ISAYA 66:16 - PIPÏLIA

¹⁶ Pöro chane ma nko chok. Wongöy pipö ngwïny kïmïkul cho tökïle mwokïyis akï chang cho kïpöröy atoni.

ISAYA 66:16 ပူးပေါင်းရင်းမြစ်များ

ISAYA 10:4

Kïpörokwa otini osetekwa anta kïrangakwa alïkuna mampustin. Akï kïrkegh keghisyö lenyoni, kïmelö wonyot nörekyo ECHOTYON, wölo tökïghïteghote ewunyi nyo nyete le ye.

ISAYA 27:1

Pöghisyegho ECHOTYON asisoni chokenyi nyo aghïgh akïwow akwawes atökunyarila kong tyompö pögh nyo kïkuro Lepiyatan, moroy nyo ryönöy kegh akïpar moroy nyo lichegho nanam ori.

ISAYA 3:13

Karich kughyö ECHOTYON atökïmut ngal, ghyongöy nyinte atökurwokyï pich.

ISAYA 30:30

Ighöy ECHOTYON chi anka tïkwïl kïlïmöy kutinyi nyo pö töroryö atökuporchï chane wölo nïkis kïlïkwï nörekyenyi. Kïsïwïyi atoni lyopötin nko kiryal nko takarïstin nko rop nyo ipu chepkiriritin.

ISAYA 31:8

Kïpöro chokon pipö Asirya otini mito setat, wölo melö ompö chokoni pich. Pertegho pipö Asria wölini poryegho, kenam nyu chumwakayikwa akegh kïlïkwï sekey.

ISAYA 34:2

Ompöwölo tïng ECHOTYON nörekyö nyo wow ompö pipö punton kïmïkul. Könörekyï nyinte pipö punton löwïr cho pö lïk ompö nörekyö nyo ngwan kerwokyï chane kiwurat lömïs.

ISAYA 65:12

Lïku nyoni sörömunkwa nyo omeghsot ompö megha mörkötetyö, ompöwölo melö kyongitonchekwa atanya kyokurokwa anta alïm atanya kyangalanan. Kyachamakwa akwane amasa ngalechan, aghakwa ngokï.

YEREMIA 25:31

Kïlïmo chöghötononi sörömu ngwïny ompöwölo mi kïgh nyo gha nyo kisïwechï ECHOTYON kwenungwa. Rwokyini nyinte pïchoni atolapay kïpara ngot mwokïyis!’ ” Mwoghöy ECHOTYON.

YEREMIA 25:33

“Ruyot pich kïrïkïsus cho pöröy ECHOTYON asison. Kïghömï ngwïny kïmïkul. Mörirönye chi chane amöminye chi nyo wetöy kïtïpöy porwöyikwa. Köposisyegho sany atoni le pures.

YEREMIA 45:5

Ayo, iyörenyi so kewunyi nyo karam tya kïtïl pikö walaka? Ikïrö kegh ngölyontononi! Ompöwölo onyoran ngwïny kïmïkul. Wölo ropöwontengu kï akonga. Ichïwïtenyi amönyorunyinye ngot ompö wop anka tïkwïl nyo kewenyi.” Mwoghöy ECHOTYON.

YEREMIA 46:15

Ompö ne tökupultö Apis tororötïnkwa, kïrkïnkwa nyï otighokwa kegh? Ompöwölo kiwirchï ECHOTYON nyinte ngwïny!

ESEKEL 28:18

Kisïmnyonönyi wölo kïsogho, ompö ngokiku cho möngörï nko ompö mïnchïrïsnöntengu nyo pö lïs. Kïlenyona kyotyorunyi ma kïpelinyi, inaghanyi lïkuna aryon ompö ngwïny ompö tawu pich löwïr cho kisïwinyi.

ESEKEL 38:17

Lentöy Echotyon TORORÖT, “Nyi so nyay kyangalanan köny ompö kutïwa mötworichan werkoyi Israel? Kingor chane könyisyok lö, omïtunan chi kupokyï chane.”

ESEKEL 5:15

“Oghinyi le kïgh nyo pö arasï nko sasat akïtöngönchï puntonï cho kiwitinyi, otini korwokunyi ompö nörekyö nko sïngiryö nyo gha amunginyi. Ani ECHOTYON nyo kamwagh.

YOEL 3:2

Oghömïtan pipö punton löwïr aronkyan mpöghoghyo Yeosyapat arwokyan chane ompö wöloni, akwompö parakuto piköchan Israel cho kitoytoyö chane kïghömï koros akïngötörchï kegh korenyan.

AMOS 7:4

Kuporwanïn Echotyon TORORÖT sïwïyagh asïwan Echotyon TORORÖT kïkuru ma nyo lïku sitöt kuwany nanam nko wölo le sany.

NAUM 3:15

Wölo kïrkegh agha lenyoni, pelokwa ma owonyenö, akepörokwa ompö poryot. Wonyokwa ngot le talam cho omöy pagh ompö par. Kyoyiyökwa, achangitï le talam, oyiyekwa le kaperon!

NAUM 3:3

Kangwïnta kegh poryeghï cho pegho angoletin ompö poryot. Keryölsyö chokonï, kukwörkwerisyö ngötwö, kuköposisyö mïntïruchtino pich cho kikïpar, muntïruch cho makïrar cho kikwötöy pich!

SAKARIA 14:5

Oryöghekwa oweröy mpöghoghyonï köreröy kutïng pö ECHOTYON. Oryöghekwa le papotïnekwa ato kichïwïtyeghö korïngring osiswo pöytoghin Usia nyo pö Yuda. Atolapay kuchumï ECHOTYON, Tororötïnyan nko pich löwïr cho tïlilöch.