ISAYA 66:19 - PIPÏLIA

¹⁹ akunkïtï lö ani nyo kachop kong chane. “Wölo otukan walaka ompö chane atayontan kïpa wölo mi puntonï cho lowöch, cho tomöcha kïlïm kaynatenyan anta sïwa wowïntönyan nko owesyenyan, petöy koro Tarsis nko Lipya nko Lud kïmi nko pich cho nkït kïwutïtoy kotï, akïpa ntökwit Tupal nko Akaya. Mwotïtoy pïchoni walaka wowïntönyan.

ISAYA 66:19 ပူးပေါင်းရင်းမြစ်များ

TOWUNÖT 10:13

Monïngo Misri kï pipö Ludim nko Anamim nko Leapim nko Naptuim

TOWUNÖT 10:2

Achï werpö Yapet cho kisïch: Komer nko Makok nko Maday nko Yapan nko Tupal nko Mesyek nko Tiras.

TOWUNÖT 10:22

Kïkuro werpö Syem: Elam nko Asyur nko Arpaksyad nko Lud nko Aram.

TOWUNÖT 10:4

Werpö Yapan kï ki pipö Elisya nko Tarsis nko Kitim nko Dodanim.

TOWUNÖT 9:27

Nya kwigh Tororöt ka Yapet kïpöroyit, nya kïmang nyinte emeni Syem, akïlïkwï Kanan sekeyonto Yapet.”

1 OTÖPTINO OSIS 1:11

Misri kï papoto Ludim nko Anamim nko Leapim nko Naptuim

1 OTÖPTINO OSIS 1:7

Werpö Yapan kï: Elisya nko Tarsis nko Kitim nko Rodanim.

1 OTÖPTINO OSIS 16:24

Mwochinö punton ororyenyi, imwochï pich tïkwïn cho kegh nyinte.

TUMWÖY 72:10

Nya kwipchï ropöw nyinte pöytoghi Tarsis nko koros cho mi nanam akwipchï nyinte ropöw pöytoghi Syepa nko Sepa.

ISAYA 11:12

Atolapay kïsyol ECHOTYON pentera nyo porchini pipö punton lö kaghamït nyinte pipö Israel nko cho pö Yuda cho kitoytoyö kïngetunö luchtin angwan cho pö ngwïny.

ISAYA 18:3

Tera chi anka tïkwïl nyo imitö ngwïnyinï! Otini kasïwa machey nyo kakiporunö kutïng parak, otopön! Kïkany ato kïkut kontï, alïm!

ISAYA 18:7

Itu asis akonga ato toköy ECHOTYON Kimuktoghin ropöw cho pkono koronete kepesyö lalwatïna, mito pich cho köromöch akwowesöch, pich cho koghöch akïtïlyönglyöng porwöy, chane cho kiwöghöy ompö ngwïny kïmïkul. Pkonöy chane akïpusï kutïng pö Sayon,* wölini kïsogho ECHOTYON Kimuktoghin.

ISAYA 2:16

nko ompö melin tïkwïl cho pïchighöch tya cho kïchömöy cho pö Tarsis.

ISAYA 29:24

Netöy kegh pich kïsïku kïgh cho kitosonchö mïkuliskökwa, akïtach kinetut pich cho ngwïrngwïronöy kïtenö osis.”

ISAYA 42:12

Nya kutö ECHOTYON salat nko ororyö, pich tïkwïl cho möngöy koros cho lowöch!

ISAYA 42:4

Mömeghönye mu anta wonyeghö nyakanat ntökïtenö kutö man ngwïny. Köngöy koroswö cho lowöch kinetutkachi ompö kikönöt nyo wow.”

ISAYA 43:6

Omwochinan pipö ewu löt kïpïstö chane, amwochan cho pö ewu tagh kutyak chane. Nya kïmïlisyeghö chane koros cho lowöch, nya kïpkana koroswo ngwïny löwïr.

ISAYA 49:1

Atera ngalechan akwa pipö punton cho lowöch akwa chona omöngöy koros cho lowöch! Kikïlanïn ECHOTYON kïtomö keyiyanïn akïkïlanïn alïkwï mötworintenyi.

ISAYA 49:12

Pkono piköchan koros cho lowöch, ngetuno walaka okumpö löt nko wölnö le to, kïngetunö walaka Aswan nyo mi okumpö tagh.”

ISAYA 49:22

Kïlenchï Echotyon TORORÖT Kimuktoghin pikachi, “Osyolchinan ewunyu pipö punton le machey, atökuyokwï chane monekwa kïmïlisyö kestonikwa.

ISAYA 51:5

Ongwïnan osöru chane lawel, melö low sayenyan nyo opunan sörunöt. Opöytonan ante pipö punton. Mito koroswö cho lowöch kïkönganïn, könanïn tosörwan chane.

ISAYA 52:10

Keghïtö ECHOTYON ewunyi nyo tïlil, kïsïwïyi pipö punton löwïr. Sïwïyi pipö ngwïny kïmïkul sörunöto Tororötïncha.

ISAYA 52:15

Wölo töngönchini ye nyu pipö punton cho chang sisyot pöytoghï lasay ompö töngönchin. Sïwïyi chane akïpköchï kïgh nyo melö kinkït chane tagh.”

