ISAYA 7:20 - PIPÏLIA

²⁰ “Olöy Echotyon chi nyo le rwokin nyo ngwïno lalwa Yuparet antakwagh ato itï asisoni nyinte kï pöytoghinto Asirya! Rwoköy nyinte tamughayikwa lömïs nko cho pito mötöwekwa nko porwoyikwa tïkwïl.

ISAYA 7:20 ပူးပေါင်းရင်းမြစ်များ

ISAYA 1:5

Kölö ne toletekwa tagh nko penyat? Tomökekwa so kenyörilokwa kong nya? Kikïghömï moyoy mötïngu, we Israel, kikuchir mïkulöwungu nko mötïngu.

ISAYA 10:15

Wölo kïlö ECHOTYON, “Muköy so oywö kwighöy kegh lö ochï wow kïsir chitö nyo pöghisyegho? Pïchigh so mïsumenö kïsir chitö nyo pöghisyegho? Melö syolöy lïkïp chi, chi nyo syolöy lïkïp.”

ISAYA 11:15

Ighöy ECHOTYON Nanam nyo ipöy pögh lalwa Misri kïteny, akïyonï yomat nyo layate kungwïn kïpel lalwa Yuparet kïteny lakaw, kïpoto kori pöghon cho le mut nko odeny cho kosuno pögh, atökumï chi anka tïkwïl kwoghyö antakwagh.

ISAYA 36:1

Kiporyeghö Senakerip pöytoghinto Asirya kanastina Yuda cho kikïtek nïyet akïrïnta ompö könyi taman nko angwan nyo pö paytaghpa pöytoghin Esekia.

ISAYA 8:7

Ani Echotyon nyo omïtu pöytoghinto Asirya nko pikachi kïmïkul pö lïk atökïpka kïporyeghö Yuda. Pokyini chane korononi le puseryon nyo kawir lalwa Yuparet nyo nyïghiti pöghechi akïpa sany wölo low.

ISAYA 9:13

Wölo melö kakitö pipö Israel, kïrkegh kichop kong ECHOTYON Kimuktoghin chane.

YEREMIA 2:18

Akï ye köny, nyiwu ne ato iwenyi koro Misri? Kepïrchinyi wïyö ghegha pögho lalwa Nile? Anta nyiwu ne wïyö koro Asirya? Kepïrchinyi wïyö ghegha pögho lalwa Yuparet?

ESEKEL 29:18

Kïlenchanïn, “Wero chi, kikusetï lïkenyi Nepukadnesa pöytoghinto Papilon kïpar Tiro. Kigh pikachi kïkasan tïkwïn cho nïkisöch ntökïchïrkonisyö mötöwöy nko pöghway, wölo melö nyoru kïgh nyonikïny chane ompö Tiro nyo yoku poryoninö kisïnga.

ESEKEL 29:20

Kyotönön nyinte koro Misri kïlïkwï mïsyarechi ompö kasinini kïgh nyinte ompöwölo kipöghisyewanïn chane. Mwoghöy Echotyon TORORÖT.