ISAYA 7:4 - PIPÏLIA

⁴ Omwochini kïtöpö kïpsach akïlïkwï nyakan, atömewöghisyö. Melö kïgh nörekyo pöytoghin Resin nko Sirya nko wero Remalia, karkegh chane pat nko ighot nyo ngwïno lïkip odeny.

ISAYA 7:4 ပူးပေါင်းရင်းမြစ်များ

2 PÖYTOGHÏ 15:27

Kilïkwï Peka wero Remalia pöytoghinto Israel ompö könyi odeny ompö paytaghpa Asaria, pöytoghinto Yuda akïpayta könyis tömönut odeny ompö Samaria.

2 OTÖPTINO OSIS 20:17

“ ‘Akwa pipö Yuda nko Yerusalem melö mi machata oporyenökwa ompö poryonï, oghyongenö pat adekelyengwo lasay, atasïwena wölo rïntewokwa ECHOTYON kïlïkwï.’ Mowöghisyö amomïghyö, anapa kegh oporyö nko chane asïyech ompöwölo mi ECHOTYON nko akwa.”

ISAYA 10:24

Mwochini Echotyon, ECHOTYON Kimuktoghin pikachi cho möngöy Sayon lö, “Mawagh pipö Asirya, kïrkegh kechopekwa kong chane le wölo kidakwa pipö Misri.

ISAYA 30:15

Ompöwölo mwoghöy Echotyon TORORÖT Kimuktoghin, Tororöt pö Israel nyo Tïlil nyo pö Israel pich lö, “Kïsörwokwa ato omïlonchekwa, aghananïn. Osïkekwa nyu owesyö atïpï ato tïghume.” Wölo ataghakwa agha lenyoni!

ISAYA 30:7

Lenye kwïle kingarakata nyo nyoruno chane pipö Misri. Nka nyoni kokuran koro Misri ompö ngötïnyö, ‘Moroy nyo mötïng owesyö.’ ”

ISAYA 35:4

Olenchinö chi anka tïkwïl nyo kima mu, “Alïkuna nyökon, mowöghisïyi! Ngwïnöy Tororöt kïsörwokwa, akungwïn kuchop kong pungkachi.”

ISAYA 37:6

kuyokyï pïchay lö, “Mwowunyi ECHOTYON lö mekany kwotyeghenin pipö Asirya otini lenchinokwa melö ngörokokwa nyinte.

ISAYA 41:14

Mwoghöy ECHOTYON lö, “Kïrkegh kochikwa mïnkech we pipö Israel, wölo mowöghisyö, ongörokokwa. Ochan sörunintenkwa, Tororöt pö Israel nyo Tïlil.

ISAYA 7:1

Kitowï poryot otini kipayta koro Yuda Aas wero Yotam, kuköto Usia. Kiporyeghö Yerusalem Resin pöytoghinto Sirya nko Peka wero Remalia pöytoghinto Israel, wölo kimemukcha kïnam kanasyantanoni.

ISAYA 7:8

Ompöwölo melö körom Sirya kïsir Damaska, kanasyantenyi nyini wow, amelö körom Damaska kïsir pöytoghin Resin. Kitoytoyot pipö Israel könyis 65 ntömelö tökeyitöy lö kor ngat.

ISAYA 7:9

Melö körom Israel kïsir Samaria, kanasyantenyi nyini wow, amelö körom Samaria kïsir pöytoghin Peka. “Kïkany ato maghanakwanye, kïmelö ochïchïmekwa nyonikïny.”

ISAYA 8:4

Ompöwölo ghömïtöy pöytoghintö Asirya Damaska kïmïkul nko pöröwo Samaria löwïr kïtomö kumï monïngoni kïmwa lö, ‘Yoyo,’ nko ‘Papo.’ ”

ISAYA 8:6

“Ompöwölo katagh pïchï pögho Siloa cho rotöy mut akïngörökyï pöytoghin Resin nko pöytoghin Peka.

LOK 3:26

Kïlenyona karam tya ompö acha kekönö sörunötenyi ompö mïkukönöt

AMOS 4:11

Kyawanyakwa walaka le wölo kiwangta Tororöt Sodoma nko Komora. Kyalatekwa machey nyo kakïchengunö ma, wölo moyokukwanye kegh wölo omitan. Mwoghöy ECHOTYON.

APAKUK 2:3

Ompöwölo tökïköngöy ngongutyononi osiswechi cho kikïtat. Wölo kelu asisoni lawel akungwïnöy kïyoni oporunyi kïlïku man. Kïkany ato lentöy chi keropï, wölo kanganyi itu nyo mötïny, meropunye.

SAKARIA 3:2

Kïlenchï malaykayanta ECHOTYON Onyöt, “Nya kïchïpïn Tororöt we Onyöt! Nya kupkongïn ECHOTYON nyo kikïlchï kegh Yerusalem! Mökörönye kegh chichï nko kwenta nyo kökïsörunö ma nyo nöghöyï?”

MATAYO 10:28

Amawagh chane cho pöröy por akïmemuköcha ntökïtïgh söpontö, wölo awagha Tororöt nyo muköy kuwuröy por nko söpontö ompö mapa kokay.

MATAYO 24:6

Olïmekwa ngala poryotïn nko putintöno poryotïn. Orip kegh motyö, ompöwölo itu ngalechoni nyo mötïny, wölo meporucha ngalechoni lö kikwitïta sörömu ngwïny.

KINONO KIRURUT 20:3

‘Akwa pipö Israel, karikakwa asisete wölo mi poryot atapara kegh nko punkökwo. Makany kïmeghok mutïnö anta onyökoritu anta opotonchö amotöp ntomïghyö ompö chane.

1 SAMWEL 17:32

Kïlenchï Daudi Saulö, “Mewagh chichï pö Pilisti, ompöwölo owetan oporyot nko nyinte.”