ISAYA 66:1 - PIPÏLIA

¹ Mwoghöy ECHOTYON lö, “Ngacharunyan wölnö le yïm akï kelto ngacharunyan ngwïnya. Kï kö nyo nen nyu nyo omukekwa otekwanïn? Akï yonö ato oghwanïkwa atamangan?

ISAYA 66:1 ပူးပေါင်းရင်းမြစ်များ

1 PÖYTOGHÏ 8:27

“Wölo, eimukenyi nyoman nya we Tororöt mönge ngwïny? Ato möghöminyinye mönge ompö nyini le yïm, kumuko nyu lö ne kïghaminyi Köyï kïmïnïng pö saghat kotekunyi?

1 OTÖPTINO OSIS 28:2

Kughyongö Daudi tawungwa akïlenchï, “Oterwante pikachu. Kyomökan oteke kö nyo pö Santuku Muma* nyo pö ECHOTYON, wölo tïköy nyinte. Kö kyatatan otekyï kö nyo kikonyïto nyinte,

2 OTÖPTINO OSIS 2:5

Köyoni otekan kïwow, ompöwölo wow Tororötïncha kïtïl tororötin walak löwïr.

2 OTÖPTINO OSIS 6:18

“Wölo, ekumuköy nyoman Tororöt kïmang nko ptangengmöt ompö ngwïnyï? Rose ompö lö mömïchininyinye yïmö anta yïm wölnö imöngenyi, tya nyu köyï katekan nyo mukinyi?

TUMWÖY 11:4

Mito ECHOTYON Konyi nyo tïlil akïmitoni ngacharunyi nyo pö paytagh wölnö le yïm. Topönöy konyichi pich löwïr akunkït kïgh nyo ighöy chane.

TUMWÖY 132:7

Kelecha, “Kepe Kö pö ECHOTYON, kekïtïngenö tawu ngacharunyi.”

TUMWÖY 99:9

Asala ECHOTYON Tororötïncha asagha nyinte ompö kutïngtanyi nyo tïlil. Tïlil ECHOTYON Tororötïncha. Tum nyo kiyokyino Tororöt sörö.

ISAYA 57:15

“Ochan Tororöt nyo Tïlil nyo omitö parak, nyo ochï satate kokay. Omöngan wölnö tïlil le parak wölo omöngan nko pich tïkwïl cho tölose, cho tötoy ngokikwa, atoyokyan chane nyakanat nko kikönöt.

ISAYA 60:13

“Kipunyi ororyo Lepanon, kipu mpawtina saypras nko tarakit, atökemina Konyan nyo pö saghat kïpïchighit, akwigh kanasyantenyan kïsïch ororyö.

YEREMIA 23:24

Ayo, ngo nyo muköy kïwïny kegh, amasïwan nyinte? Melö so kyoghömwan yïm nko ngwïny?

MALAKI 1:11

Wölo kusöy kaynenyan pipö ngwïny kïmïkul kïngeta kiwasan ntökïröytö asis. Pelwanïn tïkwïn cho ngutoy cho onyïn ompö wop anka tïkwïl akwipkanïn amörostin cho tïlilöch ompöwölo konyïtanïn chane löwïr.

MATAYO 12:6

Wölo omwowokwa lö mi yi anka nyo wow kïtïl Kö pö Tororöt.

MATAYO 24:2

Kuyokyï Yeso lö, “Osïwïyekwa teksyonete kïmïkul nya? Omwowokwa nyoman lö möminye kagh ompö akonga nyo kïpïsyini kughyongo parakuto kada anka, kïwirchini ngwïny löwïr.”

IGHISYEWUT 17:24

Mömöngönye Tororöt nyo kigh ngwïny nko tïkwïn lapay cho mi orinyi kori sowut cho kitek pich, ompöwölo Echotyonto yïm nyinte nko ngwïny.