ISAYA 65:7 - PIPÏLIA

⁷ kïrïp kegh nko ngokikwa nko cho pö kukötinekwa. Ompöwölo kapel chane mankoy cho ngutoy nyo karam ompö kutïngkot akumwaghanïn ompö komos. Omungan nyu chane kïrïp kegh nko ighisyewutkökwa cho kipö tagh.”

ISAYA 65:7 ပူးပေါင်းရင်းမြစ်များ

1 PÖYTOGHÏ 22:43

Kigh nyinte nyo karam le kwanta Asa ompö tawu ECHOTYON. Kirïp kirurut pö ECHOTYON löwïr wölo melö kinyar wölo kïsogho körkeyïntin, kulet tagh nyu pich kutötö amörostin cho kïpelöy nko tïkwïn cho ngutoy cho onyïn.

1 PÖYTOGHÏ 22:44

Kyam mis Yeosyapat nko pöytoghinto Israel.

2 PÖYTOGHÏ 12:3

Wölo melö kinyar wölo kïsogho körkeyïntin. Kulet tagh pipö Israel kïropta amörostin, akïpela köröstin wöloni.

2 PÖYTOGHÏ 14:4

Melö kinyar nyinte wölo kïsogho körkeyïntin, kitas tagh pich kutötö ropöw akïpel tïkwïn cho ngutoy cho onyïn ompö wöloni.

2 PÖYTOGHÏ 15:35

Wölo melö kinyar nyinte wölo kïsogho körkeyïntin, kitas pich tagh kutötö amörostin akïpela amörostin wöloni. Nyinte nyo kitek Kukat nyo kimi okumpö ewu tagh ompö Kö pö Tororöt.

2 PÖYTOGHÏ 16:4

Kitötö Aas amörostin nko tïkwïn cho ngutoy cho onyïn ompö wölo kïsogho körkeyïntin nko kutïngkot nko ghïtwöyi ket cho nyörilöch.

2 OTÖPTINO OSIS 21:11

Amönyoninye onkït, kitek ompö kutïng pö Yuda wölo kïsogho körkeyïntin akuntöghoghchï pipö Yerusalem kupotö kighanata, akuryal pipö Yuda kupotyö.

WUWÖT 20:5

Mesagh tïkuchoni anta ipöghisyechï, ompöwölo ochan ECHOTYON Tororötïngu nyo le söstoghin ompö tororötin walaka. Otökonan monïng ghöyïntino papotïnekwa pïnta nyo pö sömök nko nyo pö angwan, chona reyanïn.

ISAYA 10:12

Wölo lentöy Echotyon, “Nyini kawanyan kïgh nyo oghan ompö kutïng pö Sayon nko ompö Yerusalem, achuman nyu pöytoghinto Asirya ompö menötenyi nko ompö kwolötenyi.”

ISAYA 13:11

Mwoghöy ECHOTYON lö, “Opunan kiwurat ngwïny, anyörilan kong mwokïyis lömïs ompö ngokikwa. Owonyan menotön nyo pö pich cho le pkatis.

ISAYA 22:14

Kingölonwanïn ECHOTYON Kimuktoghin nyinte lö, “Melö kïlöstoghchini chane ghöyityengwa, otini kïnye tökïsöpsot chane.” Mwoghöy Echotyon TORORÖT Kimuktoghin.

ISAYA 26:21

Ompöwölo ngwïno ECHOTYON möngenyi nyo mito yïm, atökunyaril kong pipö ngwïny ompö ngokikwa. Kiporu atoni irïmö nyo kikigha ngwïny ompö sison, amelö tökumuköy ngwïnya kïwïngöy pich cho kikïpörchï orinyi.

ISAYA 28:21

Poryot ECHOTYON kïkarkegh nko wölanya kiporyeghö kutïng pö Perasim nko mpöghoghyo Kipyon, atökumï kwigh kïgh nyo mököy kwighöy, kïrkegh köwöngöy pich ighisyewutkachi lö ne! Wongöy ighisyenyi nyo pö töngönchin.

ISAYA 29:14

Kïlenyona nyu, oghan ighisyö nyo kïtöngönchini ompö kwenu pïchï, ighisyö nyo kïtöngönchini akewöghisyö. Lïku cho ngöghomöch ompö chane sölwöy, akïwaghaka chïreryengwa kïlïkwï kwïle.”

ISAYA 3:11

Poto mwokïyis cho wongu ompöwölo kïghokyini chane tïkwïn cho kighchï pikö walaka.

