ISAYA 8:7 - PIPÏLIA

⁷ Ani Echotyon nyo omïtu pöytoghinto Asirya nko pikachi kïmïkul pö lïk atökïpka kïporyeghö Yuda. Pokyini chane korononi le puseryon nyo kawir lalwa Yuparet nyo nyïghiti pöghechi akïpa sany wölo low.

ISAYA 8:7 ပူးပေါင်းရင်းမြစ်များ

TOWUNÖT 6:17

Opunan puseryon nyo lumöy kor kïmïkul nyo tïghöy tïkwïn löwïr cho sötote cho mi ngwïny.

2 PÖYTOGHÏ 19:32

“Mwoghöy ECHOTYON ompö pöytoghinto Asirya lö, ‘Melö lïtu nyinte kanasyantanï anta wutï kotöt kwit kanasyan. Amengwïnönye kanasyantanï nko longa anta rik kanasyante.

ESRA 4:10

nko pïchay löwïr kiwuwunö Osnapar nyo awes akutö kïmang kanasyanta Samaria nko kore löwïr ntökïnam lalwa Yuparet okumpö ta.”

TUMWÖY 46:4

Mi lalwa nyo ipchini kanasyanta Tororöt ngörekyö, wölo tïlil möngöy nyo Töror Tya.

TUMWÖY 72:8

Nya kïpayta kïngata nanam ntökwitïta nanamu anka akïngata lalwa Yuparet ntökwitïta sörömu ngwïny.

ISAYA 10:16

Kïlenyona nyu, töni Echotyon, ECHOTYON Kimuktoghin pikachi sömew nyo chopöy kong pikachi cho nöryote. Töni porwoyikwa ma nyo nöghöy kutate.

ISAYA 10:5

Kilö ECHOTYON, “Kïkany nyo le nyi Asirya! Opöghisyegheninyi le lïkïp nyo pö narekat, nyo ochoponan kong pich cho konörekyan.

ISAYA 11:15

Ighöy ECHOTYON Nanam nyo ipöy pögh lalwa Misri kïteny, akïyonï yomat nyo layate kungwïn kïpel lalwa Yuparet kïteny lakaw, kïpoto kori pöghon cho le mut nko odeny cho kosuno pögh, atökumï chi anka tïkwïl kwoghyö antakwagh.

ISAYA 28:15

Ompöwölo kyamwaghakwa lö kikiyomisöcha kegh nko meghat akyam ngamata nko ngwen, nyo ato wer mungötö nyo wow, kechïwïtyocha ompöwölo möminye kïgh nyo okönekwa atawïnya kegh kïpoto putintön nko lïsa.

ISAYA 28:17

Oghan kirwok kïlïkwï kïgh nyo kipimo tighöyonto kö, kïlïku man pörköyö nyo kighïtegho nayat.” Puchtoy takarïs lïsut löwïr cho kotighokwa kegh, akuwur puseryontö nyo lumöy kor kïmïkul wölo kowïngokwa kegh.

ISAYA 28:2

Akwanyï tïng ECHOTYON chitö anka nyo le nyakan akwawes, nyo mito kïpsach kïporyeghö chane, chi nyo ngwïnöy le takarïstin, nyo lata rop nyo ipu chepkiriri, nyo lata puseryon nyo awes nyo kighömï kor kïmïkul.

ISAYA 43:2

Ato awerakwa pögh cho chang omitan nko akwa, mörïntonekwanye kömpölelutkökwo nyonikïny. Ato awerakwa ma, möpelokwanye. Medonekwanye kïgh tyomut cho ngwonöch cho onyorunekwa.

ISAYA 59:19

Lïmöy chi anka tïkwïl ngaleko owesyenyi kïngetunö kongasis ntökwit wölnö le to. Ngwïnöy nyinte le puseryon nyo kiwachta nyo toru kimïny pö ECHOTYON.