ISAYA 55:5

Ikurenyi ye nyu koros cho menkïtönyinye, koros cho melö nkïtinyi akïryöwu kïsorinyi. Igho lenyoni akwompö ani ECHOTYON, Tororötïngu, Nyo Tïlil nyo pö Israel. Okonokwa konyït nko ororyö.”

ISAYA 60:9

Melin choni cho rotuno koros cho lowöch, akuntöghoghchini melino Tarsis. Yoku kaw moneku cho pkono wölo low. Ipu chane silpa nko koltinekwa, atökïkonyït ECHOTYON Tororötïngu, akïsal Tororöt pö Israel Nyo Tïlil, ompöwölo keghakwa osïkö ororyö.

ISAYA 62:10

Akwa pipö Yerusalem olïtunö sanypa kanasyan, agha ara mït nyo weru pikökwa cho mïlonchot kaw! Agha are nyo wow nyo puryö koghïn! Otönö macheytin tökïsïwa pipö koros.

ISAYA 65:1

Lentöy ECHOTYON, “Kyomitan kïpsach oterchï piköchan sowutkökwa, wölo melö kisagh chane. Kyomitan kïpsach oporchï kegh chane, wölo kïtagh chane kïyaranïn. Melö kisaghanïn chane, kïrkegh kyomitan kïpsach osis, olenchini, ‘Anyï ani!’

YEREMIA 46:9

Kïlenyona akwa angoletino poryot, kepe nyu tagh! Nya kïchöghö yïm kighumötö nyo pö nkaritin cho pö lïk cho chutöy angoletinö! Nya kïpa tagh nyökon cho nkït kïnömöy longoy, nyökon cho pkono koro Etopya nko Lipya. Nko pipö Lud cho nkït kïporyeghö kotï.’ ”

ESEKEL 27:10

“Kimi nko askarineku askarino Pasya nko Lud nko Lipya le piköku pö lïk. Kiwuso kopïyenikwa nko longokökwa nïyetköku, tökïkoninyi ororyö.

ESEKEL 27:13

Kighanyi mïnchïrïsnön nko pipö Yapan nko Tupal nko Mesyek, cho kyala tïkuku sekey nko kari taghoy.

ESEKEL 30:5

“Wonyot nyu lömïs Etopya nko Lipya nko Lud nko Arapia kïmïkul nko Lipya nko pich löwïr cho kinam kegh tïkwïl.”

ESEKEL 32:26

“Mi Mesyek nko Tupal wölini nko pipö lïk löwïr, kiwit chane pïrïmpoti pich cho le sompen, kikïpar chane ompöwölo kimugh chane pich ompö koro pich cho tökïsötote.

ESEKEL 39:1

Lentöy Echotyon TORORÖT, “Wero chi, nya kïngor möt Kok, lenchinö kighochaninyi nyoman we Kok, yetïn pö Mesyek nko Tupal.

ESEKEL 39:6

“Oyokyinan ma Makok nko chane löwïr cho möngöy rerangu Nanam ompö kalya, tökunkïtï lö ochan ECHOTYON.

DANIEL 11:18

Ato mi löt kïset kïpar koros cho kimi sörömu nanam akïrïnta cho chang wölo rïntoy wowïn pö lïk akuwany otöptanyi nyo gha, kïmïla nyu otöptanyi nyo gha wölo mi nyinte.

SEPANIA 2:11

Ighöy ECHOTYON pipö Moap nko Amon kïmïghyö, wongöy tororötino putintön ompö ngwïny le kwïle, atolapay kïsagh pipö ngwïny kïmïkul ECHOTYON Kimuktoghin, ompö koroskökwa.

SEPANIA 3:10

Pkonchinanïn piköchan cho kitoyechï koro Etopya, pkonöy kïsoghanïn akwipkanïn ropöw.

MALAKI 1:11

Wölo kusöy kaynenyan pipö ngwïny kïmïkul kïngeta kiwasan ntökïröytö asis. Pelwanïn tïkwïn cho ngutoy cho onyïn ompö wop anka tïkwïl akwipkanïn amörostin cho tïlilöch ompöwölo konyïtanïn chane löwïr.

MATAYO 28:19

Ape agha pipö punton löwïr kïlïkwï kinetankachan apatisan chane ompö kaynata Papo nko Weri nko Mïkulögh nyo Tïlil,

MARKO 16:15

Kïlenchï, “Ape ngwïny kïmïkul amtatena Lökoy Karamach kwityï pich lapay.

LUKA 2:34

Kusoyön Simion chane akïlenchï Marya, yoto monïng, “Rose, kikïl Tororöt mönïngï kïlïkwï macheypa kipotöt nko sörunöto pich cho chang ompö Israel. Lïku nyinte kiporunöt nyo ngwïno wölo mi Tororöt nyo mölomölo kegh pich cho chang,

RUMI 15:21

Kïle wölo mwoytoy Kikirut lö, “Sïwïyi pich cho kitomöcha kyomchï lökoyechi, akïsöwï chane cho kitomöcha kïlïm.”

EPESO 3:8

Kikïkonanïn kïrkegh ochan mïnïng nyoman kïtïl pipö Tororöt löwïr, wölo Tororöt nyo kikonanïn pöropchö omchï pipö punton Lökoy cho Karamach cho pö sïkönöto Kristo nyo möminye söröm,