ISAYA 30:13

Otïngetekwa nyu ngokï. Kikongityonokwa nko nayat nyo kogh nyo kikarera yïm ntökwit ngwïny, akïtomönye kite orulyekwa lawel.

ISAYA 30:14

Kïnyökokwa atoni le tör nyo kikinyaknyak ntömelö tökïngötu tïwan nyo le kite nyo kipö ma nyo kinoghöy anta nyo kïrama pögh ompö kö pö pögh.”

ISAYA 57:12

Kananakwa so lö kïgh nyo oghekwa nyo tenate, wölo oportonan ye otöptönkwa akï möminye Tororöt pö körkeyïn nyo ngörokokwa.

ISAYA 57:7

Kapusakwa kutïngkot cho koghöch ataropteghena wöloni amörostin, alïtyï kegh ompö wöloni.

ISAYA 59:18

Chopöy kong pungkachi kïrïp kegh nko tïkwïn cho kigh chane, kïrkegh kömi chane koros cho lowöch.

ISAYA 65:6

Kyomutyan kirwok pïchï, Mosisyinanye kïgh nyo kegh chane, oghokyinan chane,

ISAYA 66:4

Kïlenyona opchinan kiwurat nyo nyoruno tïkuchini otyegho chane, ompöwölo puryö chi nyo kingitön otini kyokursyan anta lïm ngölyontenyan otini kyongölonchan.”

YEREMIA 13:25

“Nka choni ngal cho nyorwokwa. Mwoghöy ECHOTYON. Ompöwölo kowutyeghanïkwa, atwaytekwa kegh tororötino putintön.

YEREMIA 13:27

Kasïwan oghekwa tïkwïn cho töghöy konyichan, karïpatakwa tororötino putintön ompö kutïngkot nko tömköy le wölo ripotoy kegh cheporestin. Ochech nyi we Yerusalem! Oyï ato itïlilitunenyi nya?”

YEREMIA 16:18

Otökan chane kïnyorï ngwonïn kïnyïl odeny ompö ngokï nko lelutkökwa cho kesïmnyon korenyan kïghaghit otï kenyïghit tororötino putintön cho mötïng söpon, karkegh nko muntïruch.”

YEREMIA 5:29

Opïstan ye pich cho ighöy ngal cho lata choni mönyorï sitöt? Mwoghöy ECHOTYON. Oghokyinan nyo mötïny pipö koros cho ighöy tïkwïn cho lata choni.

YEREMIA 5:9

Olentekwa ye so mönyorunye pïchoni sitenyan ompö ngalechoni? Mömïchinanïnye so otökisyö ompö pich cho ighöy ngalechete?

ESEKEL 18:6

Ato melö kasagh körkeyïntin ompö kutïngkot amamnye tïkwïn cho kikïropchï körkeyïntin amesïmnyon kokochi anta wechï korka nyo kötöpö nayat,

DANIEL 9:8

Kiketönöcha kegh arasï, we ECHOTYON, cho kakighucha nyi nko pöytoghicha nko yetïntinecha nko papotïnecha löwïr ompö ngokï.

OSEA 11:2

Wölo kïle otini kyokuran chane, kïmi kunokenanïn tya, akitas tagh kïpelchï amöros Paaltin,* akïpelchï tïkwïn cho ngutoy cho onyïn körkeyïntin.

OSEA 2:13

Ochopan kong nyinte ompö osis cho ropchini Paal amörostin akïmina kegh karïn yitïn cho pïchighöch akïwö kïrïpata chamankachi, akïwutyeghenanïn, mwoghöy ECHOTYON.

LAWIN 26:39

Kuyuyö cho köngötï ompö koroswo pungkökwa ompö ngokikwa nko ngokiko papotïnekwa.

KIYITUT 32:14

Anyï ye kamachakwa arïpa ngaleko papotïnekwa, pïnï pö pich cho le mwokïyis cho mököy kwipchini nörekyo ECHOTYON pipö Israel ngat!

LUKA 6:38

Otötenö tïkwïn, atökekonok. Kïkoneninyi sompïr nyo nyighitate, akepïr ntökïrarak. Ompöwölo kïkoninyi kïrïpata kegh nko wölini ketöteghtenyi.”

1 TESALONIKE 2:16

Kimukyï chane kïtaghenecha kyomchinö pipö punton ngal cho ipchini chane sörunöto Tororöt. Kewanya chane aranoni ompö ngokikwa löwïr cho kighöy chane kïnomnyö. Wölo kechumchï ye nörekyo Tororöt chane.