ISAYA 7:19 - PIPÏLIA

¹⁹ Pkonöy kunyïghitöy kïghömï renkeröy nko köpönot cho mi ghatoy nko wuw pö kato nko wölo oketïyi kyakï tïkwïl.

ISAYA 7:19 ပူးပေါင်းရင်းမြစ်များ

2 OTÖPTINO OSIS 33:11

Kïpïsï ECHOTYON chane kighyongtoghi lïko pöytoghinto Asirya kïpka kukoda Manase kömöyi karïn akïrat kïrata sïrïmtino taghoy akuretö kutang Papilon.

ISAYA 2:19

Pertoy pich nyu kïpetöy kïghïpcheghö köpönot anta pïrïmpot cho mi ngwïny kumukyï kïchïwïtyeghö sïnyoryo ECHOTYON nko owesyenyi nko ororyenyi nyo itu otini ngwïnöy nyinte kutimtimöy ngwïny.

ISAYA 2:21

Ghïpchegho pich pïrïmpot nko kö pönot cho mi ghatoy atoni ngwïnöy ECHOTYON kutimtimöy ngwïny atökïchïwïtyeghö nörekyenyi, akïwïnya kegh wölo mi owesyenyi nko ororyenyi.

ISAYA 5:6

Mopïtinanye rötökwö, amopïtinanye ketiko sapipun anta angor pare, wölo opïsyan kïpituna tïkawkaw nko kato. Otöghonan poltoy möropönchï paranoni!”

ISAYA 55:13

Pito saypras wölo kötö pito tïkawkaw, kïpita kapïrïmen wölo kötö pito panyïrit. Machey nyoni nyo töpo kokay, lïku kinonutyo kïgh nyo kaghan ante ECHOTYON.”

ISAYA 7:24

Petöy nyu pich nko kïwantis nko koti korononi kïsökösiyi, pituno tapalak nko kato kore kïmïkul.

ISAYA 7:25

Mörikönye chi asisoni kutïngkoti löwïr cho kikïngoröy, ompöwölo kilum kato, wölo lïku koroswechoni acheyu tïch nko ngaror.”

YEREMIA 16:16

Lentöy ECHOTYON, “Arose! Kokurön nömï cho chang kïpka kïnam pïchete le nömi kaghagh. Atolapay okurön sökosï cho chang kïsakas chane ompö kutïngkot nko komos nko ghatoy nko köpönot.

MIKA 7:17

Chuto kegh ngwïny le moroyut, puluno wölo kögheto kegh ompö potana nko mïghö. Yokyini kegh ECHOTYON Tororötïnyo ompö kiwaghat.

SAKARIA 10:8

Okuran piköchan, aghamït, ompöwölo osörunan chane. Oghan chane kïchangit le tagh.

MATAYO 7:16

Onkïtukwa chane ompö ighisyewutkökwa. Melö kïpïto sapipun sankakay amelö kïpïto makany tökölten.