ISAYA 9:13 - PIPÏLIA

¹³ Wölo melö kakitö pipö Israel, kïrkegh kichop kong ECHOTYON Kimuktoghin chane.

ISAYA 9:13 ပူးပေါင်းရင်းမြစ်များ

2 OTÖPTINO OSIS 28:22

Kitas tagh kwigh nyo gha tya pöytoghintö Aas ompö tawu ECHOTYON kïrkegh kitïng nyarïl nyo wow.

AYUPU 36:13

“Chömo kegh pich cho mewöghöcha Tororöt nörekyö amöyörönye kingörokut otini mungöy Tororöt chane.

ISAYA 1:5

Kölö ne toletekwa tagh nko penyat? Tomökekwa so kenyörilokwa kong nya? Kikïghömï moyoy mötïngu, we Israel, kikuchir mïkulöwungu nko mötïngu.

ISAYA 19:15

Möminye chi nyo le ompö akonga ompö koro Misri, nyo muköy kutöni chitö anka kingarakat, kïrkegh kö monkoryon anta meywon anta nyo pöyu pich anta nyo kötompöroryö.

ISAYA 26:11

Menkïtcha punköku lö imungenyi chane. Tönö chane arasï, we ECHOTYON aikany kuwongwï chane. Pïsyinö chane kuwongunö nyarïl nyo kitötyinyi chane aiporchï wölo ichömtonyi piköku.

ISAYA 31:1

Heywey! Wechï kepotyö pich cho petöy koro Misri lö tökengarakech. Mito chane kutwoytoy kegh pipö Misri cho chang cho pö lïk nko karikwa cho pö poryot, cho lata: angoletin nko nkaritin nko askarin. Wölo metwoytocha kegh ECHOTYON, Tororöt pö Israel nyo Tïlil anta tep nyinte kungarak chane.

ISAYA 57:17

Kyonörekyan chane ompö ngokikwa nko pïrchintöngwa, nka nyoni nyu kyachopan kong, achal chane. Wölo kighechön mötöwöy akïtas tagh kïrïp orengwa kegh.

ISAYA 7:20

“Olöy Echotyon chi nyo le rwokin nyo ngwïno lalwa Yuparet antakwagh ato itï asisoni nyinte kï pöytoghinto Asirya! Rwoköy nyinte tamughayikwa lömïs nko cho pito mötöwekwa nko porwoyikwa tïkwïl.

YEREMIA 15:7

Kakutïtekwa le morïro pagh, ompö kanastin cho mi koronete. Kotïghön monekwa awangakwa pikachu, ompöwölo mopïstekwanye ortïnekwo cho ghach.

YEREMIA 29:11

Ompöwölo onkïtön ante ECHOTYON tötut nyo otötwokwa, tötut cho pö köromnyö, melö cho pö ghöyityö. Tötut cho konokwa kikönöt nko köromnyö ompö osis cho pkonöy.

YEREMIA 5:3

Nyi we ECHOTYON, onkïtön lö imörenyi pich kwigh man kïtenö osis. Kimïghitönyi chane, wölo malïmtacha kïgh, kiryöpönyi chane, wölo machamcha lö kikelel. Kilïkwï pich cho kiyomö mötöwö kïtïl kogh, kïtagh nyoman kïkötö ngokikwa.

ESEKEL 22:24

“Lenchinö pipö Israel melö tïlil korenkwa, amungokwa ompö asispa nörekyö.

ESEKEL 24:13

Kesïmnyoninyi we Yerusalem ighisyewuköku chï ghach. Kyolan otïlilinyi wölo kimetïlilenyinye. Melö itïlilitunenyi nyonikïny ntökïtenö kuwonyö nörekyenyan ompö nyi.

DANIEL 9:13

Kipkonchecha ngalechini löwïr kikikirchï kirurut pö Musa. Wölo kïrkegh kikenyorucha sitöt, we ECHOTYON Tororötïnyo, kïmelö kikechïstecha akewöghökisyö ompö ngokï akerïp mantangu.

OSEA 5:15

“Opökochtonan chane ntökïtenö kïpköchï chane ngokikwa akïmïlonchö nyu kïyaranïn. Kilöy kegh nyu nyoman kïyöranïn ompö otinö kewongu.”

OSEA 7:10

Rwokyini pipö Israel menotönengwa kegh, ompöwölo kïrkegh lapay chaye keghisyö, möwöghökisyönye kïpkonchanïn ani ECHOTYON Tororötïngwa.

OSEA 7:16

Tökïpechini Paal* nyo melö kïgh. Lenye chane kïwang nyo kitwolö. Meghsot kintöghoghikwa ompö chok ompöwölo ngölonöy ompö menotön. Kïlenyona sösöy chane pipö Misri.”

AMOS 4:10

Kyotyorwokwa sömewut le chay kimi koro Misri kyaparan monekwa ompö chok arangan angoletinekwa kïpa kor anka. Kyaghan oröryo kanasyantenkwa kïlïtokwa sörun, wölo moyokukwanye kegh wölo omitan. Mwoghöy ECHOTYON.

AMOS 4:6

Kyokonokwa kömöy ompö kanastinekwa wölo moyokukwanye kegh wölo omitan. Mwoghöy ECHOTYON.

SEPANIA 1:6

Onyoran pich cho yodo kegh löt amelö tökïrïpanïn. Onyoran löwïr cho melö pkonöy akïsomanïn ontöghoghchï chane.”

KINONO KIRURUT 4:29

Wölo ato ayarakwa lasiny ECHOTYON Tororötïnkwa ompö wöloni onyorunekwa, ato ayarakwa nyinte ompö mïkulöwekwa kïmïkul.