ISAYA 7:17

“Ipunyi ECHOTYON akwipchï piköku nko koto papongu osis cho ghach kïtïl asis anka tïkwïl kïngeta otini kipesyö paytaghpa Israel nko Yuda. Ipu pöytoghinto Asirya!

ISAYA 7:20

“Olöy Echotyon chi nyo le rwokin nyo ngwïno lalwa Yuparet antakwagh ato itï asisoni nyinte kï pöytoghinto Asirya! Rwoköy nyinte tamughayikwa lömïs nko cho pito mötöwekwa nko porwoyikwa tïkwïl.

YEREMIA 47:2

“Arosa! Keghumonï pögh cho rökuno okumpö löt, lïku lalwa nyo nyïghiti puseryonta kïnyalta. Lumöy puseryontononi kor nko tïkwïn cho mi kor, ametukönye kanastin nko pich cho möngöy ori. Riryot pich kengarak, loksot kuteghyot pich cho möngöy koronete

YEREMIA 51:42

Ghumonuy pung pö Papilon ato pkonöy Lata mirtino pögho nanam ompö chepkiriri cho pkonöy akulum kor kïmïkul.

ESEKEL 26:19

Lentöy Echotyon TORORÖT, “Oghekwa le kanastin cho kikewurta kïlïkwï kïratis cho puryö pich cho möngöy otini kopkokwa puseryon kïtïpokwa.

DANIEL 11:10

“Petöy nyu werpö pöytoghinto Sirya kïporyot, ghömïtöy pipö lïk cho chang. Pkonöy akïmölöl pich le puseryon akïporyotö ntökwit nïyet cho kikïtek.

DANIEL 11:22

Pöröy nyinte söpïchis pö lïkos lömïs ata ompö nyini le Tïsin nyo Wow.*

DANIEL 9:26

Nyini kewonyö könyiswechoni, kepar pöytoghintonay kikengot akï puryö chi nyo mïlöy nyinte. Kunyar lïko pöytoghin nyo awes kanasyante nko Kö pö Tororöt. Ngwïnöy nyu söröm le puseryon akwipï poryot nko kinyarat lenyini kikïtat Tororöt.

AMOS 8:8

Yotyotöy korö ompö ngalechi akïsönön chi anka tïkwïl nyo möngöy ori. Ngetöy le pögho lalwa Nile akïröytö le pögho lalwa Misri.”

AMOS 9:5

Swongöy Echotyon, TORORÖT Kimuktoghin ngwïny kïyï le aykwanga akïsönön pich cho mi ori ngetöy koro akïrul le lalwa Nile.

MIKA 1:9

Ompöwölo melö tökïlösot moyokachi, akïlekït kïnyorï Yuda ngalechoni, kikwitï kukoti Yerusalem wölo mi piköchan.”

MIKA 5:4

Ngetöy nyu akïpayta pikachi, ompö owesyo ECHOTYON, ompö konyït pö kaynata ECHOTYON Tororötïnyi. Möngisïyi pikachi ompö kalya, ompöwölo kikwororit nyinte ompö ngwïny kïmïkul,

MIKA 5:5

akwipï kalya. Kïrkegh kïpka pipö Asirya korencha akïlïtu kori pöytoghi kïyontocha kintöghoghicha cho owesöch kïporyeghö chane.

NAUM 1:8

Wongöy ECHOTYON pungkachi le puseryon nyo mamïnïng, tyortoy chane kïpa kïmeghö lömïs.

LUKA 6:48

Okongityonan nyinte nko tekin nyo kiwas ngwïny lasiny akutoro tekseyo konyi ghat. Kuwachta museryonta ompö lalwa. Kïwir köyay, wölo kimemïnye kutimtim ompöwölo kikïtekï paraku ghat.

NGONGUT 17:15

Atolapay kïlenchanïn malaykayantanay, “Pöghechanye kisöchinyi atanye kitöpo chepores, kï söpïchis pö pipö koros löwïr nko punton löwïr nko kutïw löwïr.