYON amelö kitökïrïp ngalechi. Wölo kipot chane tororötino putintön, tororötin cho kipöghisyechï papotïnekwa.

MIKA 3:5

Lentöy ECHOTYON akwompö werkoy cho lïsöy pikachi. Yomisyini chi kalya, nyo ketö kïgh kwam. Wölo mugho poryot, anka tïkwïl nyo metöninye kïgh nyo kyomöy.

MALAKI 2:9

Kïlenyona oghan pipö Israel kïsasakwa akï mïnakwa ompöwölo melö kyarïpakwa machatenyan, aporukwa kïla ato kyonetekwa piköchan.”

MATAYO 24:24

Ompöwölo chumu pich cho kuro kegh Kristo ompö putintön nko werkoyi putintön, ighöy chane kiporut cho echön nko töngönchintin tö ato muko, kïlïsöy ompö chini le kïlanpa Tororöt.

MATAYO 7:15

“Orip kegh werkoy pö putintön cho lata kechir otini pkonchinokwa, wölo suyï ompö ori cho köromöch.

1 YOANA 4:1

Chamankachu, maghan ngala chi kïtïkon nyo lentöy otïngetö Mïkulöwu Tororöt, wölo arosa lasiny tasïwena lö mïkulis ntöghoghchini chane kïpo man anta ewo. Ompöwölo chang werkoyi putintön cho kipestata kïlïtöy wop tïkwïl.

NGONGUT 19:20

Wölo kenam tyonyay nko werkoyontonay pö putintön, nyay kighöy töngönchin ompö tawunyi. (Ki tïkuchoni pö töngönchin cho kilïsa nyinte pïchay kitïng macheyu tyonyoni nko walaka tïkwïl cho kisagh körkeyïnto tyonyoni.) Kikïnam lenyoni akewirchï kïtökïsöpsot kwodeny nanampa ma nyo ngwan lakat nyo nöghöy nko koghïn cho nöghsot.

1 SAMWEL 9:6

Wölo kïlenchï mötworintenyi nyinte, “Mi chi pö Tororöt kanasyantanï akï chi nyo kïkonyïtöy, ompöwölo ngal löwïr cho mwoghöy nyinte kïlïku man. Kepe wölini, töptoy muköy kïmwoghwecha wölo kïnyorchini sïkïröyi.”