12 “Metuyö kegh nko pïchï, amewagh tïkwïn cho wöghöy chane.
Okonyïtanïn ECHOTYON Tororötïnkwa atosörunenokwa punkökwo.”
Potonchot chane ompö mïghöt nyo kitomönye kïsïwa chane, ompöwölo toyot Tororöt pich cho pokyinokwa, nyoru arasï, ompöwölo kikïpïstö Tororöt chane.
Lentöy ECHOTYON, “Heywey! Ochech pich cho pöytoy koro Yuda, ompöwölo kapeny chane ngalechan. Mito chane kïrïpöy tötut cho melö kyotönön chane, akwam mumos cho melö kyomwochan akïtosyï kegh ngokï kïchangit.
Akwoto alïmakwa ngala poryot nko ngala puchen, motyö, ompöwölo nyoghöy kwighisyot ngalechoni mötïny, wölo meporunye choni lö, kikwitï söröm.”
Inan lö ani, ECHOTYON Tororötïngu nyo kyomwowunyi lö, ichichïm ainyakanitï, mewöghisyö anta meghïn mu, ompöwölo omitan nko nyi ompö wop anka tïkwïl nyo iwesteghonyi.”
Kïlenyona kïweghö Yoswö Kilkal nko pich löwïr cho pö lïk nko cho le nyökon.
