ISAYA 8:4 - PIPÏLIA

⁴ Ompöwölo ghömïtöy pöytoghintö Asirya Damaska kïmïkul nko pöröwo Samaria löwïr kïtomö kumï monïngoni kïmwa lö, ‘Yoyo,’ nko ‘Papo.’ ”

ISAYA 8:4 ပူးပေါင်းရင်းမြစ်များ

2 PÖYTOGHÏ 15:29

Kungwïn Tikla Pileser pöytoghinto Asirya osiswechoni kipöytoy Peka akïnam kanastina Iyon nko Apel Pet Maaka nko Yanoa nko Kedes nko Asor nko Kiliad nko Kalilaya nko Naptali akïrang pikö kïlïkwï ratanpa Asirya.

2 PÖYTOGHÏ 16:9

Kughönchï pöytoghintonay pö Asirya Aas ngalechi. Kïyonta söpïch pö lïk kïpa Damaska kïnam kanasyante akïpar pöytoghinte akïrany pikö kutang Kir.

2 PÖYTOGHÏ 17:3

Kupokyï pöytoghintö Syalmaneser nyo pö Asirya Osyea. Kerïnta nyinte, kïkwöghchï Osyea Syalmaneser surï köny anka tïkwïl.

ISAYA 17:1

Kïlö ECHOTYON, “Melö tökïlïku Damaska kanasyan ngat, lïku kitïkumön pö kïratyan.

ISAYA 17:3

Möminye wölo körtegho kegh pipö Israel, wonyegho paytagh Damaska. Nyoru arasï pipö Sirya cho le ngötunön le pipö Israel. Mwoghöy ECHOTYON Kimuktoghin.

ISAYA 28:4

Kikongityot ororyononi silönöy pö kintöghoghichoni le menot nko akwa makany cho le poretay, cho kiwokyini kyomöy lawel otini katodogh nyo pö tagh.

ISAYA 8:5

Kïlenchanïn ECHOTYON ngat,

AMOS 1:3

Lentöy ECHOTYON, “Melö oyodeghonan sitöt Damaska ompö ghöyitwokachi cho kigh. Ompöwölo kilïwo Kiliad karïn cho kïtïgho pagh.

AMOS 1:5

Omïreghan tömölöwonto Damaska, awanyan piko ompö mpöghoghyo Apen, nko nyinte nyo tïng lïpö paytagh ompö Peteden. Kïrongöy pipö Sirya kïpa pïnotön ompö koro Kir.” Mwoghöy ECHOTYON. Pilistia

YONA 4:11

Ayo, mömïchinanïnye so osyonchï Ninawi, kanasyantanay wow, nyo mi pich cho tïlöy 120,000 cho melö nkït kïgh nyo karam nko nyo gha nko ompö kyak cho chang?”

RUMI 9:11

Wölo tökïrumtö lasiny lö, ki Tororöt nyinte kegh nyo kikïl weri akonga kitomö keyï monechoni le sala, akitomöcha kwigh chane kïgh nyo karam anta nyo gha, atömanyïl kïrumtö lö, Tororöt nyinte kikïl ompö machatenyi nyo amelö ompö ighisyewut pö ptangengmöt,

KINONO KIRURUT 1:39

Akïlïtöy koronini monekwa cho mïnkech chanya kyolentekwa petöy kïlïku pöröwo pikö walaka. Cho melö nkït ye tagh nko löt chane nyu cho otöninan kïcheng koronini.