ISAYA 66:10 - PIPÏLIA

¹⁰ Ongörekyenö aturonchö nko Yerusalem, akwa chona ochömöy kanasyantanï! Ongörekyenö nko nyinte tïkwïl cho kyosönönchï!

ISAYA 66:10 ပူးပေါင်းရင်းမြစ်များ

TUMWÖY 122:6

Osoghchinö Yerusalem kïnyorï kalya. “Nya kulet chane cho chöminyi.”

TUMWÖY 137:6

Ato mananïnyinye, we Yerusalem, ato moyitinyinye lö ichinyi ngörekyenyan nyo wow, ikany kïnyïkisit ngalyapunyan nyo makïtumöy.

TUMWÖY 26:8

Ochöman möngengu, we ECHOTYON, wölini mito ororyengu.

ISAYA 25:9

Mwoghöy chi anka tïkwïl ato itï asisoni lö, “Tororötïncha nyinte! Kikïmitecha kekönöy nyinte, kakïsörwecha nyinte. Nyinte kï ECHOTYON! Kikïmitecha kekönöy nyinte, akemitecha ye kengörekyot aketuronchot ompöwölo kösörwecha nyinte.”

ISAYA 35:2

Ngongöy möt tapïkoyï ompö chongïn, lïliyöy akïtum ompö ngörekyö. Ororitu le kutïngkoti Lepanon, akïnyorï okwoghyö le nyo pö pareni Karmel nko Syaron. Sïwïyi chi anka tïkwïl ororyo ECHOTYON akïsïwa wowïntanyi nko owesyenyi.

ISAYA 44:23

Otumö yïmwöy ompö ngörekyö! Otumö tïkwïl wölnö le ngwen! Otumö kutïngkotï nko ket löwïr cho mi wuw! Ompöwölo kösörï ECHOTYON Yakopo akïnyorchini nyinte ororyö koro Israel.

ISAYA 51:3

“Osyonchinan kanasyanta Sayon* nko pich löwïr cho möngöy kïratiskachi. Oghan kore nyo tïryal kïpïchighitu le para Eden, lïku kore wölo le surkwen para ECHOTYON. Kïnyoruno orinyi ngörekyö nko turönöt aketumo wöloni tumwöy cho sölanïn.

ISAYA 65:18

Ongörekyenö, aturonchö kokay ompö kïgh nyo oghan. Ngörekyot pich tya ompö Yerusalem nyo rel nyo oghan akïturonchot pikachi.

ISAYA 9:3

Keghanyi pich kïtösisyö, aitösyinyi chane ngörekyö. Köngörekyö ompö tawungu, le pich cho ngörekyot ompö asispa ilö, le pich cho chöghöy pöröwekwa.

ESEKEL 9:4

akïlenchï, “Weratena kanasyanta Yerusalem kïmïkul, aitö machey tokochu chi anka tïkwïl nyo kasïwa nyo gha akusus ngalechï ghach kakigha kanasyan.”

KINONO KIRURUT 32:43

“Asala pipö ECHOTYON, akwa pipö punton, nyörilöy ECHOTYON kong pich löwïr cho pöröy pikachi akïlöstoghchï pikachi ngokikwa